1 Piyɛr 5:5 - Mbede Lə Luba Kone Gə Sigi

⁵ Ɗəw kara baa, basa̰je, osoje kul no ngatɔgəje gə. Kula gə aw ɗaje horo naa gə le, ar-je kula dɔ ngulum ɓa o̰ dɔ-si, mba Luba ɔsə njekunda karje ngərəng, Ngaa n-ar mənuji lə-a nay gə nje gə d-ula dɔ-je ngulum.

Testament ke Siki 1960 (Kabba Laka)

⁵ Tokou ban basädjé, woidjé tar lo tòkou dooudjé. Etoidjé mèsè toï ta da horosè té ke mè ke dèkèkè, mbata Allah mbeté dooudjé ke ndoi ròdè a nè nare tokou mè madji dooudjé ke da ròdè ngadji.

1 Piyɛr 5:5 Iomraidhean Croise

Lugu 22:26

Ngaa kar-sisəy a to gə bənəng ang, may kar dəw gə to ɓəəl horo-si gə nama ta toro dəw gə nay ngon baa ɓi, ngaɓa dəw gə njeko̰ dɔ-si təl to ngon njekula lə-si tɔ.

Romaindjé 12:10

Ɔji dɔ njigi gə horo ngan ko̰ naaje gə le ɗaa, may kar-si ꞌnjigije naa gə yo gə nee, may kar-si ꞌɗɔy-je naa gə gə yo gə nee ar-je al dɔ mar-ɛ.

Romaindjé 13:14

Ngaa, Mbayɓe Jeju Kirisi ɓa may kar-si ula-aje gə kubu rɔ-si gə, ɓo ar-je ɓo gə darɔ gə o̰ dɔ-si ar-si ꞌɗa-je mə njigi lə-a ang.

Ephésiendjé 5:21

ꞌƁəəlje Kirisi, osoje kul no naa gə yo gə nee mba ɓəəl gə ꞌɓəəlje Kirisi.

Philippiendjé 2:3

ɗa-je ne kara kara gə go nər mə ang ose mba riɓar gə baa ang, ngaa gə kula dɔ ngulum, oje nje gə kɛm gə dəwje gə ꞌto ɓəəl unda-si.

Colossiendjé 3:12

Be ɓa Luba ja njigi-si, mbərə-si ngaɓa togo-si le ɗaa, may kar ko kəmtondoo gə tɔgərɔ, gə məmay, kula dɔ ngulum, gə kaw yururu gə kila mə dɔ mar-ɛ gə ɓa ar-je uwa mə-si.

1 Timoce 5:1

Əw rɔ-i mba ndangə dəw gə tɔgə, may pa sə-a tar to gə bɔ-ije be, ar tar ndəji ngan basa̰ to gə to ngan ko̰-ije be ja tɔ.

Ebərəje 13:17

Oje tar ta njekɔr no-sijee gə ngaɓa osoje kul no-je gə. Mba ꞌtɔsə kəm-je dɔ təbə gə lə-si gə d-a tura go-e. ꞌƊaje gə maj-ɛ mba kar ꞌɗa gə rɔləl ɓo gə man no ang mba ꞌtura go-e gə man no kara ne may kara gə a kingaje kəne godo.

Jacques 4:6

Ngaa mənuji gə n-ar le, bo unda neje tɔ̰y, to gə be ɓa Mbede pa na: Luba ɔsə njekunda kar-jeje ngərəng, Ngaa n-ar mənuji lə-a nay gə nje gə d-ula dɔ-je ngulum.

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.

1 Piyɛr 4:1

Be ɓa, mba Kirisi o ꞌməsərə ɗəw darɔ gə, ɗaa sisəy kara a gɔlje kəji lə-si mba ko ꞌməsərə to gə ꞌne be tɔ; mba dəw gə o ꞌməsərə darɔ-ɛ gə le, cḭ gə neɗa gə kṵra̰y,

1 Piyɛr 4:5

Be ɓa d-a kɔr-je gəl neje gə əng le no dəw gə isi dɔ gɔl-ɛ gə mba gangə tar dɔ nje d-aw kəm baa gə gə nje gə d-uy gə.