Yohanes 9:22 - Taaz Weru Witu u Nunuwu'en Tombulu

²² Sé tu'ana kimuala téntu, pahpaan ni séra é maindé' wia sé tonaas né tou Yahudi. Pahpaan sé tonaas né tou Yahudi é nimaesaanola i sé tou mahkua si Yesus é Mesias, ni séra én zéi'mo mata'u muntep witi walé peraragésan né tou Yahudi.

Yohanes 9:22 Iomraidhean Croise

Lukas 6:22

Mahpaa-paazola kamu sa pahpaan ma'éman si Oki' ni Tou ni kamu ikazi'zis né tou, kasoo né tou, pahséro'an né tou wo pahtawuruken né tou a léwo'an.

Yohanes 1:19

Téntii u méiwingkot ni Yohanes Menanarani im wia sé woopira walian wo sé suzu ni Lewi, sé méiatumé né tonaas né tou Yahudi sé witi Yerusalem, i meligau, “Séi ndéén ko wé?”

Yohanes 16:2

Ni kamu én iwoho né tonaas né tou Yahudi im wana am walé peraragésan néra. Wo un orasna é méyé i si tou mahwuwunu' ni kamu é mahgenangla ni sia é mahpaayang wia si Opo Empung.

Yohanes 19:38

Tumondong niitu si Yusuf tou Arimatea mahaléi wia si Pilatus wo sia toro matumumpa un awak ni Yesus. (Si Yusuf é mahkii-kiit si Yesus, taan ni sia mahwuni-wuni uman pahpaan ni sia é maindé' wia sé tonaas né tou Yahudi). Um pahaléien ni Yusuf itii é niénéané ni Pilatus. A sia mangé in timumpamé un awak ni Yesus.

Yohanes 20:19

In Duminggu wengi itii sé pahtuzu'en ni Yesus é nimaréwok witu um walé, am pepenet um walé itii éng kinusi' pahpaan ni séra é maindé' wia sé tonaas né tou Yahudi. In toro niitu a méyé si Yesus wo rimendai witu un unez néra ang kumua, “Ung kaluasan witu un até é menaté-natér ni kamu!”

Yohanes 7:13

Taan zéi'kan siapa zozo' in esa si wuaya ing kumua tumoro ni Sia witu u sinaru né tou lakez, pahpaan ni séra é maindé' wia sé tonaas né tou Yahudi.

Yohanes 9:18

Taan sé tonaas né tou Yahudi én zéi'kan ma'éman sa si tou itii é letok woan wo in tarékan én toromo mahilek. Niitumo ni séra timawahmé sé tu'ana,

Yohanes 9:21

Taan kura wo sia toromo mahilek in tarékan, zéi'kan kata'uan nai. Wo séi si nimanguné ni sia toromo mahilek, niitu kangkasii én zéi'kan kata'uan nai. Ligauenola wia ni sia, ni sia én tarétumoumo, ni sia toro kumua niitu in esa.”

Yohanes 9:34

Ang kuan néra wia ni sia, “Ni ko renganpé' i nimatoumé é lakezo a singkéla' wo ni ko mahtutuzu' ni kai?” A sia iwoho nérama i mondola.

Yohanes 9:35

Si Yesus én timalinga i si letok woan itii é méiwoho néramé mondolé im witu. A si Yesus mahilekala karia ni letok woan itii ang kumua, “Apa ko ma'éman wia si Oki' ni Tou?”

Kisah Rasul-rasul 4:18

Kumawusa niitu, tawahen néramé si Petrus wo si Yohanes i muntepé sumaup witu um pengengeruzan itii, a séro'en nérala in zéi'kan toro mahkua kaapa mahtuzu' wia sé tou karia u ngaran ni Yesus.

Kisah Rasul-rasul 5:13

Sé tou walina én zéi'kan wuaya ing kumaria ni séra. Taan zozo' in téntu ni séra ém pahsigi-sigi'en né tou lakez.

Kisah Rasul-rasul 5:40

An tawahen néramé sé aatu itii an iatu nérama sé tou i sumaluk sé aatu itii. Wo ni séra kangkasii é siméro'la sé aatu itii i mahtuzu' karia u ngaran ni Yesus. Kumawusa niitu an ipilot néramé sé aatu ni Yesus itii.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”