1 Piyɛr 2:5 - Mbede Lə Luba Kone Gə Sigi

⁵ Sisəy ja kara, ꞌnayje ɗəw kara baa to gə kɔr ərje gə to kəm baa mba kar undaje rɔ-si naa gə, gə kəy gə ɗəw Njil gə, kəy lə Luba gə to gə losang-ɛ, mba kar unje ne nepoloje gə ɗəw Njil gə, gə ta kəm Luba ɗəw gə lə Jeju Kirisi;

Testament ke Siki 1960 (Kabba Laka)

⁵ Sésè to, tokou err ke kem, ndasè ta dé to kei lo Ndil, ta dé to ndjè kòrdjé ke madji toï ta kare né polo lo Ndil ke ase kem Allah té, deo té lo Jésus Christ.

1 Piyɛr 2:5 Iomraidhean Croise

Romaindjé 12:1

Be ɓa, ngan ko̰-mje, m-ndəji-si gə go məmayje lə Luba, mba kar unje darɔ-si ja arje Luba gə nepolo gə aw kəm baa, gə to gə losang-ɛ, ngaɓa ta kəm Luba, ye ɓa gə polo gə gə dɔ gɔl-ɛ.

Romaindjé 15:16

ar m-to njekula lə Kirisi Jeju horo dəwje gə ꞌgərə Luba ang gə; kula gə to gə losang-ɛ gə to kila mbərə Tar gə May lə Luba le m-ɗa, mba kar dəwje gə ꞌgərə Luba ang le ꞌto ne nenuji gə Njil Njerɔsangə unda gə losang-ɛ gə may ta kəm Luba gə.

1 Corinthiendjé 3:16

ꞌGərəje to gə sisəy ꞌtoje kəy lə Luba, gə Njil Luba isi mə-si gə ang wa?

1 Corinthiendjé 3:9

Mba j-a to nje baa kulaje lə Luba. Sisəy ꞌtoje ndɔ lə Luba, ꞌtoje kəy lə Luba.

1 Corinthiendjé 6:19

ꞌGərəje ne gə nee ang wa? Darɔ-sisəy le to kəy lə Njil Njerɔsangə gə Luba ja ar-ɛ isi mə-si gə; ɗaa darɔ-sisəy le to kar-si ang.

2 Corinthiendjé 6:16

Kəy lə Luba je gə magəje d-a riya kone to gə ban wa? Mba sijee ja to kəy lə Luba gə Nje kisi kəm baa, to gə Luba pa ne na: M-a kisi gə je ngaɓa m-a nja horo-je gə M-a to Luba lə-je, ngaɓa ꞌjeje d-a to dəwje lə-m.

Galatedjé 6:10

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

Philippiendjé 1:11

May kar pa nja gə may gə ingaje ɗəw gə lə Jeju Kirisi le, ila riɓar gə dɔ Luba gə, gə ɔsə gaji-ɛ.

Philippiendjé 2:17

Ngaa, le to gə m-nuga rɔ-m kadə m-ɔsə ne dɔ kar-sisəy gə dɔ kula takagə lə-si gə to nepolo gə nenuji kara, m-ɗa rɔləl-e ngaɓa m-təl m-ɗa gə sisəy tɔ̰y;

Philippiendjé 4:18

M-inga ne tɔ̰y ɗaa m-isi dan may gə ngaa; mə-m ti mbidi, mba ne gə ar-je Epaporoditə ɗe ne le əndə ləl to to gə ba̰y kəndə mambo̰ gə əndə sa̰a̰ be, to gə nepolo gə Luba njigi ngaɓa ta kəm-e tɔ.

Colossiendjé 3:17

May kar tar ɓa a kaw paje ose ne gə ɗa-ɗa ɓa a kaw ɗaje kara, ꞌɗaje ne tɔ̰y gə ri Mbayɓe Jeju, ꞌtəlje ne gə oyo ar-je Luba gə Bɔ dəwje gə ri-a.

1 Timoce 3:15

Ngaa to gə ɓo, kuru-m əw njɛ̰ nama, ꞌi ja a gərə ɗəw gə a ngom nee rɔ-i mə kəy gə lə Luba, gə to Mbo̰ naa lə njetakagəje lə Luba gə Nje kisi kəm baa, ꞌNe gə to nje kɔsə kudu tar gə tɔgərɔ nəm ngaɓa nje ta dɔ tar gə tɔgərɔ nəm tɔ.

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

1 Piyɛr 4:11

Dəw gə Luba ar-ɛ gusu pa tar nama pa ne tar lə Luba, ɓo gusu ɗa may gə dəwje nama, may kar-ɛ ɗa gə je may gə singa gə Luba ar-ɛ le, mba kar Luba gə njerɔnduba gə njesingamongə gə gə ɓal-ɓal inga ne riɓar ɗəw gə lə Jeju Kirisi. Oyo.

1 Piyɛr 4:17

Mba dɔ kar-ɛ asə nama gangə tar a kun kud-e mə kəy gə lə Luba ja. Be ɓa, to gə ɓo d-un kud-e dɔ sijee gə ja nama, nje gə ꞌmbadə ta kagə Tar gə May lə Luba nee le d-a tɔl t-ɛ to gə ban wa?

Apocalypse 1:6

ngaɓa, n-təl si gə dəwje gə gəl ɓeko̰ gə lə-a, gə njekapoloje lə bɔb-ɛje Luba le, may kar riɓar gə singa ko̰ dɔ ne to k-ɛ saar-saar gə no! Oyo!

Apocalypse 20:6

Nje gə ꞌga̰ horo dəwje gə d-uy ɓa ꞌndol dɔngɔr nee le, ꞌto gə njenokarəje gə njerɔsangəje. ꞌJejee nee le, yo gə njekum gə joo o̰ ɓe dɔ-je gə ang ngaa: Ngaa d-a to njekapoloje lə Luba je gə Kirisi, ngaɓa d-a ko̰ sə-a ɓe ɓal tɔl-tɔl dɔg lo kara tɔ.

Apocalypse 3:12

Dəw gə cɛdə ɗɔ nama, m-a kar-ɛ to gə dubu mə kəy gə lə Luba, a kila gɔl-ɛ ɗangə ang car, ngaɓa m-a kunda ri Luba lə-m, gə ri ɓebo lə Luba lə-m gə to Jerujalɛm gə sigi gə ḭ dara rɔ Luba gə lə-m dɔ-ɛ gə, ngaɓa ri-m ꞌma gə sigi nəm tɔ.

Apocalypse 5:10

ꞌTəl-je gə ɓeko̰, ngaɓa gə njekapoloje kar Luba lə-sijee, ɗaa d-a ko̰ ɓe dɔ nangə gə nee.