Yohanes 8:40 - Taaz Weru Witu u Nunuwu'en Tombulu

⁴⁰ Ni Aku é mahkuama wia ni kamu ung kaulitan tinalingakumé wia si Opo Empung, taan ni kamu é mahtututu' i munu' ni Aku. Si Abraham én zéi'kan mahwangun tanu um pahwangunen niou.

Yohanes 8:40 Iomraidhean Croise

Yohanes 7:1

Tumondongla niitu si Yesus mahliklik ung Galilea. Ni Sia é soo lumiklik u Yudea pahpaan sé tonaas né tou Yahudi witu é mahtututu' i munu' ni Sia.

Yohanes 8:26

Lakezpé' u léwo'zéi' in ikua-Ku wia ni kamu wo tumotoz ulit kaapa zéi'kan am pahwangunen niou. Taan ni Aku é mahkua uman an tinalinga-Kumé wia si Opo Empung si nimatumé ni Aku. Péléng a méikua-Na én ulit wo niitu kangkasii un ipahkua-Ku wia ni kamu im wia ung kaayahan kenu.”

Yohanes 8:56

Si Abraham si nimaopo niou én totoz mahpaa-paaz i ni sia mamilek un endo i ni Aku méyé. Ni sia é nimileko ni Aku i niméyé wo ni sia én totoz mahpaa-paaz.”

Roma 4:12

Ni sia kasii é niéndo ama' né tou sinunat, sé zéi'kan uman sinunat, taan kangkasii pahpaan ni séra menou-nou karia i ma'éman wia si Opo Empung tanu um pa'émanen ni Abraham, si ama' né nimaopota, puunala sia i sinunat.

Galatia 4:16

Apa pahpaan kimuama an ulit wia ni kamu, ni aku nimaéndomola kakoro' niou?

Galatia 4:29

Taan tanu im puuna, si koki' méitoumé pahpaan um paaz ni tou é mahzézéha si koki' méitoumé pahpaan un paaz ni Roh ni Opo Empung. Téntu kangkasii u mahmuali in tarékan.

Wahyu 12:17

Niitumo si naga itii én totoz maupi' wia si wéwéné itii, a si naga itii mangé i zuméha sé suzu walina ni wéwéné itii, sé mahkiit um perénta ni Opo Empung wo kasii mahkua un tinalinga wo niilek néra tumoro si Yesus.

Wahyu 12:4

Wo un ipusna é mahkéhongé sana pahtelu né tototi'en witi langit, an ilombo'nama sé tototi'en itii witi kaayahan. Si naga tua'na itii é rimendai witu u sinaru ni wéwéné si mahento-ento'mokan in tumoumé si oki'na, i sumo'kep wo luma'meza si itoumé ni wéwéné itii.