1 Timoce 1:1 - Mbede Lə Luba Kone Gə Sigi

¹ ꞌMa, Pɔl gə Kirisi Jeju ɗa-m gə njeka̰ykula lə-a, gə go ndu lə Luba Njekaji-si je gə Kirisi Jeju gə to ne kunda mə dɔ gə lə-si,

Testament ke Siki 1960 (Kabba Laka)

¹ Paul, ndjè koula lo Christ Jésus, deo kare ta té lo Allah ndjè kadjidjè ke lo Christ Jésus mè ngebe lodjè.

1 Timoce 1:1 Iomraidhean Croise

Lugu 1:47

Njil-m ɗa rɔləl mba Luba, Njekaji-m,

Lugu 2:11

Ɓogəne, mə ɓe gə lə mbay Dabidi, d-uji njekaji-si, ꞌne gə n-to Kirisi, Mbayɓe.

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

Romaindjé 1:1

Pɔl, ngon njekula lə Kirisi Jeju, gə ꞌɓar-m kar m-to njeka̰ykula ngaɓa d-unda-m gə lo-e ɓədə kar m-ila mbərə Tar gə May lə Luba;

1 Corinthiendjé 1:1

ꞌMa Pɔl gə ꞌɓar-m gə go mə njigi lə Luba kar m-to njeka̰ykula lə Kirisi Jeju, gə ngon ko̰-si Sosətɛn.

1 Corinthiendjé 9:17

To gə ɓo to kula gə ꞌma ja m-ɗa gə mə njigi lə-m nama kuga-a a ga̰; ngaa ɓo d-uwa-m gə singa nama to kula gə d-um ji-m gə gə kum.

2 Corinthiendjé 1:1

ꞌMa Pɔl, njeka̰ykula lə Jeju Kirisi gə go mə njigi lə Luba, je gə ngon ko̰-si Timoce j-a ɗa mbede nee j-ar Mbo̰ naa lə njetakagəje gə mə ɓe gə Kɔrɛnt, ngaɓa gə njerɔsangəje gə dɔ nangə gə Akayi tɔ̰y nəm tɔ.

Galatedjé 1:1

ꞌMa, Pɔl, m-ɗa mbede nee, m-ar-sisəy njetakagəje gə mə Mbo̰ naaje lə njetakagə gə dɔ nangə gə Galat. M-to njeka̰ykula lə Jeju Kirisi gə dəwje ɓa ula-m ang nəm ngaɓa dəw ɓa ɔr-m ang nəm tɔ. Ngaa Jeju Kirisi je gə Luba gə Bɔ gə to nje ndol Kirisi horo nje gə d-uy ɓa d-ula-m.

Galatedjé 1:11

Ngan ko̰-mje, m-pa kar-si ꞌgərəje gə maj-ɛ, Tar gə May gə m-ila mbər-e le ngira-a ḭ mə ji dəw gə ang.

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

2 Thessaloniciendjé 2:16

May kar ꞌne gə Mbayɓe lə-si Jeju Kirisi je gə Bɔ-sijee Luba gə njigi-si ɓa ula jingaw mə-si gə gə ndɔ gə ndɔ ngaɓa ar-si ne kunda mə gə gə may pɛdə ɗəw mənuji gə le,

1 Timoce 1:12

M-ar oyo Kirisi Jeju, Mbayɓe lə-si gə ar-m singa ngaɓa tura-m gə dəw gə gadə-gadə ɓa ɓar-m mə kula gə lə-a,

1 Timoce 2:3

Ye gə nee le ɓa to ne gə may ngaɓa to ne gə to ngira rɔləl lə Luba, Njekaji-si.

1 Timoce 2:7

Kudu tar-ɛ gə nee le ɓa, Luba təl-m ne to gə njetɔji tar ngaɓa to njeka̰ykula, mba kar m-tɔji tar dəwje gə ꞌgərə Luba ang ɗəw takagə gə ɗəw tar gə tɔgərɔ gə. M-pa tar gə tɔgərɔ ɓo m-ɗəgərə ang.

1 Timoce 4:10

to gə ɓo ja ɗaje kula gə singa-si cibi ja ɗɔje mba j-unda mə-si dɔ Luba gə nje kisi kəm baa gə nama, ꞌne gə n-to Njekaji dəwje tɔ̰y, ngaa njetakagəje ja ɓa.

Tite 1:3

Tar gə Luba gə njekaji-si um ji-m gə le dɔ kar-ɛ asə ɗaa ye ja un ndu-e ar-m mba kar-m m-pa gə ɗaga.

Tite 2:10

gə kar ꞌmbɔlɛ ne kara gə ɓogo ang, ngaa d-a tɔji to gə ꞌto dəwje gə may, be ɓa dəwje d-a kula ne rɔnduba dɔ tar gə lə Luba gə njekaji-si.

Tite 2:13

gə mba ngina ne ndɔ gə may gə j-um mə-si kəne. To ndɔ gə Jeju Kirisi gə to Luba gə boy gə njekaji-si a ɗe ne dan rɔnduba gə.

Tite 3:4

Ngaa logə Luba gə njekaji-si kila ɗa may lə-a gə njigi lə-a gə ɗaga ɔji dɔ dəwje tɔ̰y,

Tite 3:6

Luba ula Njil Njerɔsangə ɗəw gə lə Njekaji-si Jeju Kirisi ar-ɛ ɗusu mə-si tubu,

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

1 Jean 4:14

Cibi sijee le, j-o ngaɓa j-a pa tar naji to gə Bɔ dəwje ula Ngon gə to Njekaji dəwje dɔ nangə nee.

Jude 1:25

ꞌne gə Luba gə gə kar-ɛ baa gə n-to njekaji-si ɗəw gə lə Jeju Kirisi, Mbayɓe lə-si, may kar riɓar, gə ri mbay, gə singa ko̰ɓe gə singamongə to k-ɛ lo kuma kudu ne gə, ɓisine ngaɓa gə, gə ndɔ gə ndɔ! Oyo!