2 Piyɛr 1:1 - Mbede Lə Luba Kone Gə Sigi

¹ ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

Testament ke Siki 1960 (Kabba Laka)

¹ Simon Pierre, bere ke ndjè koula lo Jésus Christ, Oula are dèdè ke dinga ko mè té ke asena ke ngädjè mè gaté gaté té lo Allah ke ndjè kadjidjè Jésus Christ.

2 Piyɛr 1:1 Iomraidhean Croise

Matiye 10:2

Ri njeka̰ykulaje gə dɔg gə gir-je gə joo le ɓa to nee. Dəw gə dɔngɔr, to Simo gə ꞌɓar-ɛ Piyɛr, ngon ko̰-ɛ Andəre, Jagə gə ngon lə Jebede, gə ngon ko̰-ɛ Ja̰.

Matiye 4:18

Ndɔ kara be Jeju aw nja ta babo gə Galile, n-o ngan ko̰ naaje joo, Simo gə ɓar-ɛ Piyɛr, je gə ngon ko̰-ɛ Andəre gə d-aw d-ila bura man, mba ꞌto mbawje.

Lugu 1:47

Njil-m ɗa rɔləl mba Luba, Njekaji-m,

Lugu 11:49

Gəl-e gə nee ɓa Luba pa gə kəm karə na: M-a kula pajambərəje gə njeka̰ykulaje kar-je, ɗaa d-a tɔl-je nje gə kɛm ngaɓa d-a kula kəm nje gə kɛm ndoo tɔ,

Jean 1:42

Be ɓa n-ɔr no-ɛ n-aw sə-a ɓe lə Jeju. Logə Jeju a-e jii ɗaa pa na: ꞌI to Simo, ngon lə Ja̰: D-a ɓar-i Sepas, kɔr m-e na: Kɔr ər.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Jean 20:21

Be ɓa, Jeju pa to ɗangə ar-je ja cibi na: Ɗɛgɛgɛ nay gə si! To gə Bɔ dəwje ula-m le, ꞌma kara m-ula-si tɔ.

Koula 15:14

Simo ɔr gəl-e lo kun kud-e gə dɔngɔr ja ɗəw gə Luba mbərə ne dəwje horo nje gə to Jiibije ang gə unda-je dang mba kar ri-a to dɔ-je gə.

Romaindjé 1:1

Pɔl, ngon njekula lə Kirisi Jeju, gə ꞌɓar-m kar m-to njeka̰ykula ngaɓa d-unda-m gə lo-e ɓədə kar m-ila mbərə Tar gə May lə Luba;

Romaindjé 1:12

ose bənəng ɓa mba kar j-inga-je ne singa naa gə ngaɓa kar j-ula-je ne jingaw mə naa gə dɔ takagə gə, gə yo gə nee.

Romaindjé 1:17

Ɗəw lə Tar gə May nee le ɓa gadə-gadə lə Luba kila ne rɔ-ɛ gə ɗaga gə ɗəw takagə ngaɓa ɗəw takagə ja kara baa, to to gə ꞌɗa mə mbede gə na: Dəw gə gadə-gadə a kaw kəm baa ɗəw gə lə takagə.

1 Corinthiendjé 1:30

Ngaa to gə ꞌne ja ɓa n-um ne sisəy ne naa gə gə Kirisi Jeju, gə to kəm karə lə-sijee gə ḭ rɔ Luba gə, ngaɓa Kirisi təl-si gə dəwje gə gadə-gadə, unda-si gə losang-ɛ ngaɓa ɔr ne tar neɗa gə kṵra̰y dɔ-si gə.

1 Corinthiendjé 15:9

mba ꞌma gə m-to dəw gə njɛ̰ baa horo njeka̰ykulaje gə; m-asə kar ꞌɓar-m njeka̰ykula ang, mba m-ula kəm Mbo̰ naa lə njetakagəje lə Luba ndoo.

1 Corinthiendjé 9:1

Dɔ-m to doy ang wa? M-to njeka̰ykula ang wa? M-o Mbayɓe lə-sijee Jeju ang wa? ꞌToje nduji kula lə-m ɗəw gə lə Mbayɓe ang wa?

2 Corinthiendjé 4:13

Kəji takagə lə-si le to kara baa gə ye gə ꞌɗa mə mbede gə na: M-ta kagə, gəl-e gə ne ɓa m-pa ne tar. Sijee kara, ja takagə, gəl-e gə nee ɓa ja pa ne tar.

2 Corinthiendjé 5:21

Kirisi gə ɗa neɗa gə kṵra̰y ang, ngaa Luba odo neɗaje gə kṵra̰y lə-si um dɔ-ɛ gə mba kar-sijee ja təl ja to ne dəwje gə gadə-gadə no Luba.

Galatedjé 2:8

mba Luba ja ɓa ɗa-m gə njeka̰ykula lə dəwje gə ꞌgərə Luba ang, to gə n-ɗa ne Piyɛr gə njekula lə Jiibije.

