Yudas 1:9 - Taaz Weru Witu u Nunuwu'en Tombulu

⁹ Si Mikhael si tonaas né malaekat i mahzéi-zéi'an karia ni tonaas né sétang, soo tumotoz karia a séséro' wia si tonaas né sétang tumoro séi si makailek un awak ni Musa. Si Mikhael éng kimua uman, “Mengalé-ngaléi si Opo Empung é rumekaké ni ko!”

Yudas 1:9 Iomraidhean Croise

Markus 15:29

Si Yesus ém pahséro'an né tou mahlangkoi witu. Ni séra é mahséro' wia ni Sia karia i mengusi-ngusingsing wo mahkua, “É Ko si kumemu um Walé ni Opo Empung, wo rumendai niitu sumaup witu un teluna endo.

1 Tesalonika 4:16

I méyé um perénta witi kasendukan, si tonaas né malaekat én totoz rimez i numuwu'ma wo um pontuang ni Opo Empung én zumanimé, a si Yesus Mahpiara tumumpamé im witi kasendukan wo sé tou ma'éman wia ni Sia sé nimatémo ém puuna in itou sumaup.

1 Petrus 3:9

Tia' u léwo'an ém waéran niou karia u léwo'an, kaapa u sasalou karia u sasalou. Taan, ipengaléi nioula wia si Opo Empung wo séra kamangené, pahpaan ni kamu én tinawah-Na i maéndo kamang wia sé tou walina, wo karia in téntu ni kamu é makailek ung kamang.

2 Petrus 2:11

Zozo' ung kaenté'an wo ung kawasa né malaekat é lumouspé'mé sé méster towo itii, taan sé malaekat én zéi'kan kawisa wo mahséro' i mahtoké wia sé pahloozen wo pahsigi'en witi kasendukan im witu u sinaru ni Opo Empung.

Wahyu 12:7

Tumondong niitu, a mamualima um pahkoro'an witi kasendukan. Si Mikhael wo sé malaekatna é mahkoro' mahsaru si naga si pahsawangan né malaekat ni naga itii.