Yohanes 9:2 - Taaz Weru Witu u Nunuwu'en Tombulu

² Sé pahtuzu'en-Na meligau wia ni Sia, “Méster, séi wé si mahwangun a singkéla' taka-takazan si tou kenu rengan in taré nimatoumé é letoko, ni sia in esa kaapa sé tu'ana?”

Yohanes 9:2 Iomraidhean Croise

Matius 16:14

A séra mingkotla, “Wéwéhan sé mahkua: Yohanes Menanarani, sé walina é mahkua: Elia wo sé walina kasii é mahkua: Yeremia kaapa si esaané im wia sé nabi.”

Matius 23:7

Ni séra ém paaz pahsigi'en né tou im wana am pasar wo paaz im pahtawahen né tou ‘méster’.

Matius 23:8

Taan ni kamu, tia' ipahwaya niou sé tou mahtawah ni kamu i ‘méster’! Pahpaan si Méster niou én esa uman wo ni kamu péléng é mahtuari.

Lukas 13:2

Ang kuan ni Yesus wia sé tou itii, “Sa ikiit ang ginenang niou, sé tou Galilea im winunu' téntu, pahpaan a singkéla' nérapé' u lakez kaapa a singkéla' péléng né tou Galilea?

Yohanes 4:31

Karegas niitu sé pahtuzu'en-Na é mahtawah ni Sia, “Méster, méyémo kuman.”

Yohanes 9:1

I si Yesus mahlampang, ni Sia mileka si letok renganpé' i nimatoumé.

Yohanes 9:34

Ang kuan néra wia ni sia, “Ni ko renganpé' i nimatoumé é lakezo a singkéla' wo ni ko mahtutuzu' ni kai?” A sia iwoho nérama i mondola.

Kisah Rasul-rasul 28:4

I sé tou mahwitu-witu nimileka si ulé' itii i makaintoi witu u lengen ni Paulus, a séra mahkua wia si esa wo si esa, “Si tou kenu én uli-ulit memumunu' tou. Pahpaan, zozo' ni sia in zéi'kan nimatémé witi tasik, taan ni sia én zéi'kan méiwaya i menou-nou ni wéwéné pa'opoen Zéi'kan Mahsanaweka.”