1 Piyɛr 4:10 - Mbede Lə Luba Kone Gə Sigi

¹⁰ Mba na-na kara Luba ar-ɛ gusu ɗəw mənuji gə, ɗaa gusu gə Luba ar-si le, ꞌɗaje ne ne ar-je gə nje gə kɛm tɔ. Be ɓa a toje njengom ne mənujije ɓədə-ɓədə gə Luba ar-si.

Testament ke Siki 1960 (Kabba Laka)

¹⁰ Deo kadaba tokou daresè kada kada né kare ba dang dang, ekaidjé né horosè té tokou ndjè ngem né kai ke madji, ke tokou mè madji dang dang lo Allah.

1 Piyɛr 4:10 Iomraidhean Croise

Matiye 20:28

Be ɓa ꞌma gə Ngon lə dəw m-ɗe mba kar ꞌɗa kula d-ar-m ang, ngaa mba to ngon njekula, gə kun təbə lə-m gə nekuga dɔ dəwje bula.

Matiye 24:14

D-a kila mbərə Tar gə May gə ɔji dɔ ɓeko̰ nee le dɔ nangə nee tɔ̰y ja, gə tar naji horo gəl kuji dəwje gə tɔ̰y. Ngaɓa ɗudu ndɔ a ɗe ɓi.

Matiye 24:21

Mba dɔ kar-ɛ gə əng ja le, neməko̰je gə to ɓəəl ya̰ gə ce ndɔ kara ang a ce dɔ nangə. Ngaɓa neməko̰ gə be le a təl ce ang magə ja gə dɔbo̰.

Matiye 24:45

Na ɓa to ngon njekula gə to ngon kuji gə to nje kəm karə, ɓa ꞌɓəə-eje um kula ji-a gə, mba kar-ɛ ar dəwje gə mə kəy gə nekusa gə dɔ kar-ɛ kar-ɛ wa?

Matiye 25:17

Ye gə d-ar-ɛ mbɛl kula joo kara ɗa to gə bənəng ɗaa inga mbɛl gə ɗangə kula joo um dɔ mar-ɛ gə.

Matiye 25:44

Be ɓa d-a təl kila kəne na: Mbayɓe ndɔ gə ɗa gə ɓa j-o-i gə ɓo ose kunda ɔr-i, ose ꞌto mba, ose aw kud-i dum, ose rɔ-i to-i, ose d-uwa-i d-ila-i kəy kula gə ɓa jeje j-a la sə-i ang wa?

Marəke 10:45

Mba ꞌma gə Ngon lə dəw m-ɗe mba kar ꞌɗa kula d-ar-m ang, ngaa m-ɗe mba to ngon njekula, gə kun təbə lə-m gə nekuga dɔ dəwje bula.

Lugu 12:42

Ɗaa Mbayɓe ila kəne na: Na ɓa to njengom ne gə to ngon kuji gə unda kəm karə dɔ rɔ-ɛ gə, ɓa ꞌɓəə-eje um kula ji-a gə, mba kar-ɛ n-ar dəwje gə mə kəy gə nekusa gə dɔ kar-ɛ kar-ɛ wa?

Lugu 19:13

Kede nam ɓa kar n-aw ɗaa, n-ɓar ngan njekulaje lə-a dɔg, na-na kara n-ar-ɛ sulay kara kara ɗaa, n-pa n-ar-je na: ꞌTəl-je ji-si saar ndɔ gə m-a təl ɗe.

Lugu 8:3

Jəni, jene lə Kuja, njegəm ne lə Erɔdə, gə Sujan je gə jeneje gə kɛm bula gə ꞌɗe d-un nekingaje lə-je la ne gə je ꞌga̰ tɔ.

Romaindjé 15:25

Ɓisine m-aw gə Jerujalɛm mba ɗa kula mba njerɔsangəje.

Romaindjé 15:27

Nje gə Masedowan gə Akayi nee le ꞌnjigi gə maj-ɛ ja, mba d-o kula gə nee le to to gə ɓangə ɓa to dɔ-je gə be, mba to gə ɓo mbɔr dɔ sijee ɓa dəwje gə ꞌgərə Luba ang d-uba ne may ɗəw njil gə nama, may kar dəwje gə ꞌgərə Luba ang le ꞌla gə sijee nee le gə nemayje gə dɔ nangə nee tɔ.

1 Corinthiendjé 15:10

Ngaa gə go mənuji lə Luba ɓa m-to ne ne gə m-to ɓogəne, ngaɓa mənuji gə m-inga le to ne gə baa ang, m-ɗa kula m-unda-je tɔ̰y, gə go singa-m ꞌma ang ngaa gə go mənuji gə Luba ɓa nay sə-m.

1 Corinthiendjé 3:10

Gə go mənuji lə Luba gə m-inga le ɗaa, m-ɔsə gɔl kəy le to to gə njegusu kunda kəy gə kəm-e arə be, ngaɓa dəw gə ɗangə ɗe unda kəy dɔ-ɛ gə. Ngaa may kar na-na kara pa kunda gə unda ne le o gə maj-ɛ ɓa.

1 Corinthiendjé 4:7

Mba, ɗi ɓa to ne gə unda-i ɓədə wa? Ɗi ja ɓa ꞌi inga gə kinga ang wa? Ngaɓa to gə ɓo inga gə kinga baa ɗaa, mba ɗi ɓa ꞌi unda ne kar-i to to gə ne gə ꞌi inga gə singa-i ja be wa?

2 Corinthiendjé 6:1

Mba sijee ja ɗa kula naa gə kara baa gə Luba, ja ndəji-si mba mənuji lə Luba gə ingaje le, kar oje gə ne gə baa ang.

2 Corinthiendjé 9:1

Tar gə ɔji dɔ kula la gə njerɔsangəje gə Jerujalɛm le, to kəm kar-m m-ɗa mbede m-ar-si ang ngaa.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,

Ephésiendjé 4:11

ꞌNe gə n-ar nje gə kɛm ꞌto njeka̰ykulaje, gə pajambərəje, gə nje kila mbərəje lə Tar gə May, gə njekɔr no dəwje ngaɓa gə njenetɔjije tɔ,

2 Timoce 1:18

May kar Mbayɓe ar-ɛ n-inga məmay lə Luba ndɔ təl gə lə Kirisi Jeju! Məmay gə n-ɗa sə-m mə ɓe gə Epɛs gə al dɔ lo le, dəw gə gərə unda-i kəne kara godo.

Tite 1:7

May kar nje ka dɔ njetakagəje le to dəw gə tar uwa dɔ-ɛ ang mba n-nay to gə njengom ne lə Luba, gə n-a to nje ɗa gasəra ang, n-a to njewungu ang, n-a to mbə kodo ang, n-a to nje tɔsə tar ang nəm ɓa, n-a sangə nedɔji gə to ne rɔ kul ang,

Ebərəje 6:10

Mba Luba to njebuguru ɓa m-e a kuy dɔ kula ɗa si ang nəm, gə nuji gə uwaje gə ri-a ɗəw məmay gə ꞌɗaje gə njerɔsangəje ngaɓa aw ꞌɗaje saar ɓisine.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.