1 Timoce 4:3 - Mbede Lə Luba Kone Gə Sigi

³ D-ɔgə dəwje lo ta naa gə jingaw gə jene, d-ɔgə kar d-usa neje gə kɛm, nekusaje tɔ̰y nee le Luba ja ɗa. A ɓo, njetakagəje gə gərə tar gə tɔgərɔ tɔr nduje dɔ-ɛ gə nama d-a kusa gə oyo.

Testament ke Siki 1960 (Kabba Laka)

³ Dèdè dare tar ndedji na doou taa dènè ang, dèdè dare tadè dooudjé ta kousa nédjé ang ke Allah dadè ta taa ke woio, mbata dèdè ke do mèdè té ke ngeré tar ke tokoro.

1 Timoce 4:3 Iomraidhean Croise

Matiye 14:19

N-un ndu n-ar dəwje kar d-isi nangə dɔ mu gə, ɗaa n-odo mbə gə mi gə kənji gə joo le, ɗaa n-un kəm-e gə dara, n-tɔr ndu-e kəne, cibi n-cɛdə n-ar ngan njenendoje ꞌkay bula dəwje le.

Matiye 15:11

ꞌTuga-je mbi-si ɓo oje gə maj-ɛ. Ne gə andə mə kil dəw gə ɓa dəw mina ne ang, ngaa ne gə ḭ mə kil dəw gə le ɓa ɗa dəw ar-ɛ mina.

Matiye 15:36

ngaɓa n-odo mbə gə siri gə kənji le n-tɔr ndu-e dɔ-ɛ gə ngaɓa n-cɛdə dana n-ar ngan njenendoje lə-a kay-je.

Lugu 24:30

Logə n-isi gə je ta ka nekusa gə ɗaa, n-un mbə ngaɓa ꞌɗa oyo Luba ɗaa, n-cɛdə dana n-kay-je.

Jean 6:23

Ngaa, toje gə ɗangə d-ḭ Tiberiyadə gə ꞌɗe ꞌce dəb gə lo gə Mbayɓe ɗa oyo Luba ɓa ar dəwje mbə d-usa kəne.

Koula 27:35

Logə n-pa to gə be ɗaa n-un mbə, n-ɗa oyo Luba kəm-je gə tɔ̰y ngaɓa n-cɛdə n-usa.

Romaindjé 14:17

Mba ɓeko̰ lə Luba le to nekusa ose nekay ang, ngaa to neɗa gə gadə-gadə, gə ɗɛgɛgɛ ngaɓa rɔləl ɗəw gə lə Njil Njerɔsangə.

Romaindjé 14:3

May kar dəw gə njekusa-a le dabə njekusa-a ang dasəra ang, ngaɓa dəw gə usa ang kara may kar ila tar dɔ njekusa-a gə ang tɔ, mba Luba uwa-a gə rɔ-ɛ gə tɔ.

Romaindjé 14:6

Dəw gə nje kɔr kəm ndɔje, ɔr kəm-je mba Mbayɓe. Dəw gə njekusa ne kara, usa mba Mbayɓe, mba n-ɗa Luba oyo, dəw gə usa ang kara, usa ang mba Mbayɓe tɔ; ꞌne kara n-ɗa Luba oyo tɔ.

1 Corinthiendjé 6:13

Nekusa to mba mə dəw, to to gə mə dəw kara to mba nekusa tɔ; ngaa Luba a tuji-je joo kɛm. Ngaa darɔ dəw to kar kun ɗa ne kaya ang; darɔ to kar Mbayɓe, to to gə Mbayɓe kara to kar darɔ tɔ.

1 Corinthiendjé 7:28

To gə ɓo ꞌta jene nama to neɗa gə kṵra̰y ang ngaɓa to gə ɓo ngon mandə ta ngaw kara to neɗa gə kṵra̰y ang tɔ; ngaa dəb-eje nee le d-a ko ꞌməsərə ɗəw darɔ gə, ɗaa m-njigi kɔsə dɔ sisəy gə gə ɗangə.

1 Corinthiendjé 8:8

To nekusa ɓa a ɗəm gə sijee gə rɔ Luba gə ang. To gə ɓo j-usa ang kara ne kara lal-si ang nəm, to gə ɓo j-usa kara ne kara gə j-inga j-ila dɔ mar-ɛ gə godo nəm tɔ.

Colossiendjé 2:16

Be ɓa, ar-je dəw ila tar dɔ si gə ɔji dɔ nekusa ose nekay, ɔji dɔ tar ɗa nay, gə nay gə sigi, ose ɔji dɔ ndɔ kuwa kɔr ang,

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

1 Timoce 2:4

ꞌNe gə n-njigi kar dəwje tɔ̰y d-inga kaji ngaɓa kar dəwje ꞌtəl gərə tar gə tɔgərɔ.

1 Timoce 4:4

Tɔgərɔ, neje tɔ̰y gə Luba ɗa le to ne gə may ja. Ne gə kar mbadə godo, ngaa ɓo Tar gə May ja ꞌɓar dɔ-ɛ gə nama d-a kusa gə oyo,

1 Timoce 5:14

Gəl-e nee ɓa, m-njigi kar jene ndubaje gə ꞌnay mandə ɓi ꞌta ngaw, d-uji nganje, ꞌngom-je mə kəy lə-je mba kar njeba̰a̰ inga ɗəw tuji ri-je ang.

Ebərəje 13:4

May kar-sisəy tɔ̰y ja ꞌɗɔyje ta naa, ngaɓa ɔsəje ɓogo lo to ngərəng. Mba Luba a gangə tar dɔ bula jagədaje gə gə dɔ nje ɓogo lo toje gə.

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.