1 Piyɛr 4:11 - Mbede Lə Luba Kone Gə Sigi

¹¹ Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.

Testament ke Siki 1960 (Kabba Laka)

¹¹ Tokou mare doou pa tar, ase kare nè mpa tar tokou tar ke ta Allah pa, tokou mare doou da mè madji, ase kare nè nda ke singa ke Allah arè, baa ta kare Allah ase kinga piti mè né té toï deo té lo Jésus Christ. Ndokoo ke singa to la ke ndò ke ndò. Amen.

1 Piyɛr 4:11 Iomraidhean Croise

Matiye 6:13

ꞌTa-si ji Njekṵra̰y gə, ɓo iya̰ si ar j-oso dan nekərə gə ang. Mba ꞌi ja ɓa ɓeko̰, gə singamongə gə rɔnduba, To kar-i gə ɓal-ɓal, saar gə no. Oyo!

Jean 13:31

Logə Judas ɔsə lo ce ɗɔdə ɗaa, Jeju pa na: Ɓisine d-ula rɔnduba dɔ Ngon lə dəw gə, ngaɓa Luba kara inga rɔnduba ɗəw gə lə-a ꞌne tɔ.

Koula 7:38

Logə ꞌmbo̰ naa mə ndag lo gə le, ꞌne nee ja anji pa sə-a tar dɔ ər gə Sinayi, ngaɓa gə ka ka-sijee, ꞌne gə n-ta tarje uji dɔ təbə n-ar-si.

Romaindjé 11:36

Ne tɔ̰y ḭ mə ji-a gə, ne tɔ̰y ɗe ɗəw gə lə-a ngaɓa to mb-ɛ ꞌne ja! Rɔnduba to k-ɛ ja gə ɓal-ɓal. Oyo!

Romaindjé 12:3

Be ɓa m-pa m-ar-si gə go nuji gə d-uwa sə-m le ɗaa, mba kar dəw kara ja kəji lə-a to kəji kəsə tar gə kəji dɔ godo ang, ngaa kar kəji tar lə-a to gə maj-ɛ gə go ɗəb-e, na-na kara gə go singa takagə gə Luba ar-ɛ.

Romaindjé 16:27

May kar rɔnduba to kar Luba gə nje kəm karə gə kar-ɛ baa ja gə ɓal-ɓal ɗəw gə lə Jeju Kirisi! Oyo!

Romaindjé 3:2

To gə ban-ban kara may lə-a to ja tɔ̰y. Mba Jiibije ja ɓa Luba um tar lə-a ji-je gə.

1 Corinthiendjé 10:31

Be ɓa, le usaje ne ne, le ayje ne ne, ngaɓa le ɗi-ɗi ɓa ꞌɗaje kara, ꞌɗaje ne tɔ̰y mba rɔnduba lə Luba.

1 Corinthiendjé 12:4

Tɔgərɔ ja gusuje gə ɗəw Njil gə dang-dang, ngaa Njil kara ɗəgədə;

1 Corinthiendjé 3:10

Gə go mənuji lə Luba gə m-inga le ɗaa, m-ɔsə gɔl kəy le to to gə njegusu kunda kəy gə kəm-e arə be, ngaɓa dəw gə ɗangə ɗe unda kəy dɔ-ɛ gə. Ngaa may kar na-na kara pa kunda gə unda ne le o gə maj-ɛ ɓa.

1 Corinthiendjé 6:20

Mba ꞌndogo-si gə ne ndogo gə gad-e al dɔ lo. Ɗaa may kar unje darɔ-si ulaje ne rɔnduba dɔ Luba gə.

2 Corinthiendjé 2:17

Mba sijee le ja to to gə nje gə kɛm bula gə d-un tar lə Luba gə nekinga ne lə-je baa ne ang; sijee ɗaa, tar gə tɔgərɔ gə ḭ rɔ Luba gə ɓa ja pa, j-ar ne no Luba gə mə Kirisi gə.

2 Corinthiendjé 9:13

Logə dəwje d-o singa kula gə ꞌɗaje nee ɗaa, d-ila ne riɓar dɔ Luba gə ɔji dɔ kila kuji lə-si dɔ Tar gə May gə lə Kirisi gə ta-je, ngaɓa ɔji dɔ nenuji kar mə kara gə ꞌɗaje gə je, ngaɓa gə dəwje tɔ̰y.

Ephésiendjé 1:19

ngaɓa ɗi ɓa to gə singamongə lə-a gə dum dɔ neje tɔ̰y gə to ɔji dɔ sijee gə j-a takagə ɗəw singamongə lə-a gə to ɓəəl.

Ephésiendjé 4:29

May kar tar gə ha̰rə̰w ce ta-si gə ang, ngaa to gə ɓo ɗəw to nama, ꞌpaje Tar gə May gə a kula jingaw mə naa gə nəm, ngaɓa dəwje d-o nama d-inga mənuji kəne tɔ.

