Yohanes 8:44 - Taaz Weru Witu u Nunuwu'en Tombulu

⁴⁴ Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Yohanes 8:44 Iomraidhean Croise

Matius 12:34

É kamu sé suzu né ulé' melangu. Kura kamu toro mahkua am wangun taan am pahmualin niou é léwo'? Pahpaan um pahnuwu'mé ni tou é mahondolé witu un aténa.

Matius 13:15

Pahpaan an até né tahsasana wanua kenu éng kimetéhmo, a lunteng néra ém wutezo in tumalinga, wo am weren néra é méipezeng, wo ni séra zéi'kan milek karia am weren néra wo zéi'kan tumalinga karia a lunteng néra, wo makatulap karia an até néra, a séra méyé wia ni Aku wo séra lé'oseng-Ku.’

Matius 13:38

Un uma itii éng kaayahan. Am watuna tatanemen wangun é sé tou witi Kakolanoan ni Opo Empung. Taan an tatanemen tanu ang gandum é sé tou ni tonaas né sétang.

Yohanes 6:70

Kuan ni Yesus wia ni séra, “Zéi'kankuaa ni Aku si niméléng ni kamu sé mapulu' wo zua? Taan, si esaané im wia ni kamu é sétang.”

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Yohanes 8:38

Apa a niilek-Ku wia si Ama', niitu an ipahkua-Ku. Téntu kangkasii ni kamu, ni kamu mahwangun an tinalinga niou im wia si ama' niou.”

Yohanes 8:41

Ni kamu é mahwangun am pahwangunen né ama' niou.” Séra mingkotla, “Ni kai én zéi'kan oki' né simamek. Si ama' nai én esa uman, ni Siamo si Opo Empung.”

Yohanes 8:55

Un ulitna ni kamu zéi'kan mata'u ni Sia, taan ni Aku é mata'u ni Sia. Sa ni Aku kumuama in zéi'kan mata'u ni Sia, ni Aku én tantowo, kasuat niou. Taan ni Aku mata'u ni Sia wo ni Aku é mahwangun am pahkua-Na.

Kisah Rasul-rasul 13:10

ang kumua, “É oki' ni tonaas né sétang! Ni ko é mawuta-wuta a léwo'an wo an towo. Ni ko éng kakoro' ang kaulitan. Makaz sawisa u lalan terén ni Opo Empung im pahséa'mu?

Kisah Rasul-rasul 24:9

Sé tou Yahudi walina kangkasii é mahkua sa a méikua ni Tertulus itii én ulit.

Kisah Rasul-rasul 5:3

Taan si Petrus éng kimuala, “Ananias, kaa si tonaas né sétang é méiwayamu ing kimawasa un atému, taka-takazan si Roh Lenas én tinowoannu wo wéwéhan an zoit um winangkéran un tana' itii é méilé'osmu?

2 Korintus 11:3

Taan ikaindé'ku én taa ung genang niou é méilulu makaz kamu zéi'mo uli-ulit mahkiit si Kristus, tanu si Hawa im puuna i méilulula ni ulé' karia ung kasigaanna i mahtowo.

1 Petrus 5:8

Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

1 Yohanes 1:8

Sa kita kumuala i ni kita én zéi'kan simingkéla', ni kita é mahtowomo im witu un touta in esa, wo ung kaulitan én zéi'kan siapa im wia ni kita.

1 Yohanes 2:21

Ni aku é mantika an iwéhé wia ni kamu, zéi'kan pahpaan ni kamu én zéi'kan mata'u ang kaulitan, taan pahpaan niitu éng kata'uan niouo wo kasii pahpaan kata'uan niouo in zéi'kan siapa an towo a mahondolé wana an tutuzu' kaulitan.

1 Yohanes 2:4

Séi si mahkua, “Ni aku é mata'u ni Sia”, taan zéi'kan mahkiit am perénta-Na, ni sia én tantowo wo im wia ni sia én zéi'kan siapa ang kaulitan.

1 Yohanes 3:12

Zéi'kan tanu si Kain si wia si léwo' a méyé a munu'la si tuarina. Kaa sia winunu'na? Pahpaan péléng am pahmualinna é léwo' wo am pahmualin ni tuarina én ulit.

1 Yohanes 3:15

Séi si mazi'zis si katuarina esa pa'émanen, ni sia é memumunu' tou. Kata'uan niou in zéi'kan siapa si memumunu' tou é makailek ung katou-touan makaz ing kauré-uré.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 13:14

Si binatang kazua itii é mahlulu sé tou mahento' wia ung kaayahan karia a makakompo'en, a méiwéhémo wia ni sia im pahwangunen witu u sinaru ni binatang kataré. Méiatu ni binatang kazua itii sé tou mahento' wia ung kaayahan i mangun um patong ni binatang kataré, si pélaan im winira' taan menou-noupé', im pahsigi'en.

Wahyu 2:10

Tia'mo maindé' wana an zézéha a léwo'zéi' im pendanen niou. Gena-genangen! Pahpaan i ma'éman ni Aku, sé woopira im wia ni kamu én iuntep ni tonaas né sétang witi bui im pema'wa'en wo zézéhan witu, mapulu'na endo ung kauréna. Taan zozo'pé' in téntu, ni kamu én tia' mazéi' i ma'éman wia ni Aku makaz i maté, wo ni kamu ém wéhang-Ku ung katou-touan makaz ing kauré-uré. Niitu ung kukulu-Ku wia ni kamu.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.

Wahyu 9:11

Si kolano néra é si malaekat mahtéiz um woso um patéan. U ngaran ni kolano itii im witu u nunuwu'en Ibrani é ‘Abadon’, wo witu u nunuwu'en Yunani é ‘Apolion’, ung kalakoana é ‘Meléléwo'.’