Ephésiendjé 3:5

Ne gə to lo kiya-a gə nee le, Luba ar kəm nje gə kede ləw unja dɔ-ɛ gə, to gə n-kila ne dɔ-ɛ ɓisine ɗəw njil gə n-ar njeka̰ykulaje gə ꞌto gə losang-ɛ gə pajambərəje lə-a be ang baa:

Ephésiendjé 4:11

ꞌNe gə n-ar nje gə kɛm ꞌto njeka̰ykulaje, gə pajambərəje, gə nje kila mbərəje lə Tar gə May, gə njekɔr no dəwje ngaɓa gə njenetɔjije tɔ,

Ephésiendjé 4:5

Mbayɓe kara baa ɗəgədə, takagə kara baa ɗəgədə, batɛm kara baa ɗəgədə tɔ,

Philippiendjé 1:1

ꞌMa Pɔl, je gə Timoce, njekulaje lə Kirisi Jeju, j-a ɗa mbede nee j-ar njerɔsangəje gə mə Kirisi Jeju gə, gə d-isi Pilipi, gə nje ka dɔ njetakagəje ngaɓa gə diyakərəje tɔ.

Philippiendjé 1:29

mba d-ar-si ɗəw gə go mənuji lə Kirisi, kar ꞌtaje kag-ɛ ja kara baa ang ngaa kar oje məsərə mba tar lə-a tɔ,

Philippiendjé 3:9

Be ɓa mba kar Luba o-m ne gə dəw gə gadə-gadə, gə go kula ɗa-m ꞌma ang nəm ngaɓa go kila kuji dɔ torondu gə ang nəm ngaa gə go takagə Kirisi, ɗaa Luba ja ɓa gɔl ɗəw kar dəw to ne gadə-gadə gə ɗəw takagə.

2 Timoce 1:5

Mə-m ole dɔ takagə lə-i gə gadə-gadə, takagə gə arə ngadə gə nee le to mə ka-ije gə jene gə ri-a na Loyis cibi ɓa to mə ko̰-ije gə ri-a na Ənis gə kede le, ye ja tɔ ɓa to mə-i ꞌi gə.

Tite 1:1

ꞌMa Pɔl, ngon njekula lə Luba ngaɓa njeka̰ykula lə Jeju Kirisi mba kar takagə lə nje gə Luba mbərə-je may ne pɛdə, ngaɓa ꞌgərə ne tar gə tɔgərɔ gə go kila kuji dɔ ne gə lə Luba.

Tite 1:4

Titə, ngon mə-m gə ɗəw takagə le-si naa gə kara baa: may kar Luba gə Bɔ je gə Jeju Kirisi gə njekaji-si d-ar-i mənuji gə ɗɛgɛgɛ.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Jacques 1:1

ꞌMa Jagə, ngon njekula lə Luba, gə Mbayɓe Jeju Kirisi, sisəy gəl kaje gə dɔg gə gir-je gə joo gə ꞌsɛ̰rɛ̰-je naa dɔɓe gə, m-o-si tɔ̰y ɓa!

1 Piyɛr 1:1

ꞌMa Piyɛr, njeka̰ykula lə Jeju Kirisi, m-ɗa mbede nee m-ar nje gə Luba mbərə-je, gə ja̰rɛ̰ naa gə mbaje dɔ nangə gə Po̰, gə Galasi, gə Kapadosə, gə Aji ngaɓa Bitini,

1 Piyɛr 1:7

mba nenaje nee le ja ɓa a tɔji takagə lə-si gə tɔgərɔ, takagə lə-si may unda maa gə to ne gə a tuji ja ngaa d-aw ꞌna gə pər, be ɓa a kingaje ne pidi, gə riɓar ngaɓa d-a ɗɔy-si ne ndɔ gə Jeju Kirisi a kila ne rɔ-ɛ gə ɗaga.

1 Piyɛr 2:7

Ɗɔy to kar-sisəy gə ꞌtaje kagə. Ngaa kar nje gə ta kagə ang ɗaa, Kɔr ər gə njekunda kəyje d-un d-ila kɔrɔ le ja Ye ja təl to kɔr ər gə kil kəy gə Ngaɓa kɔr ər le təl to jigi tuga gɔl To kɔr ər gə təl to ɗəw koso.

1 Piyɛr 5:1

M-ndəji ngatɔgəje gə horo-sisəy gə, ꞌma gə m-to ngatɔgə to to gə ꞌjejee be tɔ, m-to njetar naji ꞌməsərəje lə Kirisi ngaɓa rɔnduba gə a kila rɔ-ɛ gə ɗaga le kara m-a kar dan-ɛ gə tɔ.

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba

Jude 1:1

ꞌMa Jude, gə m-to ngon njekula lə Jeju Kirisi nəm, ngaɓa m-to ngon ko̰ Jagə, m-ɗa mbede nee m-ar-sisəy gə Luba gə Bɔ njigi-si, ɓar-si ngaɓa ngom-si mba Jeju Kirisi.