Yohanes 9:38 - Taaz Weru Witu u Nunuwu'en Tombulu

³⁸ Kuana, “Ni aku é ma'éman, Tuang!” A sia sumigi' karia ing kimuruzla ung gio makaz witu un tana' witu u sinaru ni Yesus.

Yohanes 9:38 Iomraidhean Croise

Matius 14:33

Sé tou witu u londéi é mahongkot wo mahsigi' si Yesus, kuan néra, “Ni Ko én uli-ulit Oki' ni Opo Empung.”

Matius 28:17

I ni Sia niilek nérala, a séra kumuruzla ung gio makaz witu un tana' witu u sinaru-Na, taan sé woopira im wia ni séra é mahzua-zua genang.

Matius 28:9

Kumompo'mé si Yesus é nimahilekanola karia néra a Sia sumigi'la wia ni séra. Séra rumétéla ni Sia, a mingki'la un a'é-Na a mahongkot wia ni Sia.

Matius 8:2

A méyé wia ni Sia si tou tinoro ung kusta. Si tou itii kimuruzla witu u sinaru-Na ang kumua, “Tuang, sa si Tuang paaz, si Tuang én toro lumé'osé ni aku.”

Lukas 24:52

Séra kumuruzla ung gio makaz witu un tana' i mahsigi' ni Sia. A séra mawurima witi Yerusalem karia totoz i mahpaa-paaz.

Yohanes 20:28

A si Tomas mingkotla wia ni Sia, “O Tuang wo Opo Empungku!”

Yohanes 9:39

Ang kuan ni Yesus, “Ni Aku niméyé wia ung kaayahan kenu in tumotoz in ulit kaapa zéi'kan am pahwangunen né tou, wo séi uman si zéi'kan mahilek én toro mahilek, wo séi uman si toro mahilek é maletok.”