1 Piyɛr 2:4 - Mbede Lə Luba Kone Gə Sigi

⁴ ꞌƊəmje gə rɔ-ɛ gə, ꞌne gə n-to kɔr ər gə to kəm baa gə dəwje ꞌmbadə, ngaa n-may ta kəm Luba gə ɓa mbər-e.

Testament ke Siki 1960 (Kabba Laka)

⁴ Ke ngesidjé ngosiba sa, nè ke nto err ke kem ke dooudjé mbeté, a nè nto err ke Allah mberè ke nto kouka nya.

1 Piyɛr 2:4 Iomraidhean Croise

Matiye 11:28

ꞌƊeje gə rɔ-m gə nee, sisəy tɔ̰y gə ɔrəje gə nekodo uway-si le, ɗaa m-a kar-si uwaje kɔr-si.

Matiye 12:18

Oje ngon njekula lə-m gə m-mbər-e, ꞌNe gə m-njig-e gə maj-ɛ m-ar kəm lə-m inga rɔləl dɔ-ɛ gə. M-a kum Njil-m dɔ-ɛ gə Ɗaa n-a kila mbərə neɗa gə gadə-gadə kar gəl kuji dəwje

Matiye 21:42

Jeju təl pa ar-je na: ꞌTuraje mə mbede gə lə Luba ang ja tɔgərɔ wa? Tar gə na: Ər gə njekunda kəyje ꞌmbadə le Təl to gə ngaw dan-ɛ, ye ja to kil kəy gə To kula ɗa lə Mbayɓe Luba, Ɗaa to ne gə karə kar dəw uwa ne pa̰y ta kəm-je gə ja!

Jean 14:19

Waga ɓəəl ɓi ɗaa, dəwje gə dɔ nangə gə nee d-a ko-m ang gə dɔbo̰; ngaa sisəy ɗaa, a ko-mje, ꞌma le, m-isi kəm baa, ngaɓa sisəy kara a kisije kəm baa tɔ.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 5:26

Be ɓa, to gə Bɔ to ngira təbə le, to gə be ja tɔ n-ar Ngon to ngira təbə tɔ.

Jean 5:40

Ɗaa ꞌnjigije mba ɗe rɔ-m gə gə mba kinga təbə ang.

Jean 6:37

Dəwje tɔ̰y gə Bɔ dəwje um-je ji-m gə le, d-a ɗe rɔ-m gə, ngaɓa dəw gə ɗe rɔ-m gə nama, m-a tɔb-ɛ kila-a ɗaga ang ja saar,

Jean 6:57

Cibi, to gə Bɔ dəwje gə isi kəm baa ula-m, ngaɓa to gə ꞌma, m-isi kəm baa ɗəw gə lə Bɔ dəwje le, to gə be ja tɔ, dəw gə usa darɔ-m nama isi kəm baa ɗəw gə lə-m ꞌma tɔ.

Romaindjé 5:10

Mba to gə ɓo, j-a to njeba̰a̰je lə Luba ɓa ɓo j-a təl j-um sə-a naa gə ɗəw kuy gə lə Ngon-e nama, ɗəw gə j-um ne sə-a naa gə le ja tɔ j-a kinga ne kaji ɗəw təbə gə lə-a.

1 Corinthiendjé 3:11

Mba dəw asə kɔsə gɔl kəy gə ɗangə dɔ ꞌye gə kede, gə to Jeju Kirisi le ang.

Colossiendjé 3:4

Logə Kirisi gə to təbə lə-si a kila rɔ-ɛ gə ɗaga ɗaa, təbə lə-sisəy kara a kila sə-a rɔ-ɛ naa gə dan rɔnduba gə.

1 Piyɛr 1:19

ngaa ꞌndogo-si gə məsə gə may pɛdə, to to gə məsə ngon badəm gə rɔ-ɛ to təb ngaɓa arə ngadə, to məsə Kirisi;

1 Piyɛr 1:7

mba nenaje nee le ja ɓa a tɔji takagə lə-si gə tɔgərɔ, takagə lə-si may unda maa gə to ne gə a tuji ja ngaa d-aw ꞌna gə pər, be ɓa a kingaje ne pidi, gə riɓar ngaɓa d-a ɗɔy-si ne ndɔ gə Jeju Kirisi a kila ne rɔ-ɛ gə ɗaga.

1 Piyɛr 2:7

Ɗɔy to kar-sisəy gə ꞌtaje kagə. Ngaa kar nje gə ta kagə ang ɗaa, Kɔr ər gə njekunda kəyje d-un d-ila kɔrɔ le ja Ye ja təl to kɔr ər gə kil kəy gə Ngaɓa kɔr ər le təl to jigi tuga gɔl To kɔr ər gə təl to ɗəw koso.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba