Yohanes 8:43 - Taaz Weru Witu u Nunuwu'en Tombulu

⁴³ Ni kamu zéi'kan makatulap an ipahkua-Ku pahpaan ni kamu é soo tumalinga an ipahkua-Ku.

Yohanes 8:43 Iomraidhean Croise

Matius 13:15

Pahpaan an até né tahsasana wanua kenu éng kimetéhmo, a lunteng néra ém wutezo in tumalinga, wo am weren néra é méipezeng, wo ni séra zéi'kan milek karia am weren néra wo zéi'kan tumalinga karia a lunteng néra, wo makatulap karia an até néra, a séra méyé wia ni Aku wo séra lé'oseng-Ku.’

Yohanes 5:25

Uli-ulit ikua-Kuma wia ni kamu: Un orasna é méyé wo niiamo un orasna i sé tou nimatémo én tumalinga u nuwu' ni Oki' ni Opo Empung wo sé timalingama niitu é matou.

Yohanes 5:43

Ni Aku niméyé éng karia u ngaran ni Ama'-Ku taan ni kamu é soo sumungkul ni Aku. Taan sa sé tou walina méyé karia ung kawasana in esa, ni kamu ém paaz sumungkul ni sia.

Yohanes 6:60

In timalingamoma a méikuama ni Yesus, lakez sé mahkii-kiit ni Sia mahkua, “A méikuamé itii én totoz wutez, séi si toro kumiit a méikuamé itii?”

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Yohanes 8:27

Sé tou timalingama niitu, zéi'kan katulapan néra sa um pahkuan ni Yesus én tumoro si Ama'-Na.

Yohanes 8:33

A séra mingkotla, “Ni kai é suzu ni Abraham wo zozo' in esa ni kai én zéi'kampé' pinahata-atala né tou. Kura kahuman Ko mahkua i ni kamu én ipilot im witu um pahata-atan?”

Yohanes 8:39

A séra mingkotla wia si Yesus, “Si ama' nai é si Abraham.” Kuan ni Yesus wia ni séra, “Sa ni kamu uli-ulit suzu ni Abraham, tantumo ni kamu é mahwangun am pahwangunen ni Abraham.

Kisah Rasul-rasul 7:51

É kamu sé tampezéi' wo kimawal! Ni kamu sekezé é mahsaru si Roh Lenas masuat wo sé nimaopo niou.

Roma 3:11

Zéi'kan siapa zozo' in esa si tou mata'u un ulit. Zéi'kan siapa zozo' in esa si mahtututu' i menéro si Opo Empung.