1 Piyɛr 3:21 - Mbede Lə Luba Kone Gə Sigi

²¹ To ndaji batɛm gə aji-si ɓogəne, gə to ɗəw gə ꞌtogo ne neje gə mina darɔ dəw gə ɗaga ang, ngaa, to kun gə dəw un rɔ-ɛ gə kəji gə may ar Luba, ɗəw ce buwa yo gə lə Jeju Kirisi.

Testament ke Siki 1960 (Kabba Laka)

²¹ Tourou tar man nèn to baptême ke adjisè bashénè, to ta toko né yèdo da rò té ang, a to tar nadji ke kedji né geré to madji kem Allah té, deo kï té lo Jésus Christ mè bwa yo té.

1 Piyɛr 3:21 Iomraidhean Croise

Matiye 28:19

Awje, ɓo ꞌturuje gəl kuji dəwje tɔ̰y gə ngan njenendoje ngaɓa ꞌɗaje-je batɛm gə ri Bɔ, gə Ngon, gə Njil Njerɔsangə,

Marəke 16:16

Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ.

Jean 13:9

Simo Piyɛr pa ar-ɛ na: To gə be nama Mbayɓe, ꞌtogo gɔl-m baa ang, ngaa ji-m nəm ngaɓa dɔ-m nəm tɔ.

Koula 16:33

Dɔ kar-ɛ gə mə cil-e gə nee ja, n-aw gə je n-aw n-togo do lə-je ɗaa gə lo-e gə nee ja ꞌɗ-ɛ batɛm gə njeka-ɛje tɔ̰y tɔ.

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 22:16

Ngaa ɓisine ꞌngə̰y mba ɗi cibi wa? Ḭ taar, ɓo ar ꞌɗa-i batɛm ngaɓa ꞌto go neɗaje gə kṵra̰y lə-i gə go ri-a gə a ɓar.

Koula 8:36

Logə d-aw dɔ-je gə kede ɗaa ꞌce ta man dangə gə ɗaa ꞌmbakudu le na: Man a to nee ngaa ɗi ɓa a kɔgə-m kar-i ꞌɗa-m batɛm wa?

Koula 8:37

Pilibi pa na: To gə ɓo ꞌta kagə gə dɔ ɓəngər-i tɔ̰y tɔgərɔ nama ɗəw to ja. ꞌMbakudu le ila kəne na: M-ta kagə to gə Jeju Kirisi to gə ngon lə Luba ja.

Romaindjé 5:14

Ngaa, yo un kud-e dɔ Adam gə nu ja o̰ ɓe saar ce ne dɔ Moyiji gə, ce ne dɔ nje gə ꞌɗa neɗa gə kṵra̰y to to gə kar Adam gə to gə kal tar le ang. Adam gə to ndaji dəw gə a ɗe le.

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

1 Corinthiendjé 4:6

Ngan ko̰-mje, m-un ndaji neje nee le ɔji dɔ Apolos gə dɔ ꞌma mba tar lə-sisəy. Be ɓa a ndo-je ne ne gə oje rɔ-sijee gə, mba kawje əw gə tar ne gə ꞌɗa mə mbede gə ang, mba kar dəw kara kara horo-si gə uwa dəw gə kara unda ne kar-ɛ tɔsə ne kəm dəw gə kara ang.

2 Corinthiendjé 1:12

Mba gəl ne gə sijee j-unda ne kar-si le, to gə tar naji gə mə kəji lə-si gə to nee: sijee ja nja pa nja gə horo dəwje gə dɔ nangə gə nee, ngaɓa horo-sisəy gə ja dɔ ngɔ, gə kɔsə rɔ ang, ngaɓa gə karə ngadə gə ḭ rɔ Luba gə; ɗaa mənuji lə Luba ɓa ɔr no-si ɓo kəm karə gə darɔ gə ang

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Galatedjé 3:27

sisəy tɔ̰y gə umje naa gə gə Kirisi ɗəw batɛm gə, ꞌtəlje taje ne naa gə Kirisi.

Ephésiendjé 5:26

n-tog-e ne gə man gə to gə tar, mba kunda-a gə losang-ɛ

Colossiendjé 2:12

ꞌDubu-si sə-a ɗəw batɛm gə, d-ar-si ja ꞌce-je sə-a mə buwa yo tɔ ngaɓa gə ɗəw ta kagə singamongə Luba gə ar-ɛ n-ce ne horo nje gə d-uy gə.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

1 Timoce 6:12

ꞌƊɔ ɗɔ gə may kar takagə, uwa təbə gə gə ndɔ gə ndɔ gə Luba ɓar-i kəne, ye gə ꞌpa tar-ɛ no njetar najije gə bula.

Ebərəje 10:22

Gəl-e gə nee ɓa, j-ulaje kudu-si gə kede gə mə gə tɔ joo ang, ngaa gə takagə gə tɔgərɔ, gə mə gə ꞌtogo kəji gə kṵra̰y kəne ngaɓa gə darɔ gə ꞌtogo gə man gə arə ngadə tɔ.

Ebərəje 11:19

Mba n-unda m-e to gə Luba asə ndol ngon-e horo nje gə d-uy gə. Gəl-e gə nee ɓa Luba təl ne gə ngon-e gugu ar-ɛ, ɗaa to gə kuji tar.

Ebərəje 13:18

ꞌDəjije Luba mba sijee, mba j-a gərə to gə kəji lə-sijee to gə maj-ɛ, gə mə-si gə njigi mba nja gə maj-ɛ dan neje gə tɔ̰y.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Ebərəje 9:24

Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

1 Piyɛr 3:16

ɗaa ꞌpaje gə ndu gɔsə gə kul yururu gə kila kuji, ar-je kəji gə may ɓa uwa mə-si, mba kar lo gə d-aw ꞌpa gə si kəne nama, rɔ kul ɗa ne nje pa tarje gə kṵra̰y dɔ pa nja-si gə may gə ɗəw gə lə Kirisi.