Yohanes 8:59 - Taaz Weru Witu u Nunuwu'en Tombulu

⁵⁹ A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.

Yohanes 8:59 Iomraidhean Croise

Matius 12:14

A mondola sé sana réwok tou Farisi itii a mahesaala i munu' ni Sia.

Lukas 24:31

In toro niitukan a séra mata'umé tou a Sia na'u nérala, taan ni Sia rengan i nimazéi'ma im witu un unez néra.

Yohanes 11:54

Pahpaano niitu, si Yesus soomo mapailek wia sé tou Yahudi lakez. Ni Sia én timula'umé un tampa itii, a mangé witi Efraim rété ung kapelasan. Ni Sia karia né pahtuzu'en-Na nimento' witu.

Yohanes 11:8

Sé pahtuzu'en-Na kimuala wia ni Sia, “Méster, zéi'kampé' uré sé tou Yahudi mahwewerité ni Ko karia am watu wo in tarékan kaa ni Ko paazpé' i mawuri witu?”

Yohanes 12:36

Pa'émanela u sena' itii, karegas u sena itii wia ni kamu, wo ni kamu maéndo oki' ni sena'.” I nimakakuamola niitu, a si Yesus mangé witi tampa zéi'kan kata'uan néra.

Yohanes 18:31

Kuan ni Pilatus wia ni séra, “Éndonoma Sia wo matotozela in ulit kaapa zéi'kan um winangun-Na karia un ukum niou in esa.” Ang kuan né tou Yahudi itii, “Ni kai én zéi'kan mata'u mukum si tou i maté.”

Yohanes 5:13

Taan si tou taré malé'osa itii én zéi'kan mata'u séi si limé'osoma u sakina, pahpaan si Yesus én zéi'mo niileka im witu un unez né tou lakez witi tampa itii.

Yohanes 9:1

I si Yesus mahlampang, ni Sia mileka si letok renganpé' i nimatoumé.

Kisah Rasul-rasul 7:57

Tumalingamé niitu, sé tou witu é rengan i mengéré-ngérét karia i nimalotla a lunteng néra. Ni séra nimahwalima ing kimara'ma i matumion si Stefanus.