Yohanes 8:31 - Taaz Weru Witu u Nunuwu'en Tombulu

³¹ A si Yesus kumuama wia sé tou Yahudi sé ma'émano wia ni Sia, “Sa ni kamu zéi'kan mazéi' i mahkiit a nuwu'-Ku, ni kamu én uli-ulit pahtuzu'eng-Ku.

Yohanes 8:31 Iomraidhean Croise

Matius 24:13

Taan sé tou ezen makaz ing kamurian é makailek ung katou-touan makaz ing kauré-uré.

Yohanes 1:47

Ilekena ni Yesus si Natanael mahéyé ang kumua tumoro ni sia, “Ilekena, kela siamo si uli-ulit tou Israel. Wia ni sia én zéi'kan siapa towo.”

Yohanes 2:2

Si Yesus wo sé pahtuzu'en-Na kangkasii éng kinua i mangé witi pésta kawéng itii.

Yohanes 6:55

Pahpaan, un awak-Ku un uli-ulit tikohon wo un zaha'-Ku un uli-ulit eelepen.

Yohanes 8:36

Niitumo, sa si Oki' ni Opo Empung si nimilot ni kamu im witu um pahata-atan, ni kamu én uli-ulit méipilot im witu um pahata-atan.”

Kisah Rasul-rasul 13:43

Kumawusa séra i rimagés, lakez sé tou Yahudi karia né tou zéi'kan Yahudi sé maindé' wia si Opo Empung mahkiit si Paulus wo si Barnabas. Sé zua aatu itii é mahtuzu' wo mahsésa wia ni séra wo séra zéi'kan mazéi' i menou-nou niméré' witu ung kamang tatambér ni Opo Empung.

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

Kisah Rasul-rasul 26:22

Taan pahpaan in tinulung ni Opo Empung, ni aku é menou-noupé' makaz in tarékan wo mahkua wia sé tou a niilekku wo an tinalingaku, ni séra in tou pahsigi-sigi'en kaapa tou kanaramen. Péléng a méipahwoka'ku itii é masuat wo a mémoipahwoka'mé ni Musa wo né nabi im puuna.

Roma 11:22

Niitumo, wéhanla genang kura ung kalé'osan ni Opo Empung wo sa Sia mukum én zéi'kan mahléléong. Ni Sia é uli-ulit mukum sé tou Yahudi zéi'kan ma'éman, taan ni Sia é mangun a lé'os wia ni ko, asal uman ni ko én zéi'kan mazéi' i menou-nou im witu u lé'os-Na. Sa zéi'kan téntu, ni Sia kangkasii én tumia' ni ko.

Roma 2:7

Si Opo Empung é méhé ung katou-touan makaz ing kauré-uré wia sé tou sé zéi'kan mazéi' mahwangun am wangun i menéro u sisigi'an, u lolooz wo ung katou-touan un zéi'kan maléwo'.

Kolose 1:23

Niitumo, ni kamu én tia'mo kumana' i ma'éman wo tia'mo mahzua-zua genang. Ni kamu én uli-ulit ma'émanla wo tia' ipahtutula'u um pahéré'an niou witu u Nuwu' Lé'os tumoro si Yesus, un tinalinga niouo itii. U Nuwu' Lé'os itii é méikawoka'mo wia ung kaayahan, wo ni aku, Paulus, si mahpaayang a méiatu ni Opo Empung i mapata'u u Nuwu' Lé'os tumoro si Yesus itii.

1 Timutius 2:15

Taan zozo' in téntu, si wéwéné én ipilot im witu un ukuman wana a singkéla' pahpaan in timoumé si koki', asal uman sia zéi'kan mazéi' i ma'éman wia si Kristus, rumaraaté si kasuat tou, ung katou-touanna é linenas ni Opo Empung wo ung katou-touan un zéi'kan tahlouso.

1 Timutius 4:16

Ime-imeken ung katou-touannu wo an tutuzu'mu. Tia' ko mazéi' i mahwangun niana péléng, pahpaan karia in téntu ni ko toro tumulung un toumu wo péléng sé tou mahtalinga an tutuzu'mu, im witu un ukuman ni Opo Empung.

2 Timutius 3:14

Taan, ni ko é léwo'zéi' i mahkiitla an tutuzu' ulit a mémoituzu' wia ni ko wo un totozo pa'émanennu, wo tia' kaliuzannu si timuzu' niitu wia ni ko.

Ibrani 3:14

Pahpaan ni kita é nimaesamo karia ni Kristus in tou-Na, niitumo tio-tionan um pa'émanen um wiamo ni kita rengané ing kataré-taré i ma'émanla si Yesus makaz ing kamurian.

Ibrani 8:9

Um pinataazan weru itii én zéi'kan tanu um pinataazan winangun-Ku wia sé nimaopo néra, i ni séra pengahkiteng-Ku nimondolé witi tana' Mesir. Pahpaan ni séra én zéi'kan mahtali-talinga um pinataazang-Ku, niitumo ni séra é méiwaya-Ku.” Niitu u Nuwu'-Ku.

Yakobus 1:25

Taan si tou uli-ulit mahtata'u un ukum ni Opo Empung u lekep, u nimilot ni kita im witu un ukuman wana a singkéla', wo zéi'kan uman mahtalinga a maliuza taan uli-ulit mahwangun niitu, si tou itii é mahpaa-paaz pahpaan am pahwangunenna itii.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.

1 Yohanes 2:24

Wo ni kamu, an tinalinga niouo rengan ing kataré-taré, niana é léwo'zéi' i memitu-mitu un até niou. Sa un tinalinga niouo rengané ing kataré-taré é memitu-mitumo un até niou, ni kamu é menou-nou nimaesa karia ni Oki' wo ni Ama'.

2 Yohanes 1:9

Si tou zéi'kan mahkiit an tutuzu' ni Kristus ang kumiitla an tutuzu' walina, ni sia én zéi'kan makaanu si Opo Empung. Séi si mahkiit an tutuzu' ni Kristus, ni sia é makaanu si Ama' wo si Oki'.