Yohanes 8:37 - Taaz Weru Witu u Nunuwu'en Tombulu

³⁷ “Kata'uang-Ku ni kamu é suzu ni Abraham, taan ni kamu é mahtututu' i munu' ni Aku, pahpaan ni kamu soo sumungkul a nuwu'-Ku.

Yohanes 8:37 Iomraidhean Croise

Matius 13:15

Pahpaan an até né tahsasana wanua kenu éng kimetéhmo, a lunteng néra ém wutezo in tumalinga, wo am weren néra é méipezeng, wo ni séra zéi'kan milek karia am weren néra wo zéi'kan tumalinga karia a lunteng néra, wo makatulap karia an até néra, a séra méyé wia ni Aku wo séra lé'oseng-Ku.’

Matius 3:9

Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, si Opo Empung én toro mangun am watu kenu maéndo suzu ni Abraham!

Yohanes 10:31

Makasapé' kasii sé tou Yahudi niméndomé watu i merit si Yesus.

Yohanes 11:53

Rengané in endo itii sé tonaas né tou Yahudi nimaesaan i munu' ni Sia.

Yohanes 5:44

Kura kamu toro ma'éman wia ni Aku, sa kamu paaz uman i sigi'en né tou, taan ni kamu soo menéro u sigi' ni Opo Empung si Esa uman?

Yohanes 7:1

Tumondongla niitu si Yesus mahliklik ung Galilea. Ni Sia é soo lumiklik u Yudea pahpaan sé tonaas né tou Yahudi witu é mahtututu' i munu' ni Sia.

Yohanes 7:19

Zéi'kankuaa si Musa é niméhémo un ukum Torat wia ni kamu? Taan zéi'kan siapa zozo' in esa im wia ni kamu si mahwangun un ukum Torat itii. Kaa kamu mahtututu' i munu' ni Aku?”

Yohanes 7:25

A sé woopira tou Yerusalem mahkua, “Zéi'kankuaa si tou kenu si pahtututu'en im wunu'en né tonaasta?

Yohanes 8:33

A séra mingkotla, “Ni kai é suzu ni Abraham wo zozo' in esa ni kai én zéi'kampé' pinahata-atala né tou. Kura kahuman Ko mahkua i ni kamu én ipilot im witu um pahata-atan?”

Yohanes 8:43

Ni kamu zéi'kan makatulap an ipahkua-Ku pahpaan ni kamu é soo tumalinga an ipahkua-Ku.

Yohanes 8:56

Si Abraham si nimaopo niou én totoz mahpaa-paaz i ni sia mamilek un endo i ni Aku méyé. Ni sia é nimileko ni Aku i niméyé wo ni sia én totoz mahpaa-paaz.”

Yohanes 8:59

A séra méndomé watu i merit ni Sia, taan si Yesus én zéi'mo niilek nérama in timula'uma u lésaz um Walé ni Opo Empung.

Yohanes 8:6

Ni séra kimua niitu i mema'wa' ni Sia, wo séra toro mapahsasala' ni Sia. Taan si Yesus nimongkot umanla a mantik witu un tana' karia un tutundu'-Na.

Kisah Rasul-rasul 13:26

Katuari-katuariku suzu ni Abraham wo ni kamu kasii sé maindé' si Opo Empung. U Nuwu' i ni kita én ipilot im witu un ukuman wana a singkéla' é mémoikua ni Opo Empung wia ni kita.

Roma 9:7

Zéi'kan péléng sé suzu ni Abraham é makailek u méitaaz ni Opo Empung wia si Abraham. Pahpaan ni Sia éng kimua wia si Abraham, “Si suzu ni Ishak uman si makuan suzumu.”

1 Korintus 2:14

Taan si tou zéi'kan siapa Roh ni Opo Empung é soo tumalinga an ipahtuzu' ni Roh ni Opo Empung, pahpaan niitu ém pahkuana ing kalemouan. An ipahkua ni Roh ni Opo Empung én zéi'kan kata'uanna, niitu é makata'uannamokan sa si Roh ni Opo Empung sumawang ni sia i mata'u niitu.

1 Yohanes 2:14

É kamu sé koki', ni aku é mantika ang kenu wia ni kamu, pahpaan ni kamu é mata'umo si Ama'. É kamu sé ama', ni aku é mantika ang kenu wia ni kamu, pahpaan ni kamu é mata'umo ni Sia, si wiamo rengané ing kataré-taré. É kamu sé weru tou, ni aku é mantika ang kenu wia ni kamu, pahpaan ni kamu én enté' wo u Nuwu' ni Opo Empung ém wia ni kamu wo si tonaas né sétang éng kinala niouola.