Yohanes 9:1 - Taaz Weru Witu u Nunuwu'en Tombulu

¹ I si Yesus mahlampang, ni Sia mileka si letok renganpé' i nimatoumé.

Yohanes 9:1 Iomraidhean Croise

Matius 20:30

Wéwéhan sé zua tou letok sé makarumez witu ruruh u lalan, timalingamé i si Yesus é lumangkoi, a séra kumérét, “Tuang, Suzu ni Daud, iraraaté ndootuumé kai!”

Matius 9:27

I si Yesus timula'umomé un tampa itii, wéwéhan sé zua tou letok mahkiité ni Sia karia i mahkérété, “É suzu ni Daud! Iraraaté ndootuumé ni kai.”

Markus 9:21

A si Yesus lumigaula wia si ama' ni koki' itii, “Urémo sia in téntu?” Am wingkotenala, “Rengané ing koki'pé' ndootuu.

Lukas 8:43

Im wia sé tou lakez itii, wéwéhan si wéwéné mapulu' wo zuana ta'uno zézéha im pahondolan, [a sangkumna é nimaapumoma pahpaan pahwaér sé mahundam ni sia] wo zéi'kan siapa si makawawa i lumé'os ni sia.

Yohanes 5:5

Im witu ém wéwéhan si tuama saki teluna pulu' wo waluna ta'uno ung kauréna.

Yohanes 8:59

A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.

Yohanes 9:2

Sé pahtuzu'en-Na meligau wia ni Sia, “Méster, séi wé si mahwangun a singkéla' taka-takazan si tou kenu rengan in taré nimatoumé é letoko, ni sia in esa kaapa sé tu'ana?”

Kisah Rasul-rasul 14:8

Im witi Listra ém wéwéhan si tuama si merume-rumezokan, pahpaan un a'éna é lailai rengan sia i nimatoumé wo ni sia én zéi'kampé' nimahlampa-lampangla.

Kisah Rasul-rasul 28:4

I sé tou mahwitu-witu nimileka si ulé' itii i makaintoi witu u lengen ni Paulus, a séra mahkua wia si esa wo si esa, “Si tou kenu én uli-ulit memumunu' tou. Pahpaan, zozo' ni sia in zéi'kan nimatémé witi tasik, taan ni sia én zéi'kan méiwaya i menou-nou ni wéwéné pa'opoen Zéi'kan Mahsanaweka.”

Kisah Rasul-rasul 4:22

Pahpaan ung katou-touan ni tou lailai woan itii é limangkoio epatna pulu' ta'un, wo in tarékan é lé'oso.

Kisah Rasul-rasul 9:33

Im witu ni sia nimahilekan karia ni tou makangaran Eneas, si waluna ta'uno i meneke-nekelokan pahpaan i lailai.