1 Piyɛr 1:22 - Mbede Lə Luba Kone Gə Sigi

²² Mba ꞌtogoje mə-si ɗəw kila kuji dɔ tar gə tɔgərɔ gə, ɓa mba kar ꞌnjigije naa gə maj-ɛ gə ngan ko̰ naaje le ɗaa, may kar uwaje ji njigi naa lə-si nee le kɛgə, gə mə gə arə ngadə,

Testament ke Siki 1960 (Kabba Laka)

²² Mbata sésè etokoidjé oumasè deo ko mè té ke tar ke tokoro, baa ta ndiki ngakösè ke ndiki ke madji, ndikidjéna horosè té nya ke mèsè té ndja.

1 Piyɛr 1:22 Iomraidhean Croise

Jean 15:17

Ne gə m-un ndu-m kəne m-ar-si le, mba kar-si ꞌnjigije naa gə yo gə nee.

Jean 15:3

Sisəy le, ar-je ngadə nam, mba tar gə m-pa m-ar-si.

Jean 17:17

Unda-je gə losang-ɛ gə ɗəw tar gə tɔgərɔ gə lə-i: Tar lə-i le to tar gə tɔgərɔ.

Jean 17:19

ꞌMa ja gə dɔ-m kara, m-sangə rɔ-m mba tar lə-je, mba kar ꞌjejee ja kara, d-unda-je gə losang-ɛ ɗəw tar gə tɔgərɔ gə.

Koula 15:9

ꞌNe n-ɔr kəm-je dang gə sijee ang mba n-togo mə-je n-ar arə ngadə ɗəw takagə gə.

Koula 6:7

Tar lə Luba ɓar mii gə kede-kede ngaɓa kɔr ngan njenendoje ɔsə dɔ mar-ɛ to gə boy ja mə ɓe gə Jerujalɛm, cibi ɓa bula bo njekapoloje d-ila kuji dɔ takagə gə.

Romaindjé 1:5

ɗəw gə lə-a ɓa j-inga ne mənuji ja to ne njeka̰ykulaje mba kar mbɔr dɔ ri-a ɗaa, j-a təl ne gəl dəwje tɔ̰y kar d-ila ne kɔji gə go takagə,

Romaindjé 2:8

ngaa wungu gə məko̰ lə-a a ɓugu dɔ nje gə ꞌmbadə kila kuji dɔ tar gə tɔgərɔ gə go kəji mə bo ɗaa neɗa gə dɔ buguru ɓa d-ila kuji kəne.

Romaindjé 8:13

To gə ɓo awje kəm baa ɗəw darɔ gə nama a kuyje, ngaa to gə ɓo ꞌtujije kula ɗaje lə darɔ pugudu ɗəw Njil gə nama, a kawje kəm baa,

2 Corinthiendjé 6:6

ɗəw karə ngadə gə, ɗəw negərə gə, ɗəw kila mə dɔ mar-ɛ gə, ɗəw məmay, ɗəw gə lə Njil Njerɔsangə, ɗəw njigi gə lal tar mula,

Galatedjé 3:1

Əy! Sisəy dəwje gə dɔ nangə gə Galasi, ꞌtoje ɛbɛje! Ambala ɓa uwa-si wa? Sisəy gə d-ɔr gəl tar kuy lə Jeju Kirisi kagə dəsə arə ngadə d-ar-si.

Galatedjé 5:5

Kar-sijee le, j-a ngina gə takagə ɗəw Njil gə mba kar d-o si gə dəwje gə gadə-gadə, ye ɓa gə ne gə m-ngəɓə.

Galatedjé 5:7

Sisəy unje ɗəw gə maj-ɛ nam: Na ɓa ɔgə-si lo kila kuji dɔ tar gə tɔgərɔ gə wa?

Ephésiendjé 4:3

undaje ne singa-si dɔ mar-ɛ gə ar-je ne dɔ mə kara gə lə Njil gə go ɗɛgɛgɛ gə tɔ-si naa gə.

Philippiendjé 1:9

Ngaɓa m-dəji Luba mba kar njigi lə-si ɔsə dɔ mar-ɛ gə kede-kede, kar kəm-si unja ar ꞌgərəje ne ne gə may ngaɓa kar ɔrəje ne kəm ne gə may gə ne gə kṵra̰y.

