2 Piyɛr 1:3 - Mbede Lə Luba Kone Gə Sigi

³ Ɗəw singamongə gə lə-a ꞌne gə Luba ja ɓa n-ar-si ne ne tɔ̰y gə kar kaw kəm baa ngaɓa kar kila ne kuji dɔ ne gə lə-a, kar j-a gərə ne nje ɓar-si ɗəw rɔnduba gə ɗəw məmay gə lə-a ja.

Testament ke Siki 1960 (Kabba Laka)

³ Singa Allah la aredjè né toï ke ase tébe ke ta ngem tar lo Allah, deo geré nè té ke mmardjè leo ba deo ndokoo té la ke piti la ndja.

2 Piyɛr 1:3 Iomraidhean Croise

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Romaindjé 8:32

ꞌNe gə Ngon-e ja ɓi ɓa n-ɔr kəm-e ang, ngaa n-un-e mba dəwje tɔ̰y nee le ja n-a kasə kar-si ne tɔ̰y sə-a ɗəw mənuji gə ang wa?

Romaindjé 9:24

Sijee gə n-ɓar-si horo Jiibije ja kara baa ang, ngaa horo dəwje gə ꞌgərə Luba ang ja cibi,

1 Corinthiendjé 1:9

Luba gə ɓar-sisəy um-si naa gə gə ngon-e Jeju Kirisi Mbayɓe lə-sijee le, to Luba gə gadə-gadə.

2 Corinthiendjé 12:9

ngaa n-ila-m kəne na: Mənuji lə-m ja as-i mbagə, mba ɗəw tɔgə godo gə ja ɓa m-tɔji ne singamongə-m. Be ɓa tɔgə godo ja ɓa m-a kɔsə ne rɔ-m, mba kar singamongə Kirisi dəbə ne dɔ-m gə.

Ephésiendjé 4:1

M-ndəji-si, ꞌma gə m-to kəy kula gə mba to gə m-to ngon njekula lə Mbayɓe le, mba kar-si ꞌnjaje pa nja gə dana gadə gə go njigi gə ꞌnjigije ta ɓar gə ꞌɓar-si gə,

Ephésiendjé 4:4

Darɔ kara baa ɗəgədə ngaɓa Njil kara baa ɗəgədə, to gə sisəy kara, ꞌɓar-si ɗəw ne kunda mə gə kara baa ɗəgədə gə ngira-a ḭ gəl ɓar gə lə-si le ja tɔ.

Philippiendjé 3:8

Ngaɓa m-o ne tɔ̰y gə ne gə baa mba m-gərə Kirisi Jeju gə Mbayɓe lə-m m-ar al dɔ lo. Mb-ɛ ꞌne ja m-mbadə ne neje tɔ̰y ngaɓa m-o ne tɔ̰y gə dɔ yibi mba kinga ne Kirisi.

Philippiendjé 4:8

Ɗudu tar ɗaa, ngan ko̰-mje, may kar ne gə tɔgərɔ, ne gə kəm ɗɔy, ne tɔ̰y gə gadə-gadə, ne tɔ̰y gə arə ngadə, ne gə kəm njigi, ne tɔ̰y gə kar dəw njigi go-e gə, ne tɔ̰y gə may ta kəm dəwje gə ngaɓa asə pidi, kar ye ɓa to mə kəjije gə lə-si.

Colossiendjé 1:16

Mba ꞌɗa ne ne tɔ̰y mə dara gə, gə dɔ nangə nee ɗəw gə lə-a, ne gə kəm dəw o gə ye gə kəm dəw o ang, ngəndəng mbay, nje dum dɔ loje, njeko̰ dɔ loje gə njesingamongəje. Neje tɔ̰y nee le ꞌne ja n-ɗa ngaɓa ɔji dɔ-ɛ ja.

1 Thessaloniciendjé 2:12

J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.

1 Thessaloniciendjé 4:7

Mba Luba ɓar-si mba kar j-a to dəwje gə mina ang ngaa kar j-a to gə losang-ɛ.

2 Thessaloniciendjé 2:14

Ye gə ne ja tɔ ɓa, n-ɓar-si ne ɗəw Tar gə May gə lə-sijee mba kar ingaje ne riɓar lə Mbayɓe le-si Jeju Kirisi.

1 Timoce 4:8

May kḭya̰ rɔ-i mə ji Luba gə, mba kula rɔ ndubu may ja ngaa, kila kuji dɔ ne gə lə Luba may unda neje tɔ̰y, be ɓa Luba gɔl təbə gə ɓogəne gə ye gə bara ar dəw gə ḭya̰ rɔ-ɛ mə ji-a gə.

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

1 Piyɛr 1:15

ngaa, ɗəw kara baa to gə nje ɓar-si le to gə njerɔsangə ɗaa sisəy kara may kar ꞌsangəje rɔ-si dɔ pa nja-si gə tɔ̰y,

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.

1 Piyɛr 2:21

Ye gə kən le ja ɓa ꞌɓar-si mb-ɛ, mba Kirisi kara o ꞌməsərə mba-si tɔ ngaɓa ḭya̰ gə ne kɔji mar-ɛ ar-si, mba kar unje ne dɔ gɔl-ɛ.

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

2 Piyɛr 1:10

Gəl-e gə nee ɓa, ngan ko̰-m, undaje singa-si dɔ mar-ɛ gə ɔji dɔ ɓar gə Luba ɓar-si ngaɓa mbərə-si le, ɓo ꞌɗaje to gə be nama a koso-je dan neɗa gə kṵra̰y gə ang.

2 Piyɛr 1:2

May kar mənuji gə ɗɛgɛgɛ d-ɔsə kudu naa ngug-ngug dɔ-si gə go ɗəw gərə ꞌgərəje Luba gə Mbayɓe lə-si Jeju!

2 Piyɛr 1:5

Gəl-e gə nee le ɓa, undaje singa-si dɔ mar-ɛ gə, ar-je neje gə to nee ɔsə kudu naa dɔ takagə lə-si: Pa nja gə may ɔsə kudu takagə lə-si, negərə ɔsə kudu pa nja-si gə may,

2 Piyɛr 1:6

ko̰ dɔ darɔ ɔsə kudu negərə, kuwa gədərə ɔsə kudu ko̰ dɔ darɔ, kila kuji dɔ ne gə lə Luba ɔsə kudu kuwa gədərə,

2 Piyɛr 1:8

Be ɓa ɓo neje gə nee le to mə-si gə ngaɓa ɓo ɔsə dɔ naa gə kede-kede nama, a ɗaje kula kar nduj-e a to mba kar ꞌgərəje ne Mbayɓe Jeju Kirisi;

2 Piyɛr 2:20

Be ɓa to gə d-ɔr rɔ-je mə neje gə mina gə dɔ nangə nee gə go ɗəw gərə gə ꞌgərə Jeju Kirisi gə Mbayɓe lə-si ngaɓa gə Njekaji-si nam, ngaɓa ꞌtəl d-andə kəne to gə sigi d-ar o̰ dɔ-je nama, a to gə je kṵra̰y ya̰ unda ye gə dɔngɔr.

2 Piyɛr 3:18

ngaa may kar-si ꞌtɔgəje dɔ mənuji gə gə dɔ gərə Mbayɓe gə Njekaji-si Jeju Kirisi gə gə kede-kede. May kar riɓar to k-ɛ, ɓisine ngaɓa saar-saar gə no! Oyo.