Yohanes 9:6 - Taaz Weru Witu u Nunuwu'en Tombulu

⁶ Tumondongla si Yesus kimuama péléng niitu, Sia rumura'ma witu un tana', semboren-Nala u rura' karia un tana' a maéndoma pentak, an ipurisi-Nala um pentak itii witu um weren ni tou letok itii

Yohanes 9:6 Iomraidhean Croise

Markus 7:33

A si tou itii itampasé ni Yesus im wia sé tou lakez makaz ni séra zuamokan. An iuntepa ni Yesus un tutundu'-Na witu um wosona u lunteng zua masaru ni tou itii. Kumawusa niitu si Yesus rumura'ma a rumingkapa u lila' ni tou itii.

Markus 8:23

Tionané ni Yesus u lengen ni tou itii, an iwali-Nama si tou itii nimondolé im witu um wanua itii. Ruraala ni Yesus um weren ni tou itii an zumeta'ma u lengen-Na witu um weren ni tou itii, a lumigaula wia si tou itii, “Kura, toromo mahilek ko?”

Yohanes 9:11

Wingkotenala, “Si tou makangaran Yesus nimangunla um pentak, am purisi-Namé um werenku karia um pentak itii ang kumuamé wia ni aku, ‘Mangémo witi kolam Siloam wo ruma'musla.’ A ni aku mangé wo i makara'musola, ni aku én toromo mahilek.”

Wahyu 3:18

Niitumo, isésa-Kuma wia ni kamu in tumelesola u mas wia ni Aku um wineresimo karia un api, wo kamu uli-ulit mawa'ilan. Wo tumeleso kasiila ung karai kulo' ing karaien niou wo kamu zéi'kan pahileken kaizangnokané in timangkol. Wo tumelesla undam i mundam am weren niou, wo kamu toro milek.