1 Piyɛr 5:10 - Mbede Lə Luba Kone Gə Sigi

¹⁰ Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

Testament ke Siki 1960 (Kabba Laka)

¹⁰ A Allah ke ndjè tokou mè madji toï, nè ke mmarsè ta téh ndokoo té la ke ke ndò ke ndò mè Christ té, gè té ke sésè woidjé né ndoo ndò kada kada, nè ndja na da kare asidjé toï, ke nè na ngengsè ke nè na karesè singa.

1 Piyɛr 5:10 Iomraidhean Croise

Lugu 22:32

Ngaa ꞌma ɗaa, m-dəji Luba mba-i mba kar takagə lə-i unda nangə ang. Ɗaa ꞌi, lo gə ꞌtəl um sə-m naa gə nama, ꞌi ngaɓa a kula jingaw mə ngan ko̰-ije gə.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

Romaindjé 15:5

May kar Luba gə nje gəl kuwa gədərə gə njekul mə dəwje le, ar kəji lə-si to kara baa dɔ naa gə gə yo gə nee to to gə kar Kirisi Jeju be,

Romaindjé 16:25

Dəw gə asə kar-sisəy singa gə go Tar gə May lə-m ngaɓa gə go tar lə Jeju Kirisi gə m-ila mbər-e, ngaɓa gə go ne gə to lokiya gə ləw baa gə ꞌkila gə ɗaga,

Romaindjé 9:11

mba logə nganje le d-uji-je ang ja ɓi ngaɓa ꞌgərə ne gə kṵra̰y gə ne may ang ɓi ja ngaa mba kar ne gə Luba ɔji mba ɗa le aw ne lo-e gə,

Romaindjé 9:24

Sijee gə n-ɓar-si horo Jiibije ja kara baa ang, ngaa horo dəwje gə ꞌgərə Luba ang ja cibi,

1 Corinthiendjé 1:10

Ngan ko̰-mje, m-ula jingaw mə-si gə gə ri Mbayɓe lə-si Jeju Kirisi, mba kar ndu-si asə naa dɔ tar gə, may kar kay naa godo horo-si gə, ar-je kəji lə-si to kara baa ngaɓa njil-si kara baa nəm tɔ.

1 Corinthiendjé 1:9

Luba gə ɓar-sisəy um-si naa gə gə ngon-e Jeju Kirisi Mbayɓe lə-sijee le, to Luba gə gadə-gadə.

2 Corinthiendjé 13:11

Be ɓa, ngan ko̰-mje, ɗudu tar ɗaa, ꞌɗaje rɔləl, awje gə dɔ-si gə may pɛdə, gə ꞌkulje mə naa, ar-je kəji lə-si to kara baa, awje dan ɗɛgɛgɛ gə, ngaɓa Luba gə nje gəl njigi gə nje gəl ɗɛgɛgɛ a nay gə si.

2 Corinthiendjé 4:17

Mba nekəmandooje gə ɗa si dɔ ndɔ gə ɓisine nee le, kur-e a kəw ang, ngaɓa ɔlɛ pɛl-pɛl baa, gə asə kuwa kɔji ne riɓar gə ndɔ gə ndɔ gə to gə ndər-e baa, gə nekəmandooje nee gɔl ɔji dɔ-si.

Philippiendjé 4:13

M-asə kar dan neje gə tɔ̰y ɗəw gə lə nje kar-m singa.

Colossiendjé 2:7

ꞌmaaje ngira-si rɔ-ɛ gə ngaɓa ubaje singa, ar-je njang dɔ takagə gə gə go ɗəb-e gə ꞌtɔji-si, cibi ꞌɗaje Luba oyo jaga-jaga ja.

1 Thessaloniciendjé 2:12

J-a ndəji-si, gə j-ula jingaw mə-si gə ngaɓa j-ar gə si taar jigiri kar pa nja-si ta kəm Luba gə ɓar-si kar-si andə-je ɓeko̰ gə lə-a gə dan rɔnduba gə lə-a.

2 Thessaloniciendjé 2:14

Ye gə ne ja tɔ ɓa, n-ɓar-si ne ɗəw Tar gə May gə lə-sijee mba kar ingaje ne riɓar lə Mbayɓe le-si Jeju Kirisi.

2 Thessaloniciendjé 2:17

ꞌkul mə-si gə d-ila singa dɔ mar-ɛ gə d-ar-si, ꞌɗaje ne ne gə may lo kula ɗa gə lə-si tɔ̰y, gə lo pa tar gə lə-si tɔ̰y tɔ.

2 Thessaloniciendjé 3:3

Ngaa Mbayɓe to dəw gə dana gadə. N-a kula jingaw mə-si gə ngaɓa n-a ngom-si ta njeməkṵra̰yje gə tɔ.

1 Timoce 6:12

ꞌƊɔ ɗɔ gə may kar takagə, uwa təbə gə gə ndɔ gə ndɔ gə Luba ɓar-i kəne, ye gə ꞌpa tar-ɛ no njetar najije gə bula.

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

2 Timoce 2:10

Gəl-e gə ne ɓa m-uwa ne gədərə dan ne gə tɔ̰y mba kar nje gə Luba mbərə-je le d-inga ne kaji gə ḭ rɔ Kirisi Jeju gə, gə riɓar gə a to gə ndɔ gə ndɔ.

Ebərəje 9:15

Gəl-e gə nee ɓa n-to ne nje gɔl tar lə kone gə sigi, ɓa gə mba kar kuy lə-a ja tar neɗaje gə kṵra̰y gə gəl kone gə dɔngɔr gə ɔr ne dɔ nje gə ꞌɓar-je gə, d-inga ne nenduba gə d-uwa dɔ gɔl-ɛ gə a to saar gə no.

1 Piyɛr 1:15

ngaa, ɗəw kara baa to gə nje ɓar-si le to gə njerɔsangə ɗaa sisəy kara may kar ꞌsangəje rɔ-si dɔ pa nja-si gə tɔ̰y,

1 Piyɛr 4:10

Mba na-na kara Luba ar-ɛ gusu ɗəw mənuji gə, ɗaa gusu gə Luba ar-si le, ꞌɗaje ne ne ar-je gə nje gə kɛm tɔ. Be ɓa a toje njengom ne mənujije ɓədə-ɓədə gə Luba ar-si.

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.

2 Piyɛr 1:3

Ɗəw singamongə gə lə-a ꞌne gə Luba ja ɓa n-ar-si ne ne tɔ̰y gə kar kaw kəm baa ngaɓa kar kila ne kuji dɔ ne gə lə-a, kar j-a gərə ne nje ɓar-si ɗəw rɔnduba gə ɗəw məmay gə lə-a ja.

1 Jean 2:25

Ye ɓa to ne gə ɔji dɔ təbə gə ndɔ gə ndɔ gə n-uwa dɔ gɔl-ɛ n-ar-si.

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,