1 Piyɛr 1:4 - Mbede Lə Luba Kone Gə Sigi

⁴ gə dɔ nenduba gə a ndusu ang nəm, a mina ang nəm, gə a to kəm-kəm, ne gə d-uwa dɔ gɔl-ɛ ꞌngina-si mə dara gə,

Testament ke Siki 1960 (Kabba Laka)

⁴ Mbata kwaa né ndouba ke ase toudjou ang, ke éh ke madjang kada ang, ke en ang, ke ngem dara mbata losè.

1 Piyɛr 1:4 Iomraidhean Croise

Matiye 25:34

Be ɓa ꞌma gə mbay le m-a pa kar nje gə dɔ ji kɔl-m gə na: ꞌƊeje, sisəy gə Bɔy tɔr ndu-e dɔ si gə; ingaje ɓeko̰ gə to nenduba gə Luba gɔl ləw baa, un kud-e lo kunda dɔ nangə gə.

Marəke 10:17

Logə Jeju oso ɗəw boo mba kaw ɗaa, jingaw kara a̰y ngɔdə ɗe um məkəji-e nangə no-ɛ gə, ngaɓa təl dəji-e na: Njenetɔji, ꞌi gə to dəw gə may, ɗi ɓa m-a ɗa mba kinga ne təbə gə gə ndɔ gə ndɔ wa?

Koula 20:32

Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Romaindjé 8:17

Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

1 Corinthiendjé 9:25

Dəw gə njeka̰y ngɔdə gə ɗa-ɗa kara sangə rɔ-ɛ dɔ neje gə tɔ̰y, ngaa ꞌjejee nee le ꞌɗa be mba kinga ne dɔ gugu gə a tuji pugudu baa, ngaa kar-sijee le ɗaa to dɔ gugu gə a tuji ang.

Galatedjé 3:18

To gə ɓo, gə go torondu ɓa dəw inga ne nenduba nama, ne nee le a ɗe ɗəw ndu kun gə d-uwa dɔ gɔl-ɛ ang baa, ngaa mba ndu kun gə d-uwa dɔ gɔl-ɛ ɓa, Luba uwa ne nuji gə Abəraham.

Ephésiendjé 1:11

Ɗəw gə lə Kirisi le ja tɔ ɓa, sijee gə Luba ɔr-si unda-si gə kəm-e kede ləw baa le, j-inga ne nenduba gə ɔji dɔ-si, ɗəw neje gə ꞌne gə Luba ja n-uwa dɔ gɔl-ɛ nəm, gə neje tɔ̰y gə n-ɗa n-ɔji ne go mə njigi lə-a ꞌne ja,

Ephésiendjé 1:14

gə to gə nenduba lə-sijee gə Luba ɔsə gə kɔrə, ngəbə ne ndɔ gə n-a kar-si j-inga kɛs-e gə nay tɔ̰y, lo gə j-a kinga ne kaji gə dɔbo̰ kar j-ɔsə ne pa j-ila ne riɓar dɔ-ɛ gə.

Ephésiendjé 1:18

May kar n-cɛ̰ kəji negərə lə-si n-ila tagə n-ar-si ꞌgərəje ɗi ɓa to gə ne kunda mə gə to ɔji dɔ nje gə n-ɓar-je, ɗi ɓa to gə nenduba lə-a gə gar-ɛ godo, gə to gə nebaw gə ri-a ɓar gə n-uwa dɔ gɔl-ɛ n-ɔji dɔ njerɔsangəje,

Colossiendjé 1:12

Cibi ꞌɗaje oyo Bɔ dəwje gə rɔləl, gə ɗa ar asə kingaje ne neduba gə njerɔsangəje dan lokarə gə.

Colossiendjé 1:5

mba ne kunda mə gə d-ar aw ngina si mə dara gə, gə go Tar gə May gə to tar gə tɔgərɔ gə ꞌpa d-ar-si ꞌgərəje kede le.

Colossiendjé 3:24

mba Mbayɓe ja a kar-si nekuga dɔ ji gə nenduba. Ɗaa ꞌɗaje kula lə Kirisi Mbayɓe.

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Ebərəje 10:34

Mba oje kəmtondoo lə nje gə to kəy kula gə, ngaɓa d-uwa si nemayje lə-si ꞌta kara to si ang nəm, mba ꞌgərəje to gə ingaje nemayje gə to ɓəəl gə a to gə ɓal-ɓal nam.

Ebərəje 9:15

Gəl-e gə nee ɓa n-to ne nje gɔl tar lə kone gə sigi, ɓa gə mba kar kuy lə-a ja tar neɗaje gə kṵra̰y gə gəl kone gə dɔngɔr gə ɔr ne dɔ nje gə ꞌɓar-je gə, d-inga ne nenduba gə d-uwa dɔ gɔl-ɛ gə a to saar gə no.

Jacques 1:11

Be ɓa, kar ce ɗaa, kud-e gə nunga kadə-kadə tɔl mu wɔ arə pudu-e ce ɗɔgəlɔ oso nangə ngaɓa ndole lə-a kara sɛ̰rɛ̰ paa tɔ. Ɗəw kara baa to gə be, baw kara nebaw lə-a a kunda nangə ndasag.

1 Piyɛr 3:9

Dəw ɗa si kṵra̰y nama ꞌɗ-ɛje kṵra̰y ba̰a̰ mar-ɛ gə ang nəm, ngaɓa ꞌtaji-si kara ꞌtəl ꞌtajije dəw toro mar-ɛ gə ang, sisəy ɗaa ndu ɓa ꞌtɔrje dɔ dəw gə, mba ye ɓa ꞌɓar-si mb-ɛ, mba kar ingaje ndu tɔr gə neduba.

1 Piyɛr 5:4

be ɓa logə njekuul badəmje gə to dəw dɔ rɔ-ɛ le, a ɗe nama a kingaje dɔ gugu rɔnduba gə a tuji ang.

Apocalypse 21:27

Ne gə mina kara be kara a kandə mə ɓe gə ne wɔr ang nəm, dəw gə nje ɗa nekɔbə gə njepatar gə ɗəgərə kara be kara a kandə kəne ang nəm tɔ, ngaa nje gə ꞌɗa ri-je mə mbede təbə gə lə Ngon badəm ja kara baa.