Yohanes 8:47 - Taaz Weru Witu u Nunuwu'en Tombulu

⁴⁷ Séi uman si wia si Opo Empung a méyé, ni sia é mahtalinga u nuwu' ni Opo Empung. Taan ni kamu én zéi'kan wia si Opo Empung a méyé, pahpaano niitu ni kamu soo tumalinga u nuwu' ni Opo Empung.”

Yohanes 8:47 Iomraidhean Croise

Yohanes 12:48

Si tou soo ni Aku wo soo mahtalinga um pahkua-Ku ém wéwéhano si tumotoz ulit kaapa zéi'kan am pahwangunenna. A Nuwu' méipahkua-Ku, niitumo u matumotoz ulit kaapa zéi'kan um pahwangunenna im witu un endo kaakazan ung kaayahan.

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Yohanes 5:25

Uli-ulit ikua-Kuma wia ni kamu: Un orasna é méyé wo niiamo un orasna i sé tou nimatémo én tumalinga u nuwu' ni Oki' ni Opo Empung wo sé timalingama niitu é matou.

Yohanes 6:65

A Sia kumua, “Niitumo mémoikua-Kula wia ni kamu: Zéi'kan siapa zozo' in esa si toro méyé wia ni Aku, sa sia zéi'kan niénéan ni Ama'.”

Yohanes 8:37

“Kata'uang-Ku ni kamu é suzu ni Abraham, taan ni kamu é mahtututu' i munu' ni Aku, pahpaan ni kamu soo sumungkul a nuwu'-Ku.

Yohanes 8:43

Ni kamu zéi'kan makatulap an ipahkua-Ku pahpaan ni kamu é soo tumalinga an ipahkua-Ku.

Yohanes 8:45

Taan pahpaan ni Aku mahkuama ung kaulitan wia ni kamu, ni kamu én zéi'kan ma'éman wia ni Aku.

1 Yohanes 3:10

Ang kenumo an tumuzu'mé sé oki' ni Opo Empung wo sé oki' ni tonaas né sétang: Péléng sé tou sé zéi'kan mahwangun ung kaulitan wo kangkasii sé zéi'kan rumaraaté sé katuari néra esa pa'émanen, ni séra én zéi'kan oki' ni Opo Empung.

1 Yohanes 5:1

Si tou ma'éman i si Yesus éng Kristus, si tou itii én oki' ni Opo Empung. Si tou rumaraaté si ama', ni sia kangkasii é rumaraaté si oki' ni ama'.

2 Yohanes 1:9

Si tou zéi'kan mahkiit an tutuzu' ni Kristus ang kumiitla an tutuzu' walina, ni sia én zéi'kan makaanu si Opo Empung. Séi si mahkiit an tutuzu' ni Kristus, ni sia é makaanu si Ama' wo si Oki'.

3 Yohanes 1:11

Katuari ikararaatéku. Tia' mahkéré a léwo', taan mahkéréla a lé'os. Séi si mahwangun a lé'os, ni sia ém wia si Opo Empung a méyé. Taan séi si mahwangun a léwo', ni sia én zéi'kampé' mata'u si Opo Empung.