2 Piyɛr 1:7 - Mbede Lə Luba Kone Gə Sigi

⁷ nuji gə kuwa gə horo ngan ko̰ naaje gə ɔsə kudu kila kuji dɔ ne gə lə Luba, njigi naa ɔsə kudu nuji gə kuwa horo ngan ko̰ naaje gə.

Testament ke Siki 1960 (Kabba Laka)

⁷ Ke ndiki ngaköna dò boo ngem tar té lo Allah, ke ndiki do ndiki ngaköna té.

2 Piyɛr 1:7 Iomraidhean Croise

Romaindjé 12:10

Ɔji dɔ njigi gə horo ngan ko̰ naaje gə le ɗaa, may kar-si ꞌnjigije naa gə yo gə nee, may kar-si ꞌɗɔy-je naa gə gə yo gə nee ar-je al dɔ mar-ɛ.

Galatedjé 6:10

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

Colossiendjé 3:14

Ngaa ne gə to ɓəəl unda neje gə əng tɔ̰y ja to njigi mba njigi ja ɓa to kula gə a tɔ-si naa gə kar ꞌmayje ne pɛdə.

1 Thessaloniciendjé 3:12

May kar Mbayɓe ar njigi naa lə-sisəy gə yo gə nee ɔsə dɔ mar-ɛ gə kede-kede ngaɓa ɓar mii nəm, cibi ɓa ɔji dɔ dəwje tɔ̰y, to to gə sijee j-a njigi sisəy be tɔ;

1 Thessaloniciendjé 5:15

Oje gə maj-ɛ, may kar dəw kara kara ɗa kṵra̰y toro mar-ɛ gə ang; ngaa ꞌsangəje ɗəw ɗa may ja jaga-jaga horo naa gə ngaɓa gə dəwje tɔ̰y.

Ebərəje 13:1

May kar uwaje gə naa nuji kəm-si gə kede.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Piyɛr 2:17

ꞌƊɔyje dəwje tɔ̰y, ꞌnjigije ngan ko̰-si gə mə Kirisi gə, ꞌɓəəlje Luba, ilaje kuji dɔ mbay gə tɔ.

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.

1 Jean 3:14

Sijee j-a gərə to gə j-a ce mə ji yo gə j-aw lo təbə gə, mba sijee ja njigi ngan ko̰-sijee. Dəw gə njigi ngon ko̰-ɛ ang le nay mə ji yo gə baa ɓi.

1 Jean 3:16

Ne gə sijee j-a gərə ne njigi lə ɓa nee: ꞌne le, n-un təbə lə-a n-uga nee dɔ-si. Be ɓa, sijee kara, j-un təbə mba ngan ko̰-sijee.

1 Jean 4:21

Ndu gə j-inga ji-a gə ɓa nee: Dəw gə njigi Luba nama a njigi ngon ko̰-ɛ tɔ.