2 Piyɛr 1:12 - Mbede Lə Luba Kone Gə Sigi

¹² Gəl-e gə nee ɓa, m-a kole mə-si taar-taar dɔ neje gə nee le, to neje gə ꞌgərəje nam ja ngaa mba kar ꞌɓije ne dɔ tar gə tɔgərɔ gə ɓogəne.

Testament ke Siki 1960 (Kabba Laka)

¹² Mbata yèn, ma mïya ang ta kilè mèsè do né té ke nèn ke ndò toï, lé sésè egeridjé ke ngengidjé deo tar té ke tokoro ke to mèsè té.

2 Piyɛr 1:12 Iomraidhean Croise

Koula 16:5

Mbo̰ naaje lə njetakagəje uba singa dɔ takagə gə ngaɓa kɔr njetakagəje kara oso dɔ mar-ɛ gə gə ndɔ-ndɔ.

Philippiendjé 3:1

Tar gə ɗangə gə m-a pa ɓa nee: Ngan ko̰-mje, ꞌɗaje rɔləl ɗəw gə lə Mbayɓe. Kar m-ɗa mbede m-pa ne tar gə njekara baa ja m-ar-si ɓi le, jɔgə-m ang, mba to may lə-sisəy.

Colossiendjé 1:5

mba ne kunda mə gə d-ar aw ngina si mə dara gə, gə go Tar gə May gə to tar gə tɔgərɔ gə ꞌpa d-ar-si ꞌgərəje kede le.

Colossiendjé 2:7

ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

1 Timoce 4:6

To gə ɓo ꞌi tɔji tar nee le no ngan ko̰-ḭje ɗaa, ꞌi a to njekula lə Jeju Kirisi gə horo njetakagə gə gə maj-ɛ, Ye ɓa ꞌi a tɔji to gə tar takagə gə nendo gə tɔgərɔ gə ꞌi ndoo le ɗusu mə-i.

2 Timoce 1:6

Gəl-e gə nee ɓa m-ndəji mba kar-i n-ndol dɔ gusu lə mənuji gə Luba ula mə-i gə go ji-m gə m-ila dɔ-i gə le.

Ebərəje 10:32

Ngaa ar-je mə-si ole dɔ dɔngɔr ndɔ gə, logə kəm-si unja le, ɔsəje gəl ɗɔ gə kədərə gə ko ꞌməsərə,

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.

2 Piyɛr 1:13

Ɓo m-aw kəm baa ɓi nama to dɔ gɔl-ɛ ja mba kar m-ole mə-si m-ar-si ꞌcibije ne dɔ rɔ-si gə ang,

2 Piyɛr 1:15

Ngaa m-ɗa ga kar le m-aw kara ɗəw to ar mə-si ole kəne.

2 Piyɛr 3:1

Ngan ko̰-m gə m-njigi-si ya̰, oje mbede gə nee le, to njekum gə joo ɓa m-ɗa m-ar-si nee. Mə mbedeje gə joo nee le, m-ndəji-si dɔ nekole mə-je gə, mba kar kəji negərə lə-si unja ne ngadə,

2 Piyɛr 3:17

Ngan ko̰-m gə m-njigi-si ya̰, sisəy le ɗaa, ꞌndəji-si nam, ɗaa ar-je dɔ gɔl-si gə, ar-je nje gərə Luba angje d-ḭ d-ərə-si d-ar ubaje kuwa gədərə lə-si ḭya̰je,

1 Jean 2:21

M-ɗa mbede m-ar-si mba sisəy ꞌlalje tar gə tɔgərɔ ang baa, ngaa mba sisəy gərə tar gə tɔgərɔ, ngaɓa tar gə ɗəgərə ce mə tar gə tɔgərɔ gə ang.

2 Jean 1:2

mba tar gə tɔgərɔ gə to mə-si gə le, a nay gə sijee gə ndɔ gə ndɔ.

Jude 1:17

Ngaa sisəy gə m-njigi-si ya̰ le, ar-je mə-si ole dɔ tarje gə njeka̰ykulaje lə Mbayɓe lə-si Jeju Kirisi ꞌpa kede.

Jude 1:3

Ngan ko̰-mje gə m-njigi-si ya̰, m-njigi ya̰ mba ɗa mbede kar-si ɔji dɔ kaji gə j-inga-je naa gə le, m-un kəm tim-tim mba ɗa, mba kula nee jingaw mə-si kar ꞌɗaje ɗɔ ɔji dɔ takagə gə d-ar njerɔsangəje gɔl kara baa ja gə dɔbo̰.

Jude 1:5

Sisəy gə ꞌgərəje ne gə nee tɔ̰y le, m-njigi kole mə-si to gə, logə Mbayɓe ɔr dəwje gə Ijirayɛl dɔ nangə gə Ejipətə ce gə je ɗaa, ɗa ar nje məkədərəje d-uba tuji go-je gə.