1 Thessaloniciendjé 3:12

May kar Mbayɓe ar njigi naa lə-sisəy gə yo gə nee ɔsə dɔ mar-ɛ gə kede-kede ngaɓa ɓar mii nəm, cibi ɓa ɔji dɔ dəwje tɔ̰y, to to gə sijee j-a njigi sisəy be tɔ;

2 Thessaloniciendjé 1:3

Ngan ko̰-mje, j-ar oyo Luba jaga-jaga ɔji dɔ-si. To lo-e ja kar j-a ɗa be, mba takagə le sisəy ɔsə dɔ mar-ɛ gə kede-kede, njigi naa gə horo-si gə yo gə ne kara uru dɔ mar-ɛ gə ya̰ tɔ.

2 Thessaloniciendjé 2:13

Sijee le ɗaa, may kar j-ar oyo Luba gə dɔ karje tɔ̰y ɔji dɔ sisəy, ngan ko̰-sijee gə Mbayɓe njigi-si. Mba Luba mbərə-si lo kun kudu neje gə ləw baa mba kar-si ingaje kaji gə go ɗəw Njil unda-si gə losang-ɛ nəm gə go takagə tar gə tɔgərɔ.

1 Timoce 1:3

To gə m-pa nee m-ar-i, isi mə ɓe gə Epɛs mba kɔgə dəwje gə kɛm ɗəw tɔji nendo gə ɗangə ang, to gə m-pa nee m-ar-i kede nam ɓa kar m-ɔdə m-aw ne dɔ nangə gə Masedowan le.

1 Timoce 1:5

ꞌI a kun ndu nee le mba kar dəwje njigi naa gə yoo gə nee, njigi gə ḭ mə gə arə ngadə, kəji gə to gə maj-ɛ ngaɓa gə takagə gə tɔgərɔ.

1 Timoce 4:12

May kar dəw dab-i dasəra dɔ basa̰ gə lə-i ang; ngaa may kar-i ꞌto ne kɔji mar-ɛ mba tar lə njetakagəje, ɗəw tar pa gə, ɗəw pa nja gə, ɗəw njigi gə, ɗəw takagə gə, gə ɗəw ngom rɔ gə.

1 Timoce 5:2

O jeneje gə tɔgə to gə ko̰-ijeje ngaɓa ngan mandəje ꞌnay to gə ko̰ nan-ije be to. Ar kəji lə-i arə ngadə dɔ-je gə.

2 Timoce 1:14

Ne gə may le ngom gə go singa Njil Njerɔsangə gə to mə-si gə.

Ebərəje 11:8

Gə go takagə ɓa Abəraham njigi ne ɓar lə Luba ɔdə aw ne gə ɓe gə a kuwa gə nenduba ɗaa n-aw lal gərə lo gə n-aw dɔ-ɛ gə kəne.

Ebərəje 13:1

May kar uwaje gə naa nuji kəm-si gə kede.

Ebərəje 5:9

Logə n-tɔl ta kula lə-a bɛm ɗaa, n-təl n-to ɗəw kaji gə gə ndɔ gə ndɔ lə dəwje tɔ̰y gə d-a kila kuji dɔ-ɛ gə.

Ebərəje 6:10

Mba Luba to njebuguru ɓa m-e a kuy dɔ kula ɗa si ang nəm, gə nuji gə uwaje gə ri-a ɗəw məmay gə ꞌɗaje gə njerɔsangəje ngaɓa aw ꞌɗaje saar ɓisine.

Ebərəje 9:14

ɓədə ɓa məsə Kirisi gə to ɓəəl ya̰, ngaɓa un rɔ-ɛ gə arə ngadə ar Luba ɗəw gə lə Njil gə a to gə no le, a togo kəji lə si kɔr-si ta yo gə mba kar ja ɗa kula lə Luba gə nje kisi kəm baa!

Jacques 1:21

Gəl-e gə nee ɓa, to gə ɓo ɔsəje ne gə mina, gə neməyɛr gə al dɔ mar-ɛ ngərəng nam ɗaa, ꞌtaje tar gə a kasə kaji təbə lə-si, gə ꞌmaa dɔ ɓəngərə-si gə le gə mə kul yururu.

Jacques 4:8

ꞌƊəmje gə rɔ Luba gə nama Luba kara a ɗəm gə rɔ-si gə tɔ. Njeneɗaje gə kṵra̰y, ꞌtogoje ji-si ngaɓa ar-je dɔ ɓəngərə-si arə ngadə tɔ, sisəy gə ꞌtoje gə ꞌpandəmje.

1 Piyɛr 1:2

Luba mbərə-si kede nam, ɗəw gə Njil unda-si ne gə losang-ɛ mba kar ila-je ne kuji dɔ Jeju Kirisi gə ɓo kar ꞌtusu ne məs-e dɔ-si gə, ɗaa may kar mənuji gə ɗɛgɛgɛ ɔsə kudu naa ngug-ngug dɔ-si gə.

1 Piyɛr 2:17

ꞌƊɔyje dəwje tɔ̰y, ꞌnjigije ngan ko̰-si gə mə Kirisi gə, ꞌɓəəlje Luba, ilaje kuji dɔ mbay gə tɔ.

1 Piyɛr 3:1

Sisəy jeneje kara, may kar ulaje dɔ-si no ngaw-sijee gə, mba kar nje gə ꞌmbadə ta kagə tar le, pa nja lə jeneje turuje ar ꞌtəl ꞌta ne kagə,

1 Piyɛr 3:20

nje gə ꞌɗa dɔ ngang gə Luba kede ləw, ngaa Luba ila m-e dɔ mar-ɛ gə, dɔ ndɔ gə Nowe ɗa ne to gə boy, ar dəwje njɛɓərɛ baa ja d-al, dəwje ji nay joo gə man uwa-je ang.

1 Piyɛr 3:8

Ɗudu tar gə m-a pa ɓa nee: Ar-je kəji lə-si um go naa gə, umje mə-si naa gə, ꞌnjigije naa gə ngan ko̰ naaje ja, ꞌɗaje məmay gə naa, ulaje dɔ-si ngulum.

1 Piyɛr 4:17

Mba dɔ kar-ɛ asə nama gangə tar a kun kud-e mə kəy gə lə Luba ja. Be ɓa, to gə ɓo d-un kud-e dɔ sijee gə ja nama, nje gə ꞌmbadə ta kagə Tar gə May lə Luba nee le d-a tɔl t-ɛ to gə ban wa?

1 Piyɛr 4:8

Ne gə may ya̰ ja, njigije naa gə yo gə nee jaga-jaga, mba njigi on dɔ neɗaje gə kṵra̰y bula.

2 Piyɛr 1:7

nuji gə kuwa gə horo ngan ko̰ naaje gə ɔsə kudu kila kuji dɔ ne gə lə Luba, njigi naa ɔsə kudu nuji gə kuwa horo ngan ko̰ naaje gə.

1 Jean 3:11

Be ɓa, tar gə oje kede ləw baa lo kuma kudu neje gə le ɓa nee: J-a njigije naa gə yo gə nee;

1 Jean 3:23

Oje ndu-e le ɓa nee: May kar j-a ta kagə gə ri ngon-e Jeju Kirisi, cibi j-a njigije naa gə yo gə nee gə go ndu gə n-un n-ar-si.

1 Jean 4:12

Dəw gə o Luba ja kara kara godo. To gə ɓo j-a njigi naa gə yo gə nee nama, Luba isi mə-si gə, ngaɓa njigi lə-a kara may ɔr njal mə-si gə tɔ.

1 Jean 4:20

To gə dəw pa na: M-njigi Luba, ɓa n-njigi ngon ko̰-ɛ ang gə kɔrɔ nama, n-to nje ɗəgərə, mba dəw gə o ngon ko̰-ɛ nda̰ ɓa njigi-e ang, ngaa a njigi Luba gə o-e ang na ban wa?

1 Jean 4:7

Ngan ko̰-mje gə m-njigi-si ya̰, j-a njigi naa gə yo gə nee; mba njigi to Luba. Dəw ɗa-ɗa gə njigi to m-e gə nama, Luba uji-e ngaɓa gərə Luba tɔ.

Apocalypse 2:4

Ngaa, m-ila tar dɔ-i gə, mba njigi lə-i gə dɔngɔr gə uba ḭya̰.