1 Piyɛr 2:17 - Mbede Lə Luba Kone Gə Sigi

¹⁷ ꞌƊɔyje dəwje tɔ̰y, ꞌnjigije ngan ko̰-si gə mə Kirisi gə, ꞌɓəəlje Luba, ilaje kuji dɔ mbay gə tɔ.

Testament ke Siki 1960 (Kabba Laka)

¹⁷ Walidjé dooudjé toï. Ndikidjé ngaködjèdjè. Edaidjé bel lo Allah. Walidjé mbaibé.

1 Piyɛr 2:17 Iomraidhean Croise

Matiye 22:21

D-ila-a kəne na: To kar Sejar. Be ɓa Jeju pa ar-je na: Ne gə to kar Sejar nama ar-je Sejar, ne gə to kar Luba nama ar-je Luba.

Jean 13:35

To gə ɓo ꞌnjigije naa gə yo gə nee nama, dəwje tɔ̰y d-a gərə to gə ꞌtoje gə ngan njenendoje lə-m.

Romaindjé 12:10

Ɔji dɔ njigi gə horo ngan ko̰ naaje gə le ɗaa, may kar-si ꞌnjigije naa gə yo gə nee, may kar-si ꞌɗɔy-je naa gə gə yo gə nee ar-je al dɔ mar-ɛ.

Romaindjé 13:7

Na-na ja nama ar-ɛje ne gə ɔji dɔ-ɛ: Dəw gə kəm kar uga-je lar dɔ ne no-ɛ gə nama uga-aje, dəw gə kəm kar uga-je sə-a lar gədə ɓe nama uga-je, dəw gə kəm kar-si ꞌɓəəl-eje nama ꞌɓəəl-eje, dəw gə kəm kar-si ꞌɗɔy-ɛje nama ꞌɗɔy-ɛje.

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Ephésiendjé 5:21

ꞌƁəəlje Kirisi, osoje kul no naa gə yo gə nee mba ɓəəl gə ꞌɓəəlje Kirisi.

Philippiendjé 2:3

ɗa-je ne kara kara gə go nər mə ang ose mba riɓar gə baa ang, ngaa gə kula dɔ ngulum, oje nje gə kɛm gə dəwje gə ꞌto ɓəəl unda-si.

1 Timoce 6:1

Dəwje tɔ̰y gə jugu ɓərə to gɔbə-je gə le, may kar je d-ula dɔ-je d-ar ꞌɓəə-jeje ɓa gə mba kar dəwje taji ne ri Luba ang, ose taji ne nendo gə ꞌtɔji-je le ang tɔ.

Ebərəje 13:1

May kar uwaje gə naa nuji kəm-si gə kede.

1 Piyɛr 1:22

Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

1 Piyɛr 2:13

May kar osoje kul no njeko̰ dɔ dəwje gə tɔ̰y mba Mbayɓe, no mbay gə gə njeko̰ dɔ-si gə,

1 Piyɛr 5:5

Ɗəw kara baa, basa̰je, osoje kul no ngatɔgəje gə. Kula gə aw ɗaje horo naa gə le, ar-je kula dɔ ngulum ɓa o̰ dɔ-si, mba Luba ɔsə njekunda karje ngərəng, Ngaa n-ar mənuji lə-a nay gə nje gə d-ula dɔ-je ngulum.