1 Piyɛr 1:21 - Mbede Lə Luba Kone Gə Sigi

²¹ ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

Testament ke Siki 1960 (Kabba Laka)

²¹ Sésè ke woidjé mèsè té ke Allah deo té la, nè ke nwèè ke tarr mè bwa yo té, ke narè ndokoo, tokou ban ta kare ko mè té ke mè ngebe losè to dò Allah té.

1 Piyɛr 1:21 Iomraidhean Croise

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Jean 12:44

Jeju pa tar gə ndu-e gə boy na: Dəw gə ta kagə-m nama, to gə ꞌma ɓa ta kagə-m ang, ngaa dəw gə njekula-m le ɓa ta kag-ɛ kən;

Jean 14:1

Ar-je mə-si ila kasə dɛləm ang. ꞌTaje kagə Luba ngaɓa ꞌtaje kagə-m ꞌma nəm tɔ.

Jean 14:6

Jeju pa ar-ɛ na: ꞌMa ja m-to gə ɗəw, gə Tar gə tɔgərɔ gə təbə. Dəw kara kara a kasə kaw rɔ Bɔy gə lal ce gə ɗəw gə ɓe lə-m ꞌma ang.

Jean 17:1

Go tar gə n-pa to gə be ɗaa, Jeju un kəm-e gə dara ɗaa pa na: Bɔ dəwje, kar asə ngaa, ila riɓar dɔ Ngon-i gə mba kar Ngon-i ila riɓar dɔ-i gə tɔ.

Jean 17:24

Bɔ dəwje, m-njigi mba kar lo gə m-ga̰ kəne nama nje gə um-je mə ji-m gə le, ꞌjejee kara ga̰ sə-m kəne ngaɓa d-o rɔnduba gə ula dɔ-m gə tɔ, mba ꞌnjigi-m kede ləw baa nam ɓa unda neje.

Jean 17:5

Ɓisine ɗaa, Bɔ dəwje, ꞌɗɔy-m gə rɔnduba gə m-inga rɔ-i kede nam ɓa dɔ nangə to le.

Jean 3:34

mba dəw gə Luba ula-a le, tar gə ta Luba gə ja ɓa ye pa, mba Luba ar Njil lal tura go-e.

Koula 2:24

N-uy ɓa Luba ndol-e ɔr-ɛ ne ji yo gə mba ɗəw gə yo a ko̰ ne ɓe dɔ-ɛ gə godo.

Koula 3:13

Luba lə ka-sijee, Luba lə Abəraham, Luba lə Ijagə gə Luba lə Jakobo le ɓa ula rɔnduba dɔ ngon njekula gə lə-a Jeju. ꞌNe gə ila-je mə ji dəwje gə ngaɓa ꞌmbad-ɛje no mbay Pilad gə njigi mba kɔr-ɛ kila-a taar.

Koula 3:15

Ar-je ꞌtɔl nje gəl kisi kəm baa ngaɓa Luba təl ndol-e horo nje gə d-uy gə ɗaa sijee j-a to njetar naj-ɛje.

Koula 4:10

Sisəy tɔ̰y gə dəw mə ɓeje gə Ijirayɛl, ne kara gə kar-si ꞌgərəje ɓa nee: Gə ri Jeju Kirisi gə Najarɛd ja dəw gə ar no-si gə nee le aji ne. Jeju Kirisi gə ꞌɓərə-eje kagə dəsə gə ngaɓa Luba ndol-e ar-ɛ n-ce horo nje gə d-uy gə le.

Romaindjé 10:9

To gə ɓo ꞌpa gə ta-i ja to gə Jeju to Mbayɓe, ngaɓa ꞌta kagə mə-i gə to gə Luba ndol-e horo nje gə d-uy nama, a kinga kaji.

Romaindjé 4:24

ɔji dɔ sijee tɔ, gə d-a tura si, sijee gə j-a takagə nje ndol Mbayɓe lə-si Jeju horo nje gə d-uy gə,

2 Corinthiendjé 6:15

Ta Kirisi je gə Belial asə naa to gə ban wa? Ne lə dəw gə dana gadə je gə dəw gə nje məkədərə a to naa gə to gə ban wa?

Ephésiendjé 1:15

Gəl-e gə nee ɓa, ꞌma kara, logə tar ta gə ꞌtaje kagə Mbayɓe Jeju, ngaɓa njigi gə ꞌnjigije njerɔsangəje tɔ̰y oso mbi-m gə ɗaa,

Colossiendjé 1:27

Sijee gə Luba njigi kila kar-si ja gərə ne riɓar gə nebaw gə nee, gə iya rɔ-ɛ horo dəwje gə ꞌgərə Luba ang gə, Kirisi ga̰ horo-si gə, to nekunda mə kar riɓar!

1 Timoce 1:1

ꞌMa, Pɔl gə Kirisi Jeju ɗa-m gə njeka̰ykula lə-a, gə go ndu lə Luba Njekaji-si je gə Kirisi Jeju gə to ne kunda mə dɔ gə lə-si,

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Ebərəje 2:9

Ngaa nje koso kul no anjije gə kur-e əw ɓəəl baa le, Jeju gə j-o rɔnduba gə d-ula dɔ gə, gə ɗɔy gə ꞌɗɔy-ɛ, mba ꞌməsərə yo gə n-o, be ɓa gə go mənuji lə Luba ɓa n-o ne yo gə rɔ-ɛ mba-si tɔ̰y.

Ebərəje 6:1

Gəl-e gə nee ɓa, ar-si j-ḭya̰je dɔngɔr nendo gə ɔji dɔ Kirisi le, ɗaa j-ore kəm-si ndəng dɔ ye gə kar tɔgə ne gə, to gə kunda gəl nendoje gə nee to gə sigi ang: ꞌturuje kəji dɔ neje gə a kuji yo gə ta kagə Luba,

Ebərəje 7:25

Be ɓa dəwje gə ꞌce gə ɗəw gə rɔ-ɛ gə mba kaw ɓe lə Luba nama n-asə kar d-inga kaji gə gə ndɔ gə ndɔ, mba n-aw kəm baa gə ɓal-ɓal ɗaa n-aw n-dəji Luba taar-taar mba je.

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

1 Piyɛr 1:3

Ndu tɔr to dɔ Luba gə Bɔ Mbayɓe lə-si Jeju Kirisije gə, gə go məmay lə-a gə boy ɓa uji si ne to gə sigi, ɗəw ce buwa yo gə lə Jeju Kirisi horo nje gə d-uy gə, mba kar j-unda ne mə-si dɔ kisi kəm baa gə,

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.