Yohanes 8:56 - Taaz Weru Witu u Nunuwu'en Tombulu

⁵⁶ Si Abraham si nimaopo niou én totoz mahpaa-paaz i ni sia mamilek un endo i ni Aku méyé. Ni sia é nimileko ni Aku i niméyé wo ni sia én totoz mahpaa-paaz.”

Yohanes 8:56 Iomraidhean Croise

Matius 13:17

Uli-ulit ikua-Kuma wia ni kamu, ‘Lakez sé nabi wo sé tou niéndo ulit ni Opo Empung paaz milek a niilek niou in tarékan, taan zéi'kan nimilek niitu wo kasii paaz tumalinga an tinalinga niou, taan zéi'kan timalinga niitu.’ ”

Lukas 10:24

Pahpaan im puuna é lakez sé nabi wo sé kolano paaz milek a niilek niou in tarékan, taan zéi'kan nimilek niitu. Ni séra kasii ém paaz in tumalinga an tinalinga niou in tarékan, taan zéi'kan timalinga niitu.”

Yohanes 10:25

A si Yesus mingkotla wia ni séra, “Mémoikua-Kula wia ni kamu taan ni kamu én zéi'kan ma'éman. Am paayangen pinaayang-Ku karia u ngaran ni Ama'-Ku, nianamo an tumuzu'mé tumoro ni Aku.

Yohanes 8:37

“Kata'uang-Ku ni kamu é suzu ni Abraham, taan ni kamu é mahtututu' i munu' ni Aku, pahpaan ni kamu soo sumungkul a nuwu'-Ku.

Yohanes 8:39

A séra mingkotla wia si Yesus, “Si ama' nai é si Abraham.” Kuan ni Yesus wia ni séra, “Sa ni kamu uli-ulit suzu ni Abraham, tantumo ni kamu é mahwangun am pahwangunen ni Abraham.

Ibrani 11:13

Péléng sé tou sé taré isiritakuma itii én totoz ma'éman makaz i nimaté. A méitaaz ni Opo Empung itii én zéi'kampé' lekep ing kinailekan néra i menou-nou, taan niitu ém pahileken wo pahkapéien nérama, wo ni séra kangkasii é mahkua i ni séra é limepuh umané wo zéi'kan mauréma i mento' wia ung kaayahan kenu.

Ibrani 11:39

Ni séra péléng én ikapaaz ni Opo Empung pahpaan um pa'émanen néra. Zozo' ni séra zéi'kan nimakaileka a méitaaz ni Opo Empung wia ni séra.