1 Timoce 3:3 - Mbede Lə Luba Kone Gə Sigi

³ N-a to ɓərə lə kodo ang, n-a to nje tɔsə tar ang, ngaa n-a to dəw gə kul lom ngaɓa n-a to dəw nuji, n-a to dəw gə ɓo lar a ɗ-ɛ ang.

Testament ke Siki 1960 (Kabba Laka)

³ Nè nto bere lo koto ang, doou ke da ngeng ang, a néh ke mè ke dèkèkè, nè nsange tar ang, nè nto ndjè ndiki narè ang.

1 Timoce 3:3 Iomraidhean Croise

Matiye 21:13

Ngaɓa n-təl n-pa n-ar-je na: ꞌƊa mə mbede gə na: Kəy lə-m le d-a ɓar-ɛ kəy dəji Luba. Ngaa sisəy ꞌɗaje gə buja lə nje ɓogoje.

Koula 20:33

M-ɗa ɓo lar ose maa ose kubu lə dəw ang.

Romaindjé 16:18

Mba dəwje gə to gə be le ꞌɗa kula lə Kirisi Mbayɓe lə-sijee ang, ngaa d-aw ɗa kula mba mə-je ja baa; ɗaa gə go tarje gə may-may gə ta-je gə ngaɓa gə mba kərə ne dəwje gə kəji lə-je uru ang.

Ephésiendjé 5:18

Ayje kodo mbə ang, na a kila-si dan kaya gə. Ngaa ar-je Njil ɓa ta lo mə-si gə ladə-ladə;

1 Thessaloniciendjé 5:14

Ngan ko̰-mje, j-a ndəji-si kar ꞌndangəje njedabəje, ulaje jingaw mə nje gə singaje ɔr gə, ꞌlaje gə nje tɔgə godoje, ilaje mə-si pɔ̰ dɔ dəwje gə tɔ̰y.

1 Timoce 3:8

Ɗəw kara baa, diyakərəje d-a to dəwje gə d-a kila ngon kuji dɔ rɔ-je gə gə maj-ɛ, ndu-je a kḭ joo ang, d-a toje gə ɓərə lə kodo ang ngaɓa d-a mbɔl-ɛ lar ang tɔ.

2 Timoce 3:2

Mba dəwje d-a njigi darɔ-je ɓa ya̰, ngaɓa d-a njigi lar ya̰, d-a to gə nje kɔsə rɔ-jeje, njekunda kar-jeje, njetaji Lubaje, d-a mbadə koso kul no njekuji-sijee gə, d-a kar oyo ang, d-a ɓəəl ne lə Luba ang,

Tite 1:11

Be ɓa may kar ɔgə-je lo-e. ꞌTuji-je takagə lə njenujije gə mə kəy kəy gə neje gə kəm tɔji ang ja mba kinga ne ne dɔ ji gə to ne rɔ kul.

Tite 1:7

May kar nje ka dɔ njetakagəje le to dəw gə tar uwa dɔ-ɛ ang mba n-nay to gə njengom ne lə Luba, gə n-a to nje ɗa gasəra ang, n-a to njewungu ang, n-a to mbə kodo ang, n-a to nje tɔsə tar ang nəm ɓa, n-a sangə nedɔji gə to ne rɔ kul ang,

Tite 2:3

ꞌPa ar jeneje gə tɔgə ɗəw kara baa mba kar pa nja-je to gə maj-ɛ, kar ꞌtura tar gə kṵra̰y dɔ ngan marəje-je gə baa ang, gə to ɓərəje lə kodo ang nəm, ngaa kar ꞌtɔji neɗa-je gə may ɓa gə ɗaga,

Tite 3:2

kar d-o̰ dəwje yom-yom ang, gə ꞌto nje tɔsə tarje ang, d-a to njekula nuji naa gə je, d-a kul gə dəwje tɔ̰y gə kul ja yururu.

Ebərəje 13:5

Ar-je ɓo lar uwa-si gə ɓərə ang, ɗaa ne gə ingaje mə ji-si gə əng ja undaje mə-si dɔ-ɛ gə, mba Luba pa na: M-a kuba-i kḭya̰-i ang nəm m-a mbadə-i ang nəm.

Jacques 4:1

Kaw gə naa gə tar, gə tɔsə tarje gə horo-si gə le se, d-ḭ ɗa wa? D-ḭ ɗəw ɓo neje gə kar darɔ, gə d-aw ɗa gə naa ɗɔ bar kəm rɔ-sijee gə le ang wa?

1 Piyɛr 5:2

Kuduɓe badəmje gə Luba um-je ji-si gə le, uulje-je gə mə njigi lə-si gə go ndu Luba, ɓo gə singa ang nəm, ɓa mba nekuga gə dɔ buguru ang nəm, ngaa ꞌɗaje gə go njigi.

2 Piyɛr 2:3

Gə go ɓo lar gə uwa-je ɓərə gə ja, d-a kərə ne si gə tar gə ta-je gə, mba kinga ne neje ji-si gə, ngaa tar uwa dɔ-je ləw baa ngaɓa d-a kuba tuji ɓisine baa.

Jude 1:11

Nekəmandoo to kar dəwje gə nee le, mba d-un kila ɗəw lə Ka̰yi; ꞌpa tar gə baa mba lar to gə Balam be; d-uy yo mbə to gə Kore uy yo dɔ kədərə be.

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.