2 Piyɛr 1:19 - Mbede Lə Luba Kone Gə Sigi

¹⁹ Ngaɓa takagə lə-si mongə ne gə kede dɔ tar gə pajambərəje ꞌpa kede le, may kar-sisəy kara oje gə maj-ɛ, to to gə pər gə ndogo lo ndul gə, saar kar lo aw arə, ngaɓa duji lokarə ndogo ne mə-si gə.

Testament ke Siki 1960 (Kabba Laka)

¹⁹ Ke djèdjè djéh ke tar ke Allah oula né ke dé to ke tokoro. Sésè a daidjé madji tokou sésè ngemidjé tar nèn madji, tokou lo lampe ke ndokoo dò londoul té, sar loou arè ke djidjo ke ta lokarè té téh mèsè té.

2 Piyɛr 1:19 Iomraidhean Croise

Matiye 4:16

Dəwje gə d-isi dan cil ciməri gə, A d-o lokarə gə boy, Ngaɓa dəwje gə d-isi dɔ nangə gə Galile. Gə d-isi cil ciməri mba kuy, Ɓa lo ar dɔ-je gə.

Jean 5:35

Ja̰ to ngəl gə d-ɔsə pər kəne ɗaa ndogo: ɗaa sisəy ꞌnjigije mba kar n-ndogo dɔ-si gə n-ar-si ꞌɗaje rɔləl kəm ngira kar kara.

Jean 5:39

ꞌTənje mə mbedeje so-so, mba sisəy əjije to gə ɗəw gə kəne nama a kingaje təbə gə gə ndɔ gə ndɔ: Mbedeje gə nee le ja ɓa pa tar naji ɔji dɔ-m.

Jean 8:12

Jeju təl pa tar to gə ɗangə ar-je ja cibi na: ꞌMa m-to lokarə gə dɔ nangə gə nee. Dəw gə uwa go-m nama a nja cil ciməri gə ang; n-a kinga lokarə gə a kɔr no-ɛ kaw sə-a lokarə gə kar təbə gə.

Koula 15:29

Da gə ꞌtɔl-ɛ ꞌpolo ne magəje, kusa məsə, daje gə ꞌmundu-je ꞌtɔl-je ngaɓa kaya. May kar aje rɔ-si gə maj-ɛ dɔ neje gə nee le. Isije gə maj-ɛ.

Koula 17:11

Jiibije gə Bere nee le kəji lə-je may unda nje gə Tesaloniki, ꞌtaje tar gə mə kara ngaɓa ꞌtənje mbedeje lə Luba so-so gə ndɔ-ndɔ mba ko se tar gə d-aw pa d-ar-je le to gə dɔ gɔl-ɛ ja wa?

Ebərəje 2:2

Mba to gə ɓo tar gə anjije pa ɓa ɗa kula nama, kal tar gə ɗa-ɗa gə kunda tar gə ɗa-ɗa kara d-a kuba tuj-e to gə tɔgərɔ,

Jacques 2:8

Tɔgərɔ ja, to gə ɓo sisəy ilaje kuji dɔ torondu gə ur dɔ mar-ɛje tɔ̰y, gə go tar gə Mbede pa na: ꞌNjigi njemar-i to gə darɔ-i be nama, ꞌɗaje gə dɔ gɔl-ɛ ja.

1 Piyɛr 1:10

Pajambərəje gə d-ila mbərə tar mənuji gə d-uwa dɔ gɔl-ɛ mba-si le, d-un rɔ-je ꞌsangə gəl-e ngaɓa d-uru ngira nəm tɔ.

1 Jean 5:10

Dəw gə ta kagə Ngon lə Luba ɗaa tar naji nee le to m-e gə; ngaa dəw gə ta kagə Luba ang nama, dəb-e nee le o Luba gə njetar gə baa, mba mbadə ta kagə tar naji gə Luba pa ɔji dɔ Ngon-e le.

3 Jean 1:6

ꞌPa tar naji njigi lə-i no Mbo̰ naa lə njetakagəje. May kar ꞌgɔl ne kaw mbaa lə-je gə ɗəw gə Luba njigi,

Apocalypse 2:28

Ɗəw kara baa to gə ꞌma kara m-inga singamongə ji bɔy gə le, m-a kar-ɛ duji lokarə tɔ.

Apocalypse 22:16

ꞌMa, Jeju, m-ula anji lə-m mba kar-ɛ pa tar naji gə ɔji dɔ mbo̰ naaje lə njetakagəje ar-sisəy. ꞌMa le ɓa ngira-m ḭ gəl Dabidi gə, gə gəl kuji lə-a tɔ, duji lo kar gə ndogo.