Yohanes 8:34 - Taaz Weru Witu u Nunuwu'en Tombulu

³⁴ Kuan ni Yesus wia ni séra, “Uli-ulit ikua-Kuma wia ni kamu, péléng sé tou mahwangun a singkéla' én ata a singkéla'.

Yohanes 8:34 Iomraidhean Croise

Matius 5:18

Uli-ulit ikua-Kuma wia ni kamu! Kauré u langit wo ung kaayahan im wiapé', zéi'kan siapa zozo' ing kori' uman u méipantik witu un ukum Torat un zéi'en, sa péléng a méipantik itii zéi'kampé' nimamualima.

Yohanes 3:3

A mingkotla si Yesus, “Uli-ulit ikua-Kuma wia ni ko, sa si tou zéi'kan itoumé sumaup in tou taré nimatoumé, si tou itii én zéi'kan mata'u maéndo tou witi Kakolanoan ni Opo Empung.”

Kisah Rasul-rasul 8:23

Pahpaan un atému mawuta-wuta un téutéu tanumokan um pa'itna un apezuh wo pahata-atan a léwo'an.”

Roma 6:12

Niitumo, tia' a singkéla' éng kimawasa witu un awak niou u maté, wo ni kamu én tia'mo mahtali-talinga u lelo léwo' un awak.

Roma 6:16

Zéi'kan kata'uan niou wé, sa kamu méhéla un tou niou wia si tou i mahtali-talinga ni sia, ni kamu é nimaéndomola ata ni tou itii? Téntu kangkasii, zéi'kan kata'uan niou wé, sa kamu simingkéla', ni kamu é nimaéndo ata a singkéla' itii? Niitu u mangun ni kamu makailek um patéan. Sa kamu méhé un tou niou i mahtali-talinga si Opo Empung, ni kamu é niéndo-Na ulit.

Roma 6:6

Kata'uanta sa ung katou-touanta im puuna é sinalipo pinahwali-wali karia ni Kristus, wo ni kita zéi'mo kinawasa ung kinanaram i mahsingkéla', wo ni kita zéi'kan pahata-atan a singkéla'.

Roma 7:14

Kata'uanta un ukum Torat itii ém wia si Roh ni Opo Empung a méyé. Taan ni aku én tou uman si mahkiit uman ung kapaaz ung kaayahan. Ni aku én tanu méiwangkéro i maéndo ata u singkéla'.

Roma 7:25

Taan makasé wia si Opo Empung pahpaan si Yesus Kristus Mahpiarata!

Roma 8:21

Taan wéwéhan um pahéré'an, pahpaan péléng sé wia ung kaayahan én ikapilot im witu ung kawasa u mangun ni séra i léwo'en, wo péléng sé wia ung kaayahan én uli-ulit méikapilot i loozen wo sigi'en karia né oki' ni Opo Empung.

Efesus 2:2

In toro niitu ni kamu é menou-nou mengiit ang kinanaram né tou wia ung kaayahan, ni kamu mahtali-talinga sé roh léwo' mahkawasa witi langit, ni séramo sé roh mahkawasa witu un até né tou zéi'kan mahtali-talinga si Opo Empung.

Titus 3:3

Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.

2 Petrus 2:19

Sé méster towo itii é méhé un taaz wia sé tou i lamaéndo tou zéi'mo ata, taan ndéén sé méster towo itii ém pahata-atan ang kinanaram néra wana a léwo'an a mahléwo' sé tou. Pahpaan si kinalamo é nimaéndomola ata ni kimala ni sia.