1 Piyɛr 1:11 - Mbede Lə Luba Kone Gə Sigi

¹¹ Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

Testament ke Siki 1960 (Kabba Laka)

¹¹ Dèdè nsange ndò di wa aséh nai tokou ban wa ke Ndil lo Christ ke éh mèdè té tòdjou tarè, tokou nè mpa ke dongor tar nadji né ongou lo Christ ke ndokoo ke ase dé gè té.

1 Piyɛr 1:11 Iomraidhean Croise

Matiye 26:24

ꞌMa gə Ngon lə dəw m-a kuy to to gə Mbede lə Luba pa. Ngaa tuji a kuba dəw gə a kun dɔ-m! May kar kuji ja kara d-uji-e ang.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Jean 12:41

Tar gə nee le Ejay pa to gə be mba ꞌne n-o rɔnduba lə-a ngaɓa n-pa tar gə ɔji dɔ-ɛ tɔ.

Koula 16:7

Logə d-aw ꞌce əw ang gə Miji ɗaa ꞌna ɗəw mba kaw Bitini ngaa Njil Jeju ɔgə-je ɗəw.

Romaindjé 8:9

Sisəy le ɗaa, darɔ o̰ dɔ-si ang, nga Njil ngaɓa o̰ dɔ-si, to gə ɓo tɔgərɔ ja Njil Luba isi mə-si gə. To gə ɓo dəw gə Njil Kirisi godo m-e gə nama to nje kar Kirisi ang baa.

Galatedjé 4:6

Ne gə tɔji to gə ꞌtoje nganje lə Luba le ɓa nee, Luba ula Njil Ngon-e mə-si gə. Njil ɓar ne wəəl na: Aba! Bɔy!

2 Piyɛr 1:21

mba tar gə pajambərəje ꞌpa le, ɗe gə go kəm karə lə dəw kara ang, ngaa Njil Njerɔsangə ɓa ar-je singamongə ꞌpa ne tar gə ndu Luba.

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.