Yohanes 9:34 - Taaz Weru Witu u Nunuwu'en Tombulu

³⁴ Ang kuan néra wia ni sia, “Ni ko renganpé' i nimatoumé é lakezo a singkéla' wo ni ko mahtutuzu' ni kai?” A sia iwoho nérama i mondola.

Yohanes 9:34 Iomraidhean Croise

Lukas 11:45

Wéwéhan si esa im wia sé tou tulap un Torat kimua wia si Yesus, “Méster, ni Ko i mahkuamé an téntu, ni Ko é mahséro'mo wia ni kai kangkasii.”

Lukas 14:11

Pahpaan séi uman si mahlooz un touna, ni sia én iroros ni Opo Empung wo séi uman si meroros un touna, ni sia én irakék ni Opo Empung.”

Lukas 18:17

Uli-ulit ikua-Kuma wia ni kamu: Séi uman sé zéi'kan sumungkul ung Kakolanoan ni Opo Empung tanu sé koki' kenu, ni sia én zéi'kan ikauntep witu.”

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Yohanes 6:37

Péléng sé tou méiwéhé ni Ama' wia ni Aku é méyé wia ni Aku wo péléng sé méyé wia ni Aku, sé tou itii é sungkuleng-Ku.

Yohanes 8:41

Ni kamu é mahwangun am pahwangunen né ama' niou.” Séra mingkotla, “Ni kai én zéi'kan oki' né simamek. Si ama' nai én esa uman, ni Siamo si Opo Empung.”

Yohanes 9:2

Sé pahtuzu'en-Na meligau wia ni Sia, “Méster, séi wé si mahwangun a singkéla' taka-takazan si tou kenu rengan in taré nimatoumé é letoko, ni sia in esa kaapa sé tu'ana?”

Yohanes 9:22

Sé tu'ana kimuala téntu, pahpaan ni séra é maindé' wia sé tonaas né tou Yahudi. Pahpaan sé tonaas né tou Yahudi é nimaesaanola i sé tou mahkua si Yesus é Mesias, ni séra én zéi'mo mata'u muntep witi walé peraragésan né tou Yahudi.

Yohanes 9:35

Si Yesus én timalinga i si letok woan itii é méiwoho néramé mondolé im witu. A si Yesus mahilekala karia ni letok woan itii ang kumua, “Apa ko ma'éman wia si Oki' ni Tou?”

Yohanes 9:40

A méikua-Nama itii én tinalingama né woopira im wia sé sana réwok tou Farisi sé witu, a séra meligau wia ni Sia, “Apa ni kai kangkasii é letok?”

1 Korintus 5:13

Si Opo Empung uman si tumotoz am pahwangunen né zéi'kan jamaat-Na. Pahpaan witu um Pinantik Lenas é méipantik in téntii, “Iwohoma im wia ni kamu sé tou léwo'.”

Galatia 2:15

Rengan i nimatoumé, ni kai én tou Yahudi wo zéi'kan tou wia sé tahsasana wanua walina a méyé, sé pahkuan mahsingkéla' pahpaan zéi'kan ma'éman wia si Opo Empung.

Efesus 2:3

Im puuna ni kita péléng é masuat karia néra, ni kita menou-nou mahkiit u lelo léwo' un awakta, mahwangun um paaz un awakta wo ang genang léwo'ta. In toro niitu, ni kita kangkasii én tou sé léwo'zéi' i makailek un upi' makaindé'en ni Opo Empung tanu sé tou walina.

1 Petrus 5:5

Téntu kangkasii ni kamu im weru tou é léwo'zéi' i mahtali-talingala wia sé tu'a. Wo ni kamu péléng, irorosla un tou niou si esa wo si esa, pahpaan im witu um Pinantik Lenas é méipantik in téntii, “Si Opo Empung é makahkoro' wo sé tou wera', taan sé tou roros até én tambéran-Na ung kamang.”

3 Yohanes 1:10

Pahpaan niitumo, sa aku mangé wana, pahaléiengku, péléng am pinahwangunnama ém pahwéhanla genang. Pahpaan an ipahkuana én zéi'kan ulit wo wayaan uman ung kanuwu'an tumoro ni kai. Ni sia én zéi'kan uman soo mahsungkul sé katuari esa pa'émanen sé mahéyé, taan pahséro'enna kasii sé jamaat mahsungkul ni séra, wo sa wéwéhan sé jamaat mahsungkul sé katuari esa pa'émanen sé mahéyé, sé simungkula itii én ipahondolnamé im wia sé jamaat.

3 Yohanes 1:9

Wéwéhano u méipantikkuma wo méiwéhéma wia sé jamaat, taan si Diotrefes si paaz maéndo tonaas néra é soo mahtalinga ni aku.

Wahyu 13:17

Wo zéi'kan siapa tou wo toro mangkér kaapa tumeles sa sia zéi'kan winéhan un tanda itii. Un tanda itii é ngaran ni binatang itii kaapa rérékénan u ngaranna.