Yudas 1:12 - Taaz Weru Witu u Nunuwu'en Tombulu

¹² Ni séra én tanu a sezingna im wia ni kamu. Pahpaan i ni kamu mahkan mahwali-wali ing gumenang u raraatéan ni Opo Empung, ni séra én zéi'mo siapa izangna i mahkan wo zéi'kan mahgenang sé tou walina. Ni séra én tanu a ninahak zéi'kan mamuali uzan un ipahwali-wali uman u reges. Ni séra én tanu uman ung kai zéi'kan mahwua' im witu un oras i mua', um winutwutan an ahmutna wo uli-ulit nimaté.

Yudas 1:12 Iomraidhean Croise

Matius 13:6

Taan i simeritomé si endo, an tinanem itii nimawelesa wo nimaperama pahpaan zéi'kan tahlous nimahmut.

Matius 15:13

A si Yesus mingkotla, “An tinanem zéi'kan méitanem ni Ama'-Ku si witi kasendukan ém pakasawuten makaz wana an ahmutna.

Markus 4:6

Taan i simeritomé si endo, an tinanem itii é nimawelesa wo nimaperama pahpaan zéi'kan tahlous nimahmut.

Lukas 12:45

Taan sa si ata itii léwo' ang gumenangla in téntii, ‘Si tuangku é mauré-urépé' i mawurimé’. A rengan im pahpatezennama sé ata tuama wo sé ata wéwéné, wo ni sia kuman wo melep makaz nimatewelen.

Lukas 16:19

A si Yesus sumirita kasii un aandéan, kuan-Na, “Wéwéhan si tou wa'ilan si mahkara-karai ang karai tonton monong, un totoz wangun wo mahal. Sekez in endo ni sia éng kiit uman um paazna i mapailek ang kawa'ilananna.

Lukas 21:34

“Tuméga-tégam un toumu wo tia' megena-genang uman u mahpaa-paaz im wana am pésta, wo u mahelep makaz i matewelen karia in tahlous mahgenang am pemandungennu i mendo-endo, wo i si Oki' ni Tou méyé sumaup ni kamu én zéi'kan mengompo'.

Lukas 8:6

Am watuna tatanemen walina é méikagogoma witu un tana' watu-watun. Am watuna tatanemen itii én timoumé taan zéi'kan uré é nimaperamoma pahpaan zéi'kan siapa zano.

Efesus 4:14

Karia in téntu ni kita én zéi'mo tanu sé koki' sé mahkii-kiit uman an tutuzu' nimahwali-walinaan né menunuzu' towo. Niitu én tanumokan u sempa' pemolé-moléi u reges. Ni séra mahlululu uman karia an towo néra.

Filipi 3:19

Ing kamurian sé tou téntu é maléwo'en pahpaan zéi'kan memandung si Opo Empung taan memandung uman um poot néra in esa. Ni séra mahlooz am pahwangunen néra zozo' am pahwangunen néra itii é makaizangen wo am pegena-genangen néra ém wia uman ung kaayahan kenu.

1 Timutius 5:6

Taan si wéwéné mahesa-esamokan si menou-nou mengiit uman um paazna in esa, zozo' sia i menou-noupé' taan ni sia é masuatokan i nimatémo.

Ibrani 13:9

Tia' kamu mahkiit péléng an tutuzu' a nimahwali-walinaan an zéi'kan siapa kaulitan mengiit u Nuwu' Lé'os tumoro si Yesus, an ipahtuzu' né tou walina an toro mangun ni kamu ikalulu. Un atéta é léwo'zéi' nienté' karia ung kamang méitambér ni Opo Empung, pahpaan niitumo um wangun, zéi'kan karia an tinotoz tumoro ang kakanen an zéi'kan siapa torona im wia ni séra sé mahkiit niitu.

Yakobus 5:5

Ni kamu im wia ung kaayahan kenu é menou-nou wana ang kawa'ilanan wo mahkiit uman am paaz niou. Ni kamu é nimahwuwutulola ang kapaaz an até niou, tanu si tatamun i mapahrerembuz un touna i makerizen witu un endo ing kumeriz.