Yohanes 8:32 - Taaz Weru Witu u Nunuwu'en Tombulu

³² Ni kamu é mata'u ung kaulitan wo ung kaulitan itii é mangun ni kamu ipilot im witu um pahata-atan.”

Yohanes 8:32 Iomraidhean Croise

Matius 11:29

Kumiitola um perénta-Ku tanumokan i masaan um pasangan méipasaan-Ku, wo mahtata'umé wia ni Aku, pahpaan ni Aku én eluz uman wo roros até, wo si rohmu é makailek ung kaenaan.

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 16:13

Taan sa si Roh Kaulitan itii méyé, ni Sia é mahkit ni kamu i mata'u péléng ang kaulitan. Pahpaan ni Sia zéi'kan mahkua mengiit ung ginenang-Na in esa taan ni Sia é mahkua péléng an tinalinga-Na wia si Opo Empung, wo ni Sia éng kumua wia ni kamu a mamuali witu un endo tumondong.

Yohanes 17:17

Lenasela séra wia si Ama' mengiité ung kaulitan pahpaan u nuwu' ni Ama' itiimo ung kaulitan.

Yohanes 6:45

Wana am pinantik né nabi é méipantik, ‘Ni séra péléng én tuzu'en ni Opo Empung.’ Péléng sé tou sé timalingamo wo nimakaileko an tutuzu' ni Ama' é méyé wia ni Aku.

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Yohanes 8:36

Niitumo, sa si Oki' ni Opo Empung si nimilot ni kamu im witu um pahata-atan, ni kamu én uli-ulit méipilot im witu um pahata-atan.”

Roma 6:22

In tarékan, ni kamu é mémoikapilot im wana a singkéla' wo nimaéndomo ata ni Opo Empung. Niitu u nimangun ni kamu nimakailek ung katou-touan u linenas-Na wo ing kamurian mahalimé ung katou-touan makaz ing kauré-uré.

Roma 8:15

Pahpaan si Roh ni Opo Empung si kinailekan niou én zéi'kan nimangun ni kamu nimaéndo ata makaz nimangun ni kamu kinaindé'ampé', taan si Roh ni Opo Empung si kinailekan niou é nimangun ni kamu maéndo oki' ni Opo Empung. Karia ni Roh ni Opo Empung itii ni kita én toro tumawah si Opo Empung, “O Abba, o Ama'ku!”

Roma 8:2

Pahpaan si Roh ni Opo Empung si nimangun ung katou-touanta nimaesa karia ni Kristus Yesus si nimilotomé ni kita im witu un ukuman wana a singkéla' u nimahalimé um patéan.

1 Korintus 7:22

Pahpaan, si ata si tinawahmo ni Mahpiara, ni sia é mémoipiloté ni Mahpiara. Taan si zéi'mo ata an tawahela ni Kristus, ni sia én atamo ni Kristus.

Galatia 5:1

Pahpaan si Kristus si nimanguno ni kita in zéi'mo ata, ni kita én uli-ulit zéi'mo ata. Niitumo, enté-enté'en um pa'émanenta wia ni Sia, wo tia' iwaya niou un tou niou im pahata-atan sumaup un ukum Torat.

Galatia 5:13

Katuari-katuari, ni kamu én ulit tinawahmo i maéndo tou zéi'mo pahata-atan. Taan tia' un zéi'mo pahata-atan itii én éndon niou oras i menou-nou mahwangun a singkéla'. Taan tawimo pahsawangala sé tou walina karia u raraatéan.

2 Timutius 3:7

Sé wéwéné itii sekezé é mekituzu', taan ni séra én zéi'kan kawisa wo makatulap wisa un tutuzu' ulit.

Yakobus 1:25

Taan si tou uli-ulit mahtata'u un ukum ni Opo Empung u lekep, u nimilot ni kita im witu un ukuman wana a singkéla', wo zéi'kan uman mahtalinga a maliuza taan uli-ulit mahwangun niitu, si tou itii é mahpaa-paaz pahpaan am pahwangunenna itii.

Yakobus 2:12

Mahnuwu'la wo mahwangunla tanu sé tou matotozen ulit kaapa zéi'kan am pahwangunen néra, karia un ukum un zuméi' a singkéla' né tou.

1 Petrus 2:16

Ni kamu én zéi'mo ata a singkéla' taan ni kamu é mémoipiloté im wana a singkéla'. Taan tia' wo pahpaano niitu, ni kamu ém wayaan uman um wangunen i mahwuwuni a singkéla' niou. Niitumo ung katou-touan niou é maéndola ata ni Opo Empung.

2 Yohanes 1:1

Um pinantik kenu ém wia ni aku, si penatua wo iwéhé wia sé totoz ikararaatéku, si ina' pinéléng ni Opo Empung wo wia sé oki'na. Zéi'kan uman ni aku si rumaraaté ni kamu, taan maan péléng sé tou sé mata'umo an tutuzu' kaulitan,