2 Piyɛr 1:5 - Mbede Lə Luba Kone Gə Sigi

⁵ Gəl-e gə nee le ɓa, undaje singa-si dɔ mar-ɛ gə, ar-je neje gə to nee ɔsə kudu naa dɔ takagə lə-si: Pa nja gə may ɔsə kudu takagə lə-si, negərə ɔsə kudu pa nja-si gə may,

Testament ke Siki 1960 (Kabba Laka)

⁵ Mbata lo tar nèn, oundaidjé mèsè toï ta kila mè madji dò ko mè té losè, ke kemkarè dò mè madji té,

2 Piyɛr 1:5 Iomraidhean Croise

Lugu 16:26

Cibi ɓa wəəl gə boy kay horo-sijee gə sisəy mba kar nje gə ꞌnjigi kḭ nee kaw dɔ-je gə ɓe lə-sisəy nu nama d-a kasə ang ngaɓa kḭ ɓe lə-sisəy gə nee kara to gə bənəng tɔ.

Lugu 24:21

Ɗaa sijee, j-unda mə-si to gə ꞌne ɓa n-to gə dəw gə n-a ta dɔ ngan Ijirayɛlje. Ngaa ne gə unda neje tɔ̰y, ɗa ndɔ gə njekum gə munda ngaa ɓogəne a neje nee le nday.

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

1 Corinthiendjé 14:20

Ngan ko̰-mje, may kar-si ꞌtoje nganje ɗəw kunja kəm tar gə ang, ngaa may kar-si ꞌtoje nganje gə na ɗəw ɗa məyɛr gə, ɗaa may kar-si ꞌtɔgəje ɗəw kunja kəm tar gə.

Ephésiendjé 5:17

Be ɓa, ꞌnjaje dɔ mbə gə baa ang, ngaa ꞌgərəje se ɗi ɓa to gə mə njigi lə Mbayɓe wa?

Philippiendjé 1:9

Ngaɓa m-dəji Luba mba kar njigi lə-si ɔsə dɔ mar-ɛ gə kede-kede, kar kəm-si unja ar ꞌgərəje ne ne gə may ngaɓa kar ɔrəje ne kəm ne gə may gə ne gə kṵra̰y.

Philippiendjé 2:12

Be ɓa sisəy gə m-njigi-si ya̰, gə go kila kuji lə-si taar-taar le, ꞌɗaje kula kaji gə ingaje le gə ɓəəl gə kisa, to gə m-ga̰ ne gə si baa ang ngaa ɓisine gə m-godo kara ꞌɗaje ar al dɔ lo ja,

Philippiendjé 4:8

Ɗudu tar ɗaa, ngan ko̰-mje, may kar ne gə tɔgərɔ, ne gə kəm ɗɔy, ne tɔ̰y gə gadə-gadə, ne tɔ̰y gə arə ngadə, ne gə kəm njigi, ne tɔ̰y gə kar dəw njigi go-e gə, ne tɔ̰y gə may ta kəm dəwje gə ngaɓa asə pidi, kar ye ɓa to mə kəjije gə lə-si.

Colossiendjé 1:9

Gəl-e gə nee ɓa sijee kara, un kud-e dɔ ndɔ gə j-o ne tar-ɛ ja, j-a dəji Luba ngɔɔgɔ-ngɔɔgɔ mba sisəy ngaɓa j-a dəji-e mba kar n-ar gərə mə njigi lə-a ɗusu mə-si, gə kəm karə gə negərə tɔ̰y gə ɗəw Njil gə,

Colossiendjé 2:3

ꞌne le ɓa nekingaje tɔ̰y gə to gə kəm karə gə negərə d-iya rɔ-je rɔ-ɛ gə.

Ebərəje 11:6

Be ɓa ɓo takagə godo nama ɗəw gə dəw a ta ne kəm-e godo tɔ. Dəw gə njigi ɗəm gə rɔ Luba gə nama may kar takagə to gə n-ga̰ ngaɓa nje gə ꞌsang-e nama nuga dɔji-je.

Ebərəje 12:15

May kar-si oje gə maj-ɛ mba kar mənuji lə Luba lal dəw kara ang, mba kar dəw təl to riya gə adə, mba riya gə adə le oso mə mar-ɛ gə nama a tuji mar-eje tɔ̰y ɗaa dəw a kusa ang.

Ebərəje 6:11

Ngaa sijee j-a njigi ya̰ mba kar na-na kara uwa gədərə dɔ kula gə nee le, mba kar ne kunda mə lə-a ɔr ne sṵra̰ njal,

1 Piyɛr 3:7

Ɗəw kara baa, sisəy ngaw jeneje kara, may kar na-na gə isi gə jene lə-a nama may kar-ɛ gərə to gə jeneje le darɔ-je mbɔr-ɛ unda-si. May kar ꞌɗɔyje-je mba d-inga gə si təbə naa gə kara baa ɗəw mənuji gə, be ɓa mba kar ne kara kara ɗe bəngərə̰ no dəji Luba lə-si ang.

2 Piyɛr 1:10

Gəl-e gə nee ɓa, ngan ko̰-m, undaje singa-si dɔ mar-ɛ gə ɔji dɔ ɓar gə Luba ɓar-si ngaɓa mbərə-si le, ɓo ꞌɗaje to gə be nama a koso-je dan neɗa gə kṵra̰y gə ang.

2 Piyɛr 1:11

Be ɓa ɓeko̰ lə Mbayɓe lə-si gə Njekaji-si Jeju Kirisi gə to gə ndɔ gə ndɔ le, d-a kɔr t-ɛ kila bəndəng kar-si.

2 Piyɛr 3:14

Gəl-e gə nee ɓa, sisəy gə m-njigi-si ya̰, uwaje rɔ-si ngang ar-ɛje n-ɗe n-inga-si gə rɔ gə arə ngadə ngaɓa kar tar uwa dɔ-si ang mba kar ɗɛgɛgɛ to ne horo-si gə gə Luba.

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.