Ephésiendjé 5:20

Ɔji dɔ ne gə ɗa-ɗa kara, ꞌɗaje oyo Luba gə Bɔ dəwje gə dɔ kar tɔ̰y, gə ri Mbayɓe lə-sijee Jeju Kirisi.

Ephésiendjé 6:10

Ne gə ɗangə ɓi ɗaa, undaje singa-si dɔ mar-ɛ gə ɗəw gə lə Mbayɓe gə go singamong-e gə to gə dɔ-ɛ doy.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Philippiendjé 2:11

ngaɓa ndo̰ tar gə ɗa-ɗa kara a pa gə taar ɓolong to gə Jeju Kirisi to Mbayɓe, mba kila ne riɓar dɔ Luba gə Bɔ gə.

Colossiendjé 4:6

Ar-je tar gə ta-si ləl gə ləl dɔro, ilaje kadə dɔ tar gə lə-si, mba kar ꞌgərəje ne ɗəw kila ne dəw tar gə.

1 Thessaloniciendjé 2:4

ngaa mba Luba na mə-sijee ɗaa o-si gə maj-ɛ ɓa um kula kila mbərə Tar gə May ji-si gə, be ɓa j-a pa tar mba may ne ta kəm dəwje baa ang ngaa mba may ne ta kəm Luba gə nje na mə dəwje.

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

1 Timoce 6:16

ꞌNe gə kar-e baa n-to Njekuy ang, ꞌNe gə n-isi dan ndogo gə dəw ila gɔl-ɛ kəne ang. Lo gə dəw o ang ngaɓa dəw a kasə ko ang nəm. Riɓar gə singamongə gə ndɔ gə ndɔ to gə k-ɛ. Oyo.

Tite 2:1

ꞌI le ɗaa, may kar ꞌtɔji njetakagəje tar gə tɔgərɔ.

Tite 2:15

Be ɓa gə go tarje gə m-pa m-ar-i le ɗaa n-ndəji-je ne nəm gə ndangə-je gə singamongə. Ar dəw o-i gə ne gə baa ang.

Ebərəje 13:7

Ar-je mə-si ole dɔ njekɔr no-sijee gə ꞌpa tar lə Luba d-ar-si, ꞌtənje pa nja-je saar ce ne dɔ ndɔ yo-je gə ɗaa ꞌndəjije takagə lə-je.

Ebərəje 5:12

Sisəy le ɗaa kuru lo əw asə kar-si ꞌtoje njenetɔjije ngaa, ngaa dɔngɔr nendo gə d-uma ne kudu tar lə Luba ja cibi ꞌnjigije kar ꞌtəl ꞌtɔji-si, to to gə ꞌtoje nganje gə kasə gə mbaa baa ɓa il-je ɓo usaje nekusa dəwje gə tɔgə ang.

Jacques 1:19

Ngan ko̰-mje gə m-njigi-si ya̰, ꞌtugaje mbi-si gə maj-ɛ oje. To gə be, may kar dəw gə ɗa-ɗa kara tuga mbi-a gə tɔg-e o ne tar, ngaɓa ila m-e ɓa pa tar, ngaɓa ɗa wungu gə tɔg-e baa ang nəm tɔ.

Jacques 1:26

To gə ɓo dəw o rɔ-ɛ gə njepolo ne, ɓa ɓo ngom t-ɛ ang nama, dəb-e nee le ərə rɔ-ɛ gə kərə baa. Nepolo lə dəw nee le to nepolo gə baa dɔro.

1 Piyɛr 2:12

Ar-je pa nja-si to gə maj-ɛ horo dəwje gə ꞌgərə Luba ang gə, mba kar logə ꞌpa na ꞌɗaje ne gə kṵra̰y kəne nama, kula ɗa si gə may ɓa d-o kəne ngaɓa kar d-ɔsə ne gaji Luba dɔ ndɔ ɗe gə lə-a.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Piyɛr 4:10

Mba na-na kara Luba ar-ɛ gusu ɗəw mənuji gə, ɗaa gusu gə Luba ar-si le, ꞌɗaje ne ne ar-je gə nje gə kɛm tɔ. Be ɓa a toje njengom ne mənujije ɓədə-ɓədə gə Luba ar-si.

1 Piyɛr 4:16

ɓo n-o ꞌməsərə mba to gə n-to njetakagə Kirisi nama n-ar rɔ kul-e uwa ang ngaa n-ula rɔnduba dɔ Luba gə mba ri gə d-unda dɔ-ɛ gə le.

1 Piyɛr 5:11

Singamongə to k-ɛ ja gə ɓal-ɓal! Oyo!

Jude 1:25

ꞌne gə Luba gə gə kar-ɛ baa gə n-to njekaji-si ɗəw gə lə Jeju Kirisi, Mbayɓe lə-si, may kar riɓar, gə ri mbay, gə singa ko̰ɓe gə singamongə to k-ɛ lo kuma kudu ne gə, ɓisine ngaɓa gə, gə ndɔ gə ndɔ! Oyo!