1 Piyɛr 4:7 - Mbede Lə Luba Kone Gə Sigi

⁷ Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

Testament ke Siki 1960 (Kabba Laka)

⁷ Gel né toï éh ngosiba, isidjé dò gòlsè té ke kemkarè ta doudjou Allah.

1 Piyɛr 4:7 Iomraidhean Croise

Matiye 24:42

Ar-je kɛgɛgɛ, mba ꞌgərəje ndɔ gə Mbayɓe lə-si a ɗe ne ang.

Matiye 25:13

Jeju tɔ dɔ gusutar nee le na: Ar-je mə-si to dɔ rɔ-si gə mba ꞌgərəje dɔ ndɔ-ɛ ang nəm dɔ kar-ɛ ang nəm.

Lugu 21:34

Undaje kəm karə dɔ rɔ-si gə, ɓo ar-je mə-si to gə dɔ gə nekay mbə gə, gə nekusa gə gə ka guru gə ja kara baa ang, mba kar uwa-si ɓərə ang, ngaɓa gə tar kəjije gə ɔji dɔ kisi kəm baa gə mba kar ndo-ɛ nee le uba-si nangə bus ang.

Lugu 21:36

Ɔsəje kəm-si kɔrə ɓo ꞌdəjije Luba gə karje ja tɔ̰y, mba kar d-ɔr-si d-unda si gə kəm-e mba kar-si ꞌce-je nee ta neje gə a ɗe dɔ ndɔ gə bara gə, ngaɓa gə mba kar ar-je ne dɔ gɔl si gə njang no Ngon lə dəw gə.

Lugu 22:46

N-pa n-ar-je na: ꞌCibije mba ɗi wa? Ḭje taar ɓo ꞌdəjije Luba mba kar-si osoje dan nenaje gə ang.

Romaindjé 12:12

ꞌƊaje rɔləl dɔ kunda mə gə lə-si. Uwaje gədərə dan nekəm ndooje gə. Uwaje dəji Luba gədərə.

1 Corinthiendjé 15:24

Go-e gə, gə a to ɗud-e ɗaa, logə n-a tuji nje dum dɔ loje tɔ̰y, gə njeko̰ dɔ loje tɔ̰y ngaɓa singamongə tɔ̰y ɗaa, n-a təl gə ɓeko̰ kula ji-a ꞌne gə to Luba gə Bɔ dəwje.

1 Corinthiendjé 7:29

Ngan ko̰-mje, oje tar gə m-pa ɓa nee: Dɔ kar guji baa, un kud-e ɓisine ja, nje gə ꞌta jene kara may kar ꞌnja to to gə ꞌta ang be,

Ephésiendjé 6:18

ꞌDəjije Luba gə dɔ karje tɔ̰y ɗəw njil gə gə pa dəji gə gə lo-e lo-e ꞌɗaje ne kɔgərɔ. Bənəng ɗaa, undaje kəm karə dɔ rɔ-si gə, ḭya̰je rɔ-si yag ja ꞌtugaje ne njoro lo dəji Luba gə mba njerɔsangəje tɔ̰y;

Philippiendjé 4:5

May kar dəwje tɔ̰y ꞌgərə kila mə dɔ mar-ɛ gə lə-si. Mbayɓe nay dəb baa.

Colossiendjé 4:2

Uwaje dəji Luba gədərə, oreje kəm-si ndəng kəne ꞌɗaje ne oyo.

2 Timoce 4:5

Ngaa ꞌi le, unda kəm karə dɔ rɔ-i gə, uwa gədərə dan ꞌməsərə gə, ɓo ɗa kula lə njekila mbərə Tar gə May gə Luba um ji-i gə le gə maj-ɛ.

Tite 2:12

Mənuji lə Luba le tɔji-si ɗəw kila kuji dɔ ne gə lə Luba ngaɓa mba kar ɓo neje gə dɔ nangə nee tɔ-si ang, be ɓa kar-si j-a njaje ne gə kəm karə gə neɗa gə gadə-gadə dɔ ndɔje gə ɓogəne, gə kila ne kɔji dɔ ne gə lə Luba nəm tɔ,

Ebərəje 10:25

J-ubaje mbo̰ naa lə-si j-ḭya̰-je to to gə nje gə kɛm d-aw ꞌɗa ne be ang, ngaa ar-si j-ula-je jingaw mə naa gə gə yo gə nee, mba oje to gə dɔ ndɔ nay əw ang baa.

Ebərəje 9:26

mba ɓo be nama, un kud-e lo kunda dara je gə nangə gə ja Kirisi a ko ꞌməsərə gɔl bula. Ngaa ɓisine gə to dɔ ɗudu ndɔ nee ɗaa n-un rɔ-ɛ gə nepolo gɔl kara baa ja n-ɔr ne tar neɗa gə kṵra̰y dɔ dəwje gə.

1 Piyɛr 1:13

Gəl-e gə nee ɓa, ilaje ɓərə-si kagə, undaje kəm karə dɔ rɔ-si gə ngaɓa undaje mə-si dɔ mənuji gə d-a kar-si dɔ ndɔ gə Jeju Kirisi a kila rɔ-ɛ gə ɗaga.

1 Piyɛr 3:7

Ɗəw kara baa, sisəy ngaw jeneje kara, may kar na-na gə isi gə jene lə-a nama may kar-ɛ gərə to gə jeneje le darɔ-je mbɔr-ɛ unda-si. May kar ꞌɗɔyje-je mba d-inga gə si təbə naa gə kara baa ɗəw mənuji gə, be ɓa mba kar ne kara kara ɗe bəngərə̰ no dəji Luba lə-si ang.

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

Apocalypse 16:15

A o, m-ɗe to gə nje ɓogo be. Nokarə to kar dəw gə isi kəm baa dɔ rɔ-ɛ gə ngaɓa ngom kubuje lə-a, mba nja kud-e dum ang, ngaɓa mba kar d-o lo rɔ kul lə-a ang nəm tɔ!