Yohanes 8:48 - Taaz Weru Witu u Nunuwu'en Tombulu

⁴⁸ Sé tonaas né tou Yahudi mingkotla wia si Yesus, “Ulito um pahkua nai i ni Ko én tou Samaria wo sinelazan.”

Yohanes 8:48 Iomraidhean Croise

Matius 10:25

Sa si pahtuzu'en masuato wo si mésterna, niitu én toromo wo sa si ata masuato wo si tuangna, niitu én toromo. Sa si makawalé ém pahkuan im Beelzebul, apapé' kasii sé tou witu um walé itii.

Matius 10:5

Sé mapulu' wo zua pahtuzu'en ni Yesus itii é méiatu-Nama karia ing kimuama, “Ni kamu én tia'mo mahaangé wana am wanua né tou zéi'kan Yahudi wo wana am wanua tua'na né tou Samaria,

Matius 11:18

Pahpaan si Yohanes i niméyé, ni sia zéi'kan mahkan wo zéi'kan mahelep wo ni sia ém pahkuan néra i sinelazan ni sétang.

Matius 12:24

Taan i sé sana réwok tou Farisi timalingala niitu, kuan néra, “Ni Sia mahwoho sé sétang karia ung kawasa ni Beelzebul, si tonaas né sétang.”

Matius 12:31

Niitumo, ikua-Kuma wia ni kamu: Péléng a singkéla' wo a séséro'an né tou én ampungan. Taan a séséro'an wia si Roh Lenas én zéi'kan ampungan.

Matius 15:7

É kamu in tou mahgau-gau lé'os! Ulito u méikua ni Opo Empung tumoro ni kamu mengiité si nabi Yesaya in téntii,

Yohanes 1:19

Téntii u méiwingkot ni Yohanes Menanarani im wia sé woopira walian wo sé suzu ni Lewi, sé méiatumé né tonaas né tou Yahudi sé witi Yerusalem, i meligau, “Séi ndéén ko wé?”

Yohanes 10:20

“Ni Sia é sinelazan ni sétang wo pahléla'eno! Kaa kamu mahtalinga ni Sia?”

Yohanes 13:13

Ni kamu é mahkua ni Aku i Méster wo Tuang, um pahkuan niou itii én ulit, pahpaan ni Aku é Méster wo Tuang.

Yohanes 4:9

Si wéwéné tou Samaria itii éng kimuala wia ni Sia, “Kaa ko in tou Yahudi é mahaléi zano elepen wia ni aku in tou Samaria?” (Sé tou Yahudi é soo mahkari-karia sé tou Samaria.)

Yohanes 7:20

Sé tou lakez itii nimingkotla, “Sinelazan katu' Ko! Séi si mahtututu' i munu' ni Ko?”

Yohanes 8:22

Niitumo, kuan né tonaas né tou Yahudi itii, “Mapawunu'mo katuu Sia taka-takazan Sia mahkua i ni kita én zéi'kan mamuali i mangé witi tampa angéan-Na?”

Yohanes 8:52

Kuan né tonaas né tou Yahudi wia ni Sia, “Kata'uan nai in tarékan ni Ko é sinelazan. Pahpaan si Abraham é nimatémoma wo téntu kangkasii sé nabi, taan ni Ko é mahkua: Séi uman si mahkiit u nuwu'-Ku, ni sia én zéi'kan maté makaz ing kauré-uré.

Roma 15:3

Pahpaan si Kristus kangkasii én zéi'kan uman menéro u mahpaa-paaz witu un tou-Na in esa, taan tanu u méipantik witu um Pinantik Lenas in téntii: “Péléng a séséro'an néra wia si Opo Empung, niana kangkasii én timoro ni Aku.”

Ibrani 13:13

Pahpaan si Yesus é nimazézéha witi ondolé u Yerusalem, niitumo méyémo kita mangé wia ni Sia witi ondolé un tampa rinendaian an ténda wo mendan an zézéha tanu um pinendan-Namé.

Yakobus 2:19

Pa'émanennu i si Opo Empung én esa uman? Niitu ém wangun! Taan maan sé sétang é ma'éman niitu wo mahgerger i maindé'.