1 Piyɛr 2:21 - Mbede Lə Luba Kone Gə Sigi

²¹ Ye gə kən le ja ɓa ꞌɓar-si mb-ɛ, mba Kirisi kara o ꞌməsərə mba-si tɔ ngaɓa ḭya̰ gə ne kɔji mar-ɛ ar-si, mba kar unje ne dɔ gɔl-ɛ.

Testament ke Siki 1960 (Kabba Laka)

²¹ Mbata mmarsè mbata yèn, mbata Christ wo né ndoo mbata losè to, nè naresè do gèlè tokou ban ta karesè ndjaidjé tourou gèlè té.

1 Piyɛr 2:21 Iomraidhean Croise

Matiye 10:38

dəw gə un kagə dəsə lə-a ɓa uwa ne go-m ang nama asə to nje kar ꞌma ang tɔ.

Matiye 11:29

ꞌTaje jugu lə-m ɓo ar-mje tɔji-si ne mba m-to nje məmay gə kula dɔ to mə-m gə, ngaɓa a kingaje lo kuwa kɔr lə kəm lə-si.

Matiye 16:24

Be ɓa Jeju təl pa ar ngan njenendoje lə-a na: To gə ɓo dəw gə njigi kuwa go-m nama, to may kar mbadə darɔ-ɛ, odo kagə dəsə lə-a, ɗaa uwa ne go-m.

Lugu 24:26

To may kar Kirisi, dəw gə d-uwa dɔ-ɛ gə ubu le, o ꞌməsərə gə nee, ngaɓa a kandə dan riɓar gə lə-a le ang wa?

Jean 13:15

mba to gə nekɔji mar-ɛ ɓa m-ɗa m-ar-si, mba kar-sisəy kara ꞌɗaje to gə ꞌma m-ɗa m-ar-si be tɔ.

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Koula 17:3

be ɓa Pɔl ɔr gəl-e ngaɓa tɔji to gə Kirisi a ko ꞌməsərə ngaɓa a ndol horo nje d-uy gə. N-təl n-pa na: Jeju gə m-aw m-pa tar lə-a m-ar-si nee le, ꞌne ja n-to Kirisi.

Koula 9:16

ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.

Romaindjé 8:29

Mba nje gə n-gərə-je kede nam le, n-gɔl kede mba kar ꞌta naa gə ndaji Ngon-e, kar Ngon-e nee le to ne ngon dəər no ngan ko̰ naaje gə bula.

1 Corinthiendjé 11:1

ꞌNdajije kəm-m to to gə ꞌma ja kara m-ndaji kəm Kirisi be.

Ephésiendjé 5:2

ngaɓa ꞌnja-je dan njigi gə ɗəw kara baa to gə Kirisi kara njigi sijee ɗaa ye ja un rɔ-ɛ ila mə ji Luba gə uga ne dɔ sijee gə nenuji, gə nekunja məsə, asə naa gə ba̰y kəndə mambo̰ gə ba̰y-e əndə ləl tɔ.

Philippiendjé 2:5

Ar-je kəji gə to mə Kirisi Jeju gə ɓa uwa mə-si,

1 Thessaloniciendjé 3:3

mba kar neməko̰je gə ɓisine cɛdə singa dəw kara horo-sisəy gə ang. Mba sisəy ja kara ꞌgərəje to gə neje gə əng le to ɔji dɔ sijee ja.

1 Thessaloniciendjé 4:2

Be ɓa nduje gə j-un j-ar-si ɗəw gə lə Mbayɓe Jeju le, sisəy ꞌgərəje.

2 Timoce 3:12

Be ɓa dəwje tɔ̰y gə njigi kila kuji dɔ ne gə lə Luba gə mba kaw ne kəm baa gə Kirisi Jeju le d-a kula kəm-je ndoo.

Ebərəje 2:10

Be ɓa ꞌne gə neje tɔ̰y ɗe ɗəw gə lə-a ngaɓa neje tɔ̰y to ɔji dɔ-ɛ, cibi n-ar ngan-ɛ bula d-inga rɔnduba ɗaa nje gəl kaji lə-je n-ar-ɛ ɗe gə dəw gə may pɛdə ɗəw ko ꞌməsərə gə.

1 Piyɛr 1:20

ꞌmbər-e kede nam ɓa d-unda dara gə dɔ nangə ngaa ɓisine ꞌkila gə ɗaga dɔ ɗudu ndɔ gə nee mba tar lə-si.

1 Piyɛr 2:24

ꞌne gə n-unda dɔ-ɛ kede n-ta ne neɗaje gə kṵra̰y lə-si, n-uy ne dɔ kagə gə, mba kar-sijee gə ja to dəwje gə j-uy ɗəw neɗa gə kṵra̰y gə le, j-aw ne kəm baa ɔji dɔ neɗa gə dana gadə, ngaɓa do gə ninga le ɓa ajije ne kəbərə.

1 Piyɛr 3:18

Mba Kirisi kara o ꞌməsərə gɔl kara gə dɔbo̰ ja mba neɗaje gə kṵra̰y, ꞌne gə to dəw gə gadə-gadə ja, n-o ꞌməsərə mba sisəy gə tar uwa dɔ-si, mba kɔr ne no-si kaw ne gə si ɓə lə Luba. ꞌTɔl-ɛ ɗəw darɔ gə, ngaa d-ar n-təl n-aw kəm baa ɗəw Njil gə.

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.

1 Piyɛr 4:1

Be ɓa, mba Kirisi o ꞌməsərə ɗəw darɔ gə, ɗaa sisəy kara a gɔlje kəji lə-si mba ko ꞌməsərə to gə ꞌne be tɔ; mba dəw gə o ꞌməsərə darɔ-ɛ gə le, cḭ gə neɗa gə kṵra̰y,

1 Piyɛr 4:13

Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.

1 Jean 2:6

Dəw gə pa na n-um sə-a naa gə le, a kasə nja to gə ꞌne nja be.

1 Jean 3:16

Ne gə sijee j-a gərə ne njigi lə ɓa nee: ꞌne le, n-un təbə lə-a n-uga nee dɔ-si. Be ɓa, sijee kara, j-un təbə mba ngan ko̰-sijee.

Apocalypse 12:11

Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.