1 Piyɛr 3:9 - Mbede Lə Luba Kone Gə Sigi

⁹ Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.

Testament ke Siki 1960 (Kabba Laka)

⁹ Etélidjé né ke madjang mbata madjang ang, aséh etélidjé né tadji mbata tadji ang, a etélidjé tar ke madji mbata mmarsè mbata yèn, baa ta karesè ingaidjé né ke madji.

1 Piyɛr 3:9 Iomraidhean Croise

Matiye 19:29

Dəw gə ɗa-ɗa gə mba-m ꞌma ɓa uba ne mə kəy lə-a iya̰, gə ngan ko̰-ɛje, gə ko̰ nan-ɛje, gə bɔ-ɛje, gə ko̰-ɛje, gə ngan-ɛ ose mə ndɔje lə-a nama a kinga mar-ɛ bula dɔ-ɛ gə ngaɓa a kinga təbə gə gə ndɔ gə ndɔ gə nenduba.

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Matiye 5:39

Ngaa ꞌma, m-ndəji-si kar ꞌdalje ba̰a̰ məndul gə dəw ɗa gə si ang ne ɓo dəw unda kambɔr-i gə dɔ kɔl nama ꞌturu ye gə dɔ gəl ar-ɛ tɔ.

Matiye 5:44

Ngaa ꞌma, ɗaa m-pa m-ar-si: ꞌNjigije njeba̰a̰je lə-si, ꞌtɔrəje ndu-si dɔ nje gə d-ugu ne d-ar-si, ꞌɗaje may gə nje gə ꞌnjigi-si ang gə kɔrɔ ja ꞌdəjije Luba mba nje gə d-ula kəm-si ndoo nəm tɔ.

Marəke 10:17

Logə Jeju oso ɗəw boo mba kaw ɗaa, jingaw kara a̰y ngɔdə ɗe um məkəji-e nangə no-ɛ gə, ngaɓa təl dəji-e na: Njenetɔji, ꞌi gə to dəw gə may, ɗi ɓa m-a ɗa mba kinga ne təbə gə gə ndɔ gə ndɔ wa?

Lugu 10:25

Be ɓa, dəw kara horo njekɔr gəl toronduje gə ḭ taar pa tar mba na ne Jeju na: Njenetɔji, ɗi ɓa m-a ɗa mba kinga ne təbə gə gə ndɔ gə ndɔ wa?

Lugu 18:18

Jiibi kara gə to buba ɓe dəji Jeju na: Njenetɔji gə may, ɗi ɓa m-a ɗa mba kinga ne təbə gə gə ndɔ gə ndɔ wa?

Romaindjé 12:14

ꞌTɔrəje ndu-si dɔ njekula kəm-si ndooje gə, ɔr-je ndu ar-jeje ɓo uguje ne ar-jeje ang.

Romaindjé 12:17

ꞌDalje ba̰a̰ məyɛr gə dəw ang. ꞌSangəje ne gə may no dəwje gə tɔ̰y.

Romaindjé 8:28

Ngaɓa j-a gərə to gə neje tɔ̰y ꞌmbo̰ naa kara baa ɗa ne mba may lə nje gə ꞌnjigi Luba, gə nje gə n-ɓar-je gə go ɗəw gə ꞌne ja n-gɔl.

Romaindjé 8:30

Ngaɓa nje gə n-gɔl mba-je kede nam le, n-ɓar-je tɔ, ngaɓa nje gə n-ɓar-je le, n-tura-je gə dəwje gə gadə-gadə, cibi nje gə n-tura-je gə dəwje gə gadə-gadə le, n-ula rɔnduba dɔ-je gə tɔ.

Galatedjé 3:14

Be ɓa, dəwje gə ꞌgərə Luba ang gə ꞌta kagə Jeju Kirisi d-inga ne ndu tɔr lə Abəraham, mba kar ɗəw takagə gə ɗaa, sijee kara j-a kinga ne Njil gə Luba uwa dɔ gɔl-ɛ.

Ephésiendjé 4:32

ꞌMay-je gə naa gə yo gə nee, ꞌɗa-je gə naa məmay gə yo gə nee; ɔrəje tar dɔ naa gə yo gə nee to gə Luba ɔr ne tar dɔ-si gə ɗəw gə lə Kirisi be tɔ.

1 Thessaloniciendjé 5:15

Oje gə maj-ɛ, may kar dəw kara kara ɗa kṵra̰y toro mar-ɛ gə ang; ngaa ꞌsangəje ɗəw ɗa may ja jaga-jaga horo naa gə ngaɓa gə dəwje tɔ̰y.

Ebərəje 12:17

ꞌGərəje to gə go-e gə ngaɓa njigi kinga ndu tɔr ɗaa lo-e godo, n-sangə gə man no ja ngaa n-inga ɗəw gə n-a təl ne gə bɔ-ɛje kar turu ne ndu-e ang ngaa.

Ebərəje 6:14

n-pa nena: Tɔgərɔ ja, m-a tɔr ndu-m dɔ-i gə ngaɓa m-a kar gəl kuji-i uji mar-ɛ gə kede-kede.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.