1 Piyɛr 1:7 - Mbede Lə Luba Kone Gə Sigi

⁷ mba nenaje nee le ja ɓa a tɔji takagə lə-si gə tɔgərɔ, takagə lə-si may unda maa gə to ne gə a tuji ja ngaa d-aw ꞌna gə pər, be ɓa a kingaje ne pidi, gə riɓar ngaɓa d-a ɗɔy-si ne ndɔ gə Jeju Kirisi a kila ne rɔ-ɛ gə ɗaga.

Testament ke Siki 1960 (Kabba Laka)

⁷ Baa ta kare naa ko mè té losè ke to kouka nya wota narè lor ke toudjou lé ke nnèè ke pourou, ase téh to tar kare woio ke ndokoo ke piti ndò téh té lo Jésus Christ.

1 Piyɛr 1:7 Iomraidhean Croise

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Matiye 25:21

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne to ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Matiye 25:23

ꞌƁəə-eje pa ar-ɛ na: May ya̰, ꞌto ngon njekula gə to ngon kuji ja, m-ar-i ne njɛ̰ baa ja ne ꞌto ngon kuji kəne ɗaa m-a kum neje gə bo ya̰ ja ngaa mə ji-i gə, ꞌɗe ꞌɗa sə-m rɔləl.

Lugu 12:33

ꞌƊabəje nekingaje lə-si, ɔrəje ne kəne ꞌkayje njendooje. ꞌSangəje gɛmɛ̰ kum lar gə a tuji ang, iyaje nekingaje lə-si rɔ Luba gə dara, lo gə nje ɓogo a ce kəne ang nəm, ngaɓa sɔlɔlɔ kara unda ne kəne ang nəm tɔ.

Lugu 17:30

Ndɔ gə ꞌma gə Ngon lə dəw m-a kila rɔ-m gə ɗaga le, a to to gə be ja tɔ.

Jean 12:26

To gə ɓo dəw njigi mba to ngon njekula lə-m nama, may kar-ɛ ndole go-m; ngaɓa lo gə ꞌma, m-ga̰ kəne le, lo-e gə nee ja tɔ njekula lə-m a ga̰ kəne tɔ. To gə ɓo dəw njigi ɗa kula kar-m nama, Bɔ dəwje ɓa a ɗɔy-e.

Jean 5:44

Sisəy gə ilaje riɓar dɔ naa gə gə yo gə nee ngaɓa ꞌsangəje riɓar gə ḭ rɔ Luba gə ja gə kar-ɛ baa ang nee le, na ban ɓa a taje kagə-m wa?

Koula 8:20

Ngaa Piyɛr pa ar-ɛ na: May kar-i ꞌdugulu gə lar lə-i naa gə, mba əji mba ndogo nekarə baa lə Luba gə lar.

Romaindjé 2:10

Ngaa rɔɓila, ɗɔy gə ɗɛgɛgɛ a to mba dəw gə ɗa-ɗa gə ɗa ne gə may, mba Jiibi ja dɔngɔr ngaɓa mba Dəw gə to Jiibi ang ɓi!

Romaindjé 2:29

ngaa dəw gə to Jiibi le, to Jiibi m-e gə kəy, ngaɓa kunja bərə gə tɔgərɔ le to dɔ ɓəngərə gə, gə go njil ɓo mbede torondu ang baa. Dəw gə to gə be le Luba ja ɔsə gaji-ɛ ɓo dəwje baa ang.

Romaindjé 2:7

n-a kar təbə gə gə ndɔ gə ndɔ nje gə d-uwa gədərə ɗəw ɗa may gə, ꞌsangə ne rɔɓila, ɗɔy ngaɓa ne gə a ndum ang;

Romaindjé 8:19

Mba nekundaje ꞌngina kəgəgə kar Luba kila ngan-ɛ gə ɗaga.

1 Corinthiendjé 3:13

Mba dɔ ndɔ-ɛ nama kula nee le a to gada, mba d-a ce ne dan pər gə ngaɓa na-na kara d-a gərə ne singa kula lə-a gə d-a na dan pər gə.

1 Corinthiendjé 4:5

Gəl-e gə nee ɓa may kar ꞌgangəje tar ne kede ɓa dɔ kar asə ang, kede no ɗe gə lə Mbayɓe, gə a kila dɔ neje gə d-iya dan cil ciməri gə ngaɓa a kila kəjije gə mə dəwje gə. Be ɓa na-na kara Luba a pid-e.

Jacques 1:12

Nokarə to ɔji dɔ dəw gə uwa gədərə ta nena gə; mba go nena gə ce dɔ-ɛ gə le, n-a kinga jɔgə təbə gə Mbayɓe uwa dɔ gɔl-ɛ ngina ne dəwje gə ꞌnjigi-e.

1 Piyɛr 1:13

Gəl-e gə nee ɓa, ilaje ɓərə-si kagə, undaje kəm karə dɔ rɔ-si gə ngaɓa undaje mə-si dɔ mənuji gə d-a kar-si dɔ ndɔ gə Jeju Kirisi a kila rɔ-ɛ gə ɗaga.

1 Piyɛr 1:5

Sisəy gə ꞌtaje kagə Luba le, Luba ngom-si gəl singamongə gə, mba kaji gə a kila rɔ-ɛ gə ɗaga ɓisine baa dɔ ɗudu ndɔ gə.

1 Piyɛr 2:4

ꞌƊəmje gə rɔ-ɛ gə, ꞌne gə n-to kɔr ər gə to kəm baa gə dəwje ꞌmbadə, ngaa n-may ta kəm Luba gə ɓa mbər-e.

1 Piyɛr 2:7

Ɗɔy to kar-sisəy gə ꞌtaje kagə. Ngaa kar nje gə ta kagə ang ɗaa, Kɔr ər gə njekunda kəyje d-un d-ila kɔrɔ le ja Ye ja təl to kɔr ər gə kil kəy gə Ngaɓa kɔr ər le təl to jigi tuga gɔl To kɔr ər gə təl to ɗəw koso.

1 Piyɛr 4:12

Ngan ko̰-m gə m-njigi-si ya̰, nena gə inga si to gə yɛl pər gə ubaje nangə be le, oje gə ne sigi ang.

1 Piyɛr 4:13

Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.

1 Piyɛr 5:1

M-ndəji ngatɔgəje gə horo-sisəy gə, ꞌma gə m-to ngatɔgə to to gə ꞌjejee be tɔ, m-to njetar naji ꞌməsərəje lə Kirisi ngaɓa rɔnduba gə a kila rɔ-ɛ gə ɗaga le kara m-a kar dan-ɛ gə tɔ.

2 Piyɛr 1:1

ꞌMa Simo Piyɛr, njeka̰ykula lə Jeju Kirisi ngaɓa m-to ngon njekula lə-a, m-ɗa mbede nee m-ar nje gə ꞌta kagə gə maj-ɛ to to gə sijee be, ɗəw ne ɗa gə dana gadə-gadə lə Luba lə-si je gə njekaji-si Jeju Kirisi.

2 Piyɛr 1:4

Ɗəw gə lə neje gə nee le ɓa, d-uwa ne dɔ gɔl neje gə boy-boy gə may to ɓəəl, mba kar ꞌce ne ta tujije gə, ɗe ɗəw gə lə ɓo neje gə o̰ ɓe dɔ nangə nee, mba kum ne naa gə Luba

2 Piyɛr 3:14

Gəl-e gə nee ɓa, sisəy gə m-njigi-si ya̰, uwaje rɔ-si ngang ar-ɛje n-ɗe n-inga-si gə rɔ gə arə ngadə ngaɓa kar tar uwa dɔ-si ang mba kar ɗɛgɛgɛ to ne horo-si gə gə Luba.

Jude 1:24

ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,

Apocalypse 1:7

Oje Jeju ar dɔ kil gə lə nji gə tar aw ɗe. Dəwje tɔ̰y d-a ko-e, nje gə d-ɔsə mbo kar-ɛ gə ninga ꞌmbudu ja kara d-a ko-e gə kəm-je, ngaɓa gəl kuji dəwje tɔ̰y gə dɔ nangə nee d-a no rɔ-je mba tar lə-a. Oyo!

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 3:10

Mba ꞌngom tar lə-m uwa gədərə ɗaa, ꞌma kara m-a ngom-i dɔ kar nena gə a ɗe dɔ dəwje gə tɔ̰y, gə a kum dəwje gə dɔ nangə gə nee dan nena gə.

Apocalypse 3:18

M-ndəj-i mba kar-i ꞌndogo sə-m maa gə d-ula-a ndubu pədə d-ar ar yororo mba kar-i ꞌtəl ꞌto ne njenekinga, gə kubuje gə nda mba kar-i ula rɔ-i gə on ne lo rɔ kul lə-i, gə kam ngogula ila kəm-i gə mba kar-i o ne lo.