1 Piyɛr 2:9 - Mbede Lə Luba Kone Gə Sigi

⁹ Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

Testament ke Siki 1960 (Kabba Laka)

⁹ A sésè etoidjé dooudjé ke Allah mberesè, sésè etoidjé ndjè kòrdjé ke mbaidjé, gel dooudjé ke madji toï, dooudjé lo Allah ndja, baa ta kare sésè asidjé tòdjou tar ke madji la, nè ke mmarsè ta kïya londoul ta téh lokarè té la ke madji nya.

1 Piyɛr 2:9 Iomraidhean Croise

Matiye 4:16

Dəwje gə d-isi dan cil ciməri gə, A d-o lokarə gə boy, Ngaɓa dəwje gə d-isi dɔ nangə gə Galile. Gə d-isi cil ciməri mba kuy, Ɓa lo ar dɔ-je gə.

Matiye 5:16

Be ɓa ar-je pər lə-si ndogo no dəwje gə, mba kar d-o ne neɗa-sijee gə may-may, ngaɓa d-a kɔsə ne gaji Bɔ-sijee Luba gə isi mə dara gə.

Lugu 1:79

Lo kar gə a kar dɔ dəwje gə d-isi lo ndul gə gə nje gə d-isi kɔy njil yo gə. Ngaɓa gə mba kɔr no-si ɗəw ɗɛgɛgɛ gə.

Jean 17:19

ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.

Koula 20:28

Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Koula 26:28

Agiripa təl ila Pɔl kəne na: Nay njɛ̰ baa kar-i ꞌɗa-m ar-m m-təl njetakagə Kirisi!

Romaindjé 9:24

Sijee gə n-ɓar-si horo Jiibije ja kara baa ang, ngaa horo dəwje gə ꞌgərə Luba ang ja cibi,

1 Corinthiendjé 3:17

Dəw gə ɓo tuji kəy lə Luba nama Luba a tuj-e; mba kəy lə Luba to gə losang-ɛ, ɗaa sisəy ja ꞌtoje kəy gə nee le.

Ephésiendjé 1:14

gə to gə nenduba lə-sijee gə Luba ɔsə gə kɔrə, ngəbə ne ndɔ gə n-a kar-si j-inga kɛs-e gə nay tɔ̰y, lo gə j-a kinga ne kaji gə dɔbo̰ kar j-ɔsə ne pa j-ila ne riɓar dɔ-ɛ gə.

Ephésiendjé 1:6

mba kila ne riɓar ɔji dɔ njigi gə lə-a gə n-unda ne sijee dan may gə ɗəw gə lə ngon-e gə n-ɓol-e.

Ephésiendjé 3:21

may kar riɓar to k-ɛ mə Mbo̰ naa lə njetakagəje ngaɓa ɗəw gə lə Kirisi Jeju ɗaa, gə gəl kujije tɔ̰y ja gə ɓal gə ɓal saar-saar gə no. Oyo!

Philippiendjé 3:14

m-a̰y ngɔdə dɔ-m gə ne gə m-kuji gə, mba kinga nekuga dɔ ji ɓar gə Luba ɓar-m ɗəw gə lə Kirisi Jeju.

Colossiendjé 1:13

N-ɔr si lo gə cil ciməri o̰ ɓe kəne, ɗaa n-odo-si n-um-si mə ɓeko̰ gə lə ngon-e gə njigi-e gə maj-ɛ,

2 Timoce 1:9

Luba ja aji-si cibi ɓa ɓar-si gə ɓar gə arə ngadə, ɓo gə go kula ɗa si ang ngaa gə go mənuji ɓa n-gɔl ne to gə be ɗəw gə lə Jeju Kirisi kede ləw nam ɓa n-unda dara je gə dɔ nangə ɓi.

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

1 Piyɛr 1:2

Luba mbərə-si kede nam, ɗəw gə Njil unda-si ne gə losang-ɛ mba kar ila-je ne kuji dɔ Jeju Kirisi gə ɓo kar ꞌtusu ne məs-e dɔ-si gə, ɗaa may kar mənuji gə ɗɛgɛgɛ ɔsə kudu naa ngug-ngug dɔ-si gə.

1 Piyɛr 2:5

Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.

Apocalypse 1:6

ngaɓa, n-təl si gə dəwje gə gəl ɓeko̰ gə lə-a, gə njekapoloje lə bɔb-ɛje Luba le, may kar riɓar gə singa ko̰ dɔ ne to k-ɛ saar-saar gə no! Oyo!

Apocalypse 20:6

Nje gə ꞌga̰ horo dəwje gə d-uy ɓa ꞌndol dɔngɔr nee le, ꞌto gə njenokarəje gə njerɔsangəje. ꞌJejee nee le, yo gə njekum gə joo o̰ ɓe dɔ-je gə ang ngaa: Ngaa d-a to njekapoloje lə Luba je gə Kirisi, ngaɓa d-a ko̰ sə-a ɓe ɓal tɔl-tɔl dɔg lo kara tɔ.

Apocalypse 5:10

ꞌTəl-je gə ɓeko̰, ngaɓa gə njekapoloje kar Luba lə-sijee, ɗaa d-a ko̰ ɓe dɔ nangə gə nee.