1 Piyɛr 5:2 - Mbede Lə Luba Kone Gə Sigi

² Kuduɓe badəmje gə Luba um-je ji-si gə le, uulje-je gə mə njigi lə-si gə go ndu Luba, ɓo gə singa ang nəm, ɓa mba nekuga gə dɔ buguru ang nəm, ngaa ꞌɗaje gə go njigi.

Testament ke Siki 1960 (Kabba Laka)

² Ngemidjé né kouldjé lo Allah ke to tar losè ta ngem, ngemidjé madji ke singa ang a mbata mèsè ndiki deo kadaba tokou Allah ndiki, mbata kinga né kinga ke madjang ang a ke mè ke ndiki nya.

1 Piyɛr 5:2 Iomraidhean Croise

Lugu 12:32

Sisəy gə ꞌtoje nekuulje gə njɛ̰, ar-je mə-si ila kasə ang, mba rɔ Bɔ-sijee ləl-e mba kar-si ɓeko̰ le.

Koula 20:29

ꞌMa m-gərə to gə logə m-a kaw nama, njagəmanjɛrje gə to ɓəəl d-a kandə horo-si gə mba busu nekuulje,

Koula 21:13

Be ɓa Pɔl təl ila kəne na: Ɗi ɓa ꞌnoje ne ngaɓa ar-je mə-m gangə ne man wa? Mba ꞌma le m-isi pɛrɛrɛ mba kar ꞌtɔ-m gə tɔ ja baa ang, ngaa mba kuy Jerujalɛm nəm mba ri Mbayɓe Jeju.

Romaindjé 1:15

Be ɓa ɓo-e ɔsə-m ngug-ngug mba kar m-aw m-ila mbərə Tar gə May m-ar-sisəy gə isije Rɔm tɔ.

1 Corinthiendjé 9:7

Na ja ɓa ɗa kula gə njeɗɔ lal kar d-uga lar ɗɔ lə-a wa? Na ja maa bḭyə̰ ngaɓa usa kand-ɛ ang wa? Na ja uul nekuulje ngaɓa odo rɔ-ɛ gə mba nekuulje ang wa?

1 Timoce 3:3

N-a to ɓərə lə kodo ang, n-a to nje tɔsə tar ang, ngaa n-a to dəw gə kul lom ngaɓa n-a to dəw nuji, n-a to dəw gə ɓo lar a ɗ-ɛ ang.

1 Timoce 3:8

Ɗəw kara baa, diyakərəje d-a to dəwje gə d-a kila ngon kuji dɔ rɔ-je gə gə maj-ɛ, ndu-je a kḭ joo ang, d-a toje gə ɓərə lə kodo ang ngaɓa d-a mbɔl-ɛ lar ang tɔ.

Tite 1:11

Be ɓa may kar ɔgə-je lo-e. ꞌTuji-je takagə lə njenujije gə mə kəy kəy gə neje gə kəm tɔji ang ja mba kinga ne ne dɔ ji gə to ne rɔ kul.

Tite 1:7

May kar nje ka dɔ njetakagəje le to dəw gə tar uwa dɔ-ɛ ang mba n-nay to gə njengom ne lə Luba, gə n-a to nje ɗa gasəra ang, n-a to njewungu ang, n-a to mbə kodo ang, n-a to nje tɔsə tar ang nəm ɓa, n-a sangə nedɔji gə to ne rɔ kul ang,

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Tite 3:1

Ole mə njetakagəje tɔ̰y ar-je d-oso kul no njeko̰ dɔ dəwje gə cibi d-ila kuji dɔ njeko̰ ɓeje gə ɓo d-isi pɛrɛrɛ mba ɗa ne kula gə ɗa-ɗa gə may,

Pilimo 1:14

Ngaa m-njigi ko tar keji lə-i kede nam ɓa gə mba ɗa ɓi, mba kar m-uwa-i gə singa m-ar-i ꞌɗa neɗa may lə-i ang, ngaa kar-i ꞌɗa ne gə go mə njigi lə-i.

Ebərəje 12:15

May kar-si oje gə maj-ɛ mba kar mənuji lə Luba lal dəw kara ang, mba kar dəw təl to riya gə adə, mba riya gə adə le oso mə mar-ɛ gə nama a tuji mar-eje tɔ̰y ɗaa dəw a kusa ang.

2 Piyɛr 2:3

Gə go ɓo lar gə uwa-je ɓərə gə ja, d-a kərə ne si gə tar gə ta-je gə, mba kinga ne neje ji-si gə, ngaa tar uwa dɔ-je ləw baa ngaɓa d-a kuba tuji ɓisine baa.