1 Piyɛr 1:13 - Mbede Lə Luba Kone Gə Sigi

¹³ Gəl-e gə nee ɓa, ilaje ɓərə-si kagə, undaje kəm karə dɔ rɔ-si gə ngaɓa undaje mə-si dɔ mənuji gə d-a kar-si dɔ ndɔ gə Jeju Kirisi a kila rɔ-ɛ gə ɗaga.

Testament ke Siki 1960 (Kabba Laka)

¹³ Mbata tar nèn sésè etoidjé kedji gousou losè, ke isidjé do gòlsè té, oundaidjé mè ngebe losè toï tòkou mè madji té ke ao dé ròsè té, ndò téh té lo Jésus Christ.

1 Piyɛr 1:13 Iomraidhean Croise

Matiye 20:4

be ɓa n-təl pa n-ar-je na: Sisəy kara awje ndɔ bḭyə̰ gə lə-m aw ɗaje kula nama, m-a kuga dɔ ji-si gə dɔ gɔl-ɛ ja.

Lugu 12:35

Jeju pa ar ngan njenendoje lə-a na: Uwaje ur-si gə gagəra, ngaɓa undaje pər lambe gə lə-si ar-je ndogo gə maj-ɛ.

Lugu 17:30

Ndɔ gə ꞌma gə Ngon lə dəw m-a kila rɔ-m gə ɗaga le, a to to gə be ja tɔ.

Lugu 17:8

A paje kar-ɛje to gə be na: Uwa dɔ gɔl nekusa lə-m, ɓo odo kubu kula ꞌtula rɔ-i gə ɗaa, ar-m nekusa m-usa, gə ar-m nekay m-ay ngaɓa, go-e gugu ɗaa, a kusa gə a kay kar-i ɓi ang wa?

Romaindjé 13:13

Ar-je si j-a njaje gə njekəm karəje, to to gə dəw gə nja dan kara be, j-ɔsəje ne neje gə to nee rəw: Mbula nekusa, mbə kodo, ɓogo lo to gə bula njagəda, ma̰y tar gə nər mə.

Romaindjé 8:19

Mba nekundaje ꞌngina kəgəgə kar Luba kila ngan-ɛ gə ɗaga.

1 Corinthiendjé 1:7

Be ɓa ne kara gə ɔji dɔ mənuji lal-si ang, aw nginaje ne ndɔ gə Mbayɓe lə-si Jeju Kirisi a kila ne rɔ-ɛ gə ɗaga.

1 Corinthiendjé 13:13

Be ɓa ɓisine neje gə munda nee le ga̰: Takagə, kunda mə, njigi, ngaa ne gə to ɓəəl ya̰ ja to njigi.

Ephésiendjé 6:14

Uwaje gədərə ja: tar gə tɔgərɔ ɓa uwaje ne mə-si gə gagəra ngaɓa ulaje neɗa gə gadə-gadə gə kubu ɗɔ gə ngira king-king;

Colossiendjé 3:4

Logə Kirisi gə to təbə lə-si a kila rɔ-ɛ gə ɗaga ɗaa, təbə lə-sisəy kara a kila sə-a rɔ-ɛ naa gə dan rɔnduba gə.

2 Thessaloniciendjé 1:7

Ngaɓa sisəy nje ko ꞌməsərəje, n-a kar-si lo kuwa kɔr naa gə kara baa gə sijee, logə Mbayɓe Jeju a kḭ dara gə anjije lə-a gə to njesingaje,

2 Timoce 4:5

Ngaa ꞌi le, unda kəm karə dɔ rɔ-i gə, uwa gədərə dan ꞌməsərə gə, ɓo ɗa kula lə njekila mbərə Tar gə May gə Luba um ji-i gə le gə maj-ɛ.

2 Timoce 4:8

Un kud-e ɓisine ja Luba uwa dɔ gɔl jɔgə neɗa gə gadə-gadə, Mbayɓe, nje gangə tar gə gadə-gadə a kar-m dɔ ndɔ təl gə lə-a. ꞌMa gə kar-m baa n-a kar-m ang ngaa dəwje tɔ̰y gə d-aw ngina ndɔ ɗe lə-a kara n-a kar-je tɔ.

Ebərəje 10:35

Undaje mə-si gə maj-ɛ dɔ kuga gə lə-si, ɓo ḭya̰je go-e ang!

Ebərəje 3:6

Ngaa Kirisi turu rɔ-ɛ gə Ngon mə kəy lə-a ye ja. Sijee j-a to kəy lə-a, to gə ɓo j-uwa gədərə ngaɓa j-a ɗa ne kunda mə lə-si gə ne gədə rɔ nama a to ne kunda kar lə-si.

Ebərəje 6:19

Nekunda mə nee le uwa nangə baa-baa to gə ngaw lar gə ɔy gə ꞌtɔ man gə be, mba təbə lə-si. N-riba bal dɔ gə mə kəy gə lə Luba gə to dara, n-andə no kɔgə gə,

Ebərəje 9:28

Kirisi kara ɗəw kara baa ja tɔ, un rɔ-ɛ gɔl kara baa ja ta ne neɗa gə kṵra̰y dɔ dəwje gə bula, a ɓo ɗe lə-a gə gɔl joo nama n-a ɗe mba neɗa gə kṵra̰y ang, ngaa mba nje gə d-aw ngina-a mba kaji.

1 Piyɛr 1:10

Pajambərəje gə d-ila mbərə tar mənuji gə d-uwa dɔ gɔl-ɛ mba-si le, d-un rɔ-je ꞌsangə gəl-e ngaɓa d-uru ngira nəm tɔ.

1 Piyɛr 3:15

Ngaa ꞌsangəje dɔ ɓəngərə-si mba Kirisi, may kar isije kəgəgə mba pa tar dɔ rɔ-si kar dəw gə ɗa-ɗa gə dəji tar ne kunda mə gə lə-si,

1 Piyɛr 4:7

Ɗudu neje nay njɛ̰ baa, ɗaa ꞌcibije dɔ rɔ-si gə ang ngaɓa undaje kəm karə dɔ rɔ-si gə ɗəw dəji Luba gə.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.

1 Piyɛr 5:8

Undaje kəm karə dɔ rɔ-si gə, ꞌcibije dɔ rɔ-si gə ang, njeba̰a̰ lə-si, ꞌSɛ̰ngərɛ̰ uwa mii hər-hər gugu ne si kɔrɔrɔ-kɔrɔrɔ to to gə ꞌnam be, sangə ne dəw gə a kore kuwa-a;

1 Jean 3:3

Dəw gə ɗa-ɗa ɓa unda m-e dɔ-ɛ gə nama a karə ngadə to gə ꞌne n-arə ngadə bənəng tɔ.