Yohanes 9:39 - Taaz Weru Witu u Nunuwu'en Tombulu

³⁹ Ang kuan ni Yesus, “Ni Aku niméyé wia ung kaayahan kenu in tumotoz in ulit kaapa zéi'kan am pahwangunen né tou, wo séi uman si zéi'kan mahilek én toro mahilek, wo séi uman si toro mahilek é maletok.”

Yohanes 9:39 Iomraidhean Croise

Matius 11:5

sé letok én toromo mahilek, sé lailai én toromo mahlampang, sé tinoro ung kusta é lé'oso, sé lunteng é mahtalingamo, sé nimatémo é méitoumomé sumaup wo sé tou zéi'kan siapa apa én timalingamo u Nuwu' Lé'os um wia si Opo Empung a méyé.

Matius 15:14

Iwayamola sé sana réwok tou Farisi itii. Ni séra é masuat wo si tou letok mengahkit si tou letok. Sa si tou letok mengahkit si tou letok, ni séra zua én ikatahu' witu um woso.”

Matius 6:23

Taan sa um werenmu éng kewur, péléng un toumu é rimbengbeng. Sa u sena' witu un toumu é rimbengbengo, a sangali karimbengbeng ung karimbengbengan itii.

Lukas 1:79

i mésumena' wia sé tou sé menou-nou witu ung karimbengbengan, wo sé tou kinaindé'an. Ni Sia é mahkit ni kita, wo ni kita menou-nou karia ung kaluasan witu un até.”

Lukas 13:30

Wéhanla genang, si tou ipahmuri-muri é maéndo ipahpuu-puuna wo si tou ipahpuu-puuna é maéndo tou ipahmuri-muri.”

Lukas 2:34

Si Simeon mengaléi wia si Opo Empung a méhéma ang kamang wia ni séra ang kuana wia si Maria, si ina' ni Koki' itii, “Si Koki' kenu ém pinéléng ni Opo Empung i mukum sé tou Israel, sé zéi'kan ma'éman wia ni Sia wo kasii i mangun ni séra maéndo ulit witu u sinaru-Na. Ni Sia ém pinéléng ni Opo Empung i mapagenang wia sé tou a siningkéla' néra, taan lakez sé tou mahsaru uman ni Sia.

Lukas 4:18

“Si Roh ni Opo Empung ém wia ni Aku, pahpaan ni Sia si timotoz ni Aku, i mahwoka' u Nuwu' Lé'os wia sé tou zéi'kan siapa apa; wo ni Aku é méiatu-Na

Lukas 7:21

In toro niitu, lakez sé tou liné'os ni Yesus im wana a saki wo an zézéha néra wo sé sétang simelaz wia sé tou é méiwoho-Na wo sé tou letok ém winangun-Na in toromo mahilek.

Yohanes 12:31

In tarékan én orasnamo si Opo Empung in tumotoz ulit kaapa zéi'kan am pahwangunen né tou wia ung kaayahan kenu, in tarékan kasii si Tonaas né sétang si mahkawasa wia ung kaayahan kenu éng kalan.

Yohanes 12:46

Ni Aku é niméyé wia ung kaayahan kenu in tou si nimahalimé u sena', wo sé tou sé ma'éman wia ni Aku én zéi'kan mahwitu-witu ung karimbengbengan.

Yohanes 3:17

Pahpaan si Opo Empung nimatumé si Oki'-Na wia ung kaayahan kenu zéi'kan i mémukum sé tou wia ung kaayahan, taan i milot sé tou wia ung kaayahan kenu im witu un ukuman wana a singkéla'.

Yohanes 3:19

Si tou zéi'kan ma'éman itii é niukum pahpaan ung kenu: U Sena' é niméyémo wia ung kaayahan, taan ung karimbengbengampé' ung kapaaz né tou, pahpaan um pahwangunen néra é léwo'.

Yohanes 8:12

A si Yesus kumua kasiima wia sé tou lakez itii, “Ni Akumo si sena' ung kaayahan. Si tou mahkiit ni Aku én zéi'kan mahlampang witu ung karimbengbengan taan ni sia makailek u sena' u mahwangun sé tou makailek ung katou-touan makaz ing kauré-uré.”

Yohanes 8:15

Ni kamu mahtotoz in ulit kaapa zéi'kan am pahwangunen né tou mengiit ung kinanaram né tou, taan zéi'kan siapa zozo' in esa si tou tinotoz-Ku in ulit kaapa zéi'kan um pahwangunenna,

Yohanes 9:25

Wingkotenala, “Si tou itii mahsingkéla' kaapa zéi'kan én zéi'kan kata'uangku. Taan, ung kata'uangku i ni aku é letok woan wo in tarékan ni aku én toromo mahilek.”

Kisah Rasul-rasul 26:18

i mangun am weren néra mawula', wo ni séra zéi'mo menou-nou witu ung karimbengbengan taan menou-nou witu un ayah. Wo menou-nou zéi'mo kinawasa ni tonaas né sétang taan mahkiito um paaz ni Opo Empung. Wo pahpaan um pa'émanen néra wia ni Aku, ni séra é makailek un ampungan wana a singkéla' néra. Wo ni séra kasii é makailek um wéwéténgan im wana an tinotozo in iwéhé ni Opo Empung wia sé tou sé linenas-Na.’

2 Korintus 2:16

Im wia sé tou maléwo'en, ni kai é mahwou wuul pahpaan ni kai é mahwoka' i si Opo Empung é maluméwo' ni séra. Wo wia sé tou méipiloté im witu un ukuman wana a singkéla'na, ni kai ém pahkuan néra i mahwou tariis. Taan séi si makawawa i maayang am paayangen kenu?

Efesus 5:14

Niitumo wéwéhan u méikua, “Tumoozomé, é ni ko si timekel, mawongkémomé im wia sé nimaté wo si Kristus maéndo sena' witu ung katou-touannu.”

2 Tesalonika 2:10

Si tou léwo' itii é maké a léwo' in tumowo wia sé tou maléwo'en. Ni séra é maléwo'en pahpaan soo tumalinga un tutuzu' ulit tumoro si Yesus un toro milot ni séra im witu un ukuman wana a singkéla'.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.

1 Yohanes 2:11

Taan séi si mazi'zis sé katuarina esa pa'émanen, ni sia é menou-nou witu ung karimbengbengan wo mahlampang witu ung karimbengbengan. Ni sia én zéi'mo mata'u wisa un angéanna, pahpaan ung karimbengbengan é limetokola ni sia.