1 Piyɛr 4:8 - Mbede Lə Luba Kone Gə Sigi

⁸ Ne gə may ya̰ ja, njigije naa gə yo gə nee jaga-jaga, mba njigi on dɔ neɗaje gə kṵra̰y bula.

Testament ke Siki 1960 (Kabba Laka)

⁸ Wota né toï aridjé ndiki losè ke ndikidjéna horosè té eo ang, mbata ndiki òkou do né ke madjang nya.

1 Piyɛr 4:8 Iomraidhean Croise

1 Corinthiendjé 13:1

To gə ɓo m-gərə pa ndo̰ tar lə dəwje ngaɓa lə anjije ja ɓa, to gə ɓo njigi godo mə-m gə nama, m-to to gə ngaw lar gə ɓar be ose m-to to gə kɔr nekɛmje gə ɓar be.

1 Corinthiendjé 13:4

Njigi ila m-e dɔ mar-ɛ gə, njigi ndangə ang, njigi nər mə ang, njigi ɔsə gaji rɔ-ɛ ang, njigi unda kar-ɛ ang,

Colossiendjé 3:14

Ngaa ne gə to ɓəəl unda neje gə əng tɔ̰y ja to njigi mba njigi ja ɓa to kula gə a tɔ-si naa gə kar ꞌmayje ne pɛdə.

1 Thessaloniciendjé 3:12

May kar Mbayɓe ar njigi naa lə-sisəy gə yo gə nee ɔsə dɔ mar-ɛ gə kede-kede ngaɓa ɓar mii nəm, cibi ɓa ɔji dɔ dəwje tɔ̰y, to to gə sijee j-a njigi sisəy be tɔ;

2 Thessaloniciendjé 1:3

Ngan ko̰-mje, j-ar oyo Luba jaga-jaga ɔji dɔ-si. To lo-e ja kar j-a ɗa be, mba takagə le sisəy ɔsə dɔ mar-ɛ gə kede-kede, njigi naa gə horo-si gə yo gə ne kara uru dɔ mar-ɛ gə ya̰ tɔ.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

Ebərəje 13:1

May kar uwaje gə naa nuji kəm-si gə kede.

Jacques 5:12

Dɔngɔr ne tɔ̰y ɗaa, ngan ko̰-mje, ꞌnajije gə dara ang nəm gə nangə ang nəm, gə pa naji gə ɗangə ang nəm tɔ. May kar tar lə-si to oyo nama oyo, a ɓo ə̰ə̰ə̰ nama ə̰ə̰ə̰ mba kar tar gangə uwa dɔ-si ang.

Jacques 5:20

ꞌgərəje to gə dəw gə nje təl gə njeneɗa gə kṵra̰y ɗəw ndəəm gə lə-a ɗe sə-a le, a t-ɛ ta yo gə, ngaɓa a kudu dɔ neɗaje gə kṵra̰y bula tɔ.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

3 Jean 1:2

Ngon-m gə m-njigi-i ya̰, m-dəji kar ꞌce gə mbi kəm-i gə kede-kede, ngaɓa kar rɔ-i kara to gə maj-ɛ to gə kəm lə-i be.