1 Piyɛr 1:8 - Mbede Lə Luba Kone Gə Sigi

⁸ O-eje ang ja ꞌnjigi-eje. O-eje ang ja ꞌtaje kag-ɛ ngaɓa ꞌɗaje rɔləl gə asə pa ang ngaɓa to ne rɔnduba.

Testament ke Siki 1960 (Kabba Laka)

⁸ Nè ke sésè ndikèdjé ke naidjé woèdjé ang bai, a lé tokou naidjé woèdjé ang bai, sésè woidjé mèsè té sa, ke ekoukidjé ke rònèl wota nya ke ta ase ta pa ang.

1 Piyɛr 1:8 Iomraidhean Croise

Matiye 10:37

Dəw gə njigi bɔb-ɛje ose ko̰-ɛje ya̰ unda-m nama asə to nje kar ꞌma ang, ngaɓa dəw gə njigi ngon-e gə jingaw ose ye gə jene unda-m nama asə to nje kar ꞌma ang tɔ,

Jean 14:15

To gə ɓo ꞌnjigi-mje nama a ngomje ndu-mje.

Jean 14:21

Dəw gə njigi-m nama, nj-ɛ nee le uwa torondu-m kɛgə um m-e dɔ-ɛ gə jəb-jəb. Be ɓa dəw gə njigi-m nama Bɔy kara a njigi-e tɔ. Ɗaa ꞌma kara ꞌma njigi-e ngaɓa m-a tɔji rɔ-m kar-ɛ gərə-m tɔ.

Jean 14:24

Dəw gə njigi-m ang nama ngom tarje lə-m ang tɔ, be ɓa, tar gə sisəy oje nee le to gə tar lə-m ꞌma ang ngaa to gə tar lə Bɔy gə ula-m.

Jean 16:22

Sisəy kara, ɓisine ɗaa kəm-si ɗa ndoo; ngaa m-a təl ko-si to gə ɗangə ɓi ɗaa rɔləl a ɗusu mə-si njḭ-njḭ ngaɓa rɔləl lə-si le dəw kara gə a nar gə si ta godo.

Jean 20:29

Jeju pa ar-ɛ na: Mba ko gə o-m nee ɓa ꞌta kagə wa? Nje gə ꞌta kagə lal ko ne gə kəm-je le, ꞌto gə njenokarəje!

Jean 8:42

Jeju pa ar-je na: To gə ɓo Luba to bɔ-sijee nama a njigi-mje mba ꞌma m-ce mə Luba gə ɓa m-ɗe; m-ɗe gə dɔ-m baa ang, ngaa ꞌne ja ɓa n-ula-m.

Koula 16:34

N-təl n-aw gə je mə kəy gə lə-a, n-um-je ta ka nekusa gə ngaɓa n-ɗa ne rɔləl gə njeməkəyje lə-a tɔ̰y mba ta gə ꞌta kagə Luba.

Romaindjé 14:17

Mba ɓeko̰ lə Luba le to nekusa ose nekay ang, ngaa to neɗa gə gadə-gadə, gə ɗɛgɛgɛ ngaɓa rɔləl ɗəw gə lə Njil Njerɔsangə.

Romaindjé 15:13

May kar Luba gə to gəl məkunda, ar rɔləl gə ɔr njal ɗusu mə-si ngaɓa ar-si ɗɛgɛgɛ gə uy bɛm ɗəw takagə gə, mba kar məkunda lə-si ɓar ne mii, ɗəw singamongə gə lə Njil Njerɔsangə!

1 Corinthiendjé 16:22

Dəw gə ɓo njigi Mbayɓe ang nama may kar ndɔɔl uwa dɔ-ɛ! Maranata, m-e na Mbayɓe, ꞌɗe.

2 Corinthiendjé 1:22

N-ɔsə bəngə ji-a rɔ-si gə ngaɓa n-ar Njil ta mə-sijee to gə nemayje gə d-ɔsə kɔrə mba sijee.

2 Corinthiendjé 12:4

d-un-e d-aw sə-a gə dara ngaɓa n-o tarje gə dəw asə pa ang, gə d-ɔgə ɗəw kar dəw pa.

2 Corinthiendjé 4:18

Neje gə kəm dəwje o ɓa sijee ja tɔsə kəm-si kəne ang baa, ngaa neje gə kəm dəwje o ang; neje gə kəm dəwje o le a nday, ngaa neje gə kəm dəwje o ang le to gə ndɔ gə ndɔ.

2 Corinthiendjé 5:7

ja nja gə ɗəw gə lə takagə, ɓo j-a nja gə ɗəw ne gə kəm o ang.

2 Corinthiendjé 9:15

J-arə oyo Luba mba nekarə baa lə-a gə al dɔ lo.

Galatedjé 5:22

Ngaa kandə Njil le ɓa nee: Njigi, rɔləl, ɗɛgɛgɛ, kore ur, məmay, ɗa may, takagə,

Galatedjé 5:6

Mba dəw gə um naa gə Kirisi Jeju nam le, kunja bərə ose kunja bərə ang ɓa to gə ne ang, ngaa takagə gə tɔji rɔ-ɛ, gə njigi ɓa to gə ne.

Ephésiendjé 3:19

Ngaɓa gə mba kar ꞌgərəje ne njigi lə Kirisi gə tɔy negərə əw le, kar Luba ɗa ne ɓe mə-si gə dana badagə ta ne rɔ-si yal tɔ.

Ephésiendjé 6:24

May kar mənuji nay gə dəwje tɔ̰y gə ꞌnjigi Mbayɓe lə-sijee Jeju Kirisi gə pa njigi gə unda nangə ang.

Philippiendjé 1:25

Mə-m to kəne ja ngaɓa m-gərə to gə ga̰ gə m-a ga̰ gə si le, a kɔsə kudu-si kar takagə lə-si aw ne gə kede gə rɔləl.

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Philippiendjé 4:4

ꞌƊaje rɔləl jaga-jaga ja ɗəw gə lə Mbayɓe; m-təl m-pa ja cibi, ꞌɗaje rɔləl.

Ebərəje 11:1

Takagə to ne gə kəm dəw o ang ja ngaa unda m-e kəne to gə ne le ga̰ tɔgərɔ ja.

Ebərəje 11:27

Gə go takagə ɓa Moyiji ɓəəl ne wungu lə mbay ang, n-ɔdə ne Ejipətə; mba n-uwa ngəng, to to gə n-o ne gə kəm dəw o ang be.

1 Piyɛr 1:6

Gəl-e gə nee ɓa sisəy ꞌɗaje ne rɔləl ya̰, le ɓogəne nekəmandooje ɓədə-ɓədə ɗa si kara kur-e a kəw ɓəl baa,

1 Piyɛr 2:7

Ɗɔy to kar-sisəy gə ꞌtaje kagə. Ngaa kar nje gə ta kagə ang ɗaa, Kɔr ər gə njekunda kəyje d-un d-ila kɔrɔ le ja Ye ja təl to kɔr ər gə kil kəy gə Ngaɓa kɔr ər le təl to jigi tuga gɔl To kɔr ər gə təl to ɗəw koso.

1 Piyɛr 5:4

be ɓa logə njekuul badəmje gə to dəw dɔ rɔ-ɛ le, a ɗe nama a kingaje dɔ gugu rɔnduba gə a tuji